Joshua 8:8 - Bible Ni Thothup

⁸ Nap’an ni gimed ra kol fare binaw, mi gimed orfeg ni bod rogon ni yog SOMOL. Irera’ e pin’en ni ngan rin’.”

Joshua 8:8 Referans Kwoze

2 Samuel 13:28

me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

Joshua 1:16

Miyad fulweg ngak Joshua ni lungurad, “Bay gu rin’ed urngin e tin kamog ngomad, ma gamad yan ko gin’en ni kam pi’mad ni nggu warod ngay.

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Judges 4:6

Reb e rran me mulwoliy Barak ni nge yib, ni be’ nib mo’on ni fak Abinoam nma par u lan e binaw nu Kedesh ni bay u lan yu Naftali, me ga’ar fare pin ngak, “SOMOL ni ir e Got rok piyu Israel, e ke motochiyel ngom ni be ga’ar: ‘Ngam fek 10,000 e pumo’on ko ganong rok Naftali nge Zebulun ngam gafaliyrad ko fare Burey nu Tabor.

Joshua 8:28

I Joshua e urfiy yu Ai nge pag nike mgothgoth. Ni ku aram rogon ni bay e daba’.

Joshua 6:24

Miyad tay e nifiy ko fare binaw ngar urfiyed nge urngin ban’en ni bay u lan, ma kemus ni pin’en nni ngongliy ko gol, nge silber, nge bronze, nge wasey e da ni urfiy, ya ra feked ngar ted nga tamachibgil rok SOMOL.

Deuteronomy 20:16

“Machane nap’an ni gimed ra kol fapi binaw nu lan fare nam ni bayi pi’ SOMOL ni Got romed ngomed, mi gimed thang e fan rok gubin e girdi’ riy.

Joshua 8:2

Ma tin ngam rin’ nga Ai nge pilung riy e bod ni mu rin’ nga Jeriko nge pilung riy, machane yaney e ngam ayweg e tin ngam fek u tan e mael nge gamanman nge milfan ngom. Are mu fal’eg rogom ngam cham ko fare binaw nib tomgin u keru’rad ni ngar gin gad ngay.”

Joshua 8:7

Ma aram e ngambad nga wuru’ e gin gimed be mith riy ngam koled fare binaw. Ya SOMOL ni Got romed e bayi pi’ nga pa’med.

Joshua 8:9

Me pi’rad Joshua ngranod, mranod ko gin ngar mithgad riy ngar son gad u rom, ko ba’ ni ngal u Ai, u thilin yu Ai ngu Bethel. Me par Joshua e re nep’ nem ko gin be par yu Israel riy.

Joshua 8:22

Tin ba’aram yu Israel ni yad bay u langgin fare binaw e go’ rabad nga pe’ning ngar uned ngorad ko mael. Ma aram e pir’eg fapi pumo’on nu Ai nike cholongbiyrad piyu Israel, min li’rad ngarm’ad ni yad gubin.

Joshua 8:13

Ma aram e fapi salthaw e ra yarmiyedyad ko mael ni tin yo’or e salthaw e rpired ko lel’och ko fare binaw ma tin kabay e ra pired ko ngal. Me par Joshua e re nep’ nem u loway.