Joshua 8:22 - Bible Ni Thothup

²² Tin ba’aram yu Israel ni yad bay u langgin fare binaw e go’ rabad nga pe’ning ngar uned ngorad ko mael. Ma aram e pir’eg fapi pumo’on nu Ai nike cholongbiyrad piyu Israel, min li’rad ngarm’ad ni yad gubin.

Joshua 8:22 Referans Kwoze

Deuteronomy 7:2

Ma nap’an nra pi’rad SOMOL ni Got romed nga pa’med ngam gelgad ngorad ma thingar mu thanged owcherad ni yad gubin. Dab mu ngongliyed e m’ag u thilmed ara mu runguyed yad.

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

BABYOR NI JOB 20:5

ma dariy reb e girdi’ nib kireb nike par nib felfelan’ nib n’uw nap’an.

Joshua 10:28

I Joshua e cham nge kol yu Makkedah nge pilung riy ni krofen nem. Me thang e pogofan rok urngin e girdi’ u langgin fare binaw; dakriy ta’abe’ ni pag ni kabfos. Ma n’en ni rin’ ngak fare pilung nu Jeriko e ku aram e n’en ni rin’ ngak fare pilung nu Makkedah.

Joshua 6:21

Miyad li’ urngin e girdi’ u lan fare binaw ko saydon rorad, ni pumo’on nge ppin, ni pi’in ni bfel’ yangren nge pi’in kar pilibthirgad. Ma ku er rogon e garbaw nge saf nge dongki nra li’ed.

Joshua 8:8

Nap’an ni gimed ra kol fare binaw, mi gimed orfeg ni bod rogon ni yog SOMOL. Irera’ e pin’en ni ngan rin’.”

Joshua 8:21

Nap’an e guy Joshua nge fapi salthaw rok fa picha’ ni kar koled fare binaw kar yip’ed e nifiy ngay, miyad cheal ngar tababgad i li’ e pumo’on nu Ai.

Joshua 8:23

Dariy bagyad ni yag ni thay, ma dariy bagyad ni par nib fos u fithik’ e mael kemus ni go’ pilung nu Ai. Min kol ngan fek i yan ngak Joshua.