Joshua 7:6 - Bible Ni Thothup

⁶ Me Joshua nge pi’in yad ma yog e thin u Israel e go’ ra guchthiyed e mad rorad u fithik’ e kireban’, miyad pagrad nga but’ u mit fare Kahol ko M’ag rok SOMOL, miyad par u rom u but’ nge mada’ ko blayal’, ni kar afed e ab nga daken lolgurad ni yad be dag gel’ngin e tagnan’ rorad.

Joshua 7:6 Referans Kwoze

Genesis 37:29

Ma fa’ani yib Ruben ko fare low, me pir’eg nde moy Josef u rom, me guchthuy e mad rok ni aram e ke dag e kireban’ nike tay.

Genesis 37:34

Me guchthuy Jakob e mad rok me bachiy bangi mad ni yima fanay ko tutuw nga lukngun ni aram e ke dag gelngin e kireban’ nike tay. Ma ba n’uw nap’an ni i par nib kireban’ ma be yornag fak.

Lamentations 2:10

Pi pumo’on ni pilibthir nu Jerusalem e kar pired nga but’ nike math gulungrad, Ni go’ fiyath daken lolugrad ma mad u dakenrad e tutuw. Ma pi’in rugod e kar’aned lolugrad nga daken e but’.

2 Samuel 13:31

Me sak’iy fare pilung ngalang, nge guchthiy e mad rok u fithik’ e kireban’, me pag ir nga but’. Ma fapi tapigpig ni urmed rok u rom e kura guchthiyed e mad rorad.

Numbers 14:6

Mi Joshua ni fak Nun, nge Kaleb ni fak Jefunneh, ni yow l’agruw fapi damit e ra guchthuyew e mad rorow ni bochan e kari kireban’row,

Revelation 18:19

Miyad wereg e ab nga fithik’ i lolugrad, miyad yor ma yad be dololoy’ ni be lungurad, “Kari gafgow fare binaw nib gilbuguwan! Yi ir fare binaw ni urngin e girdi’ ni bay e barkow rorad ni be yan u maday e yo’or ban’en rorad ko fel’ rogon rok! Ma ke mul urngin ban’en u pa’ u lan ta’reb e awa!”

Acts 14:14

Ma fa’ani rung’ag Barnabas nge Paul murung’agen e n’en ni nge rin’ e pi cha’nem, miyow guchthuy e mad rorow ngar milgow i yan nga fithik’ fapi girdi’ ni aram urngirad, ni yow be non ni ba ga’ lamrow ni be lungurow,

BABYOR NI JOB 2:12

Ka yad mmal’af miyad guy Job, ma de pow rorad. Ma nap’an ni pow rorad, miyad yor ni kar paged lamrad ngalang. Miyad guchthuy e mad rorad ya kari kireban’rad, miyad gogoy e fiyath ngu u ron’ed ngalang ngi i wear nga fithik’ i lolugenrad.

BABYOR NI JOB 1:20

Me sak’iy Job nge guchthuy e mad rok ni kari kireban’. Me suruy e piy u chugen nge m’ay me paraw nga but’.

Ester 4:1

Nap’an ni na’ab Mordekai nga urngin e pin’en ni kan rin’, ma gelngin e kireban’ ni yib ngak me guchthiy e mad rok, me yin’ e mad ni tutuw, me af e awat nga daken lolgen, me yan u lan fare binaw, nike pag laman ngalang ni be yor,

2 Samuel 12:16

Me meybil David ngak Got ni nge gol fare tir. Ma daki kay David ban’en; ma gubin e nep’ ni be yan ngalan e senggil rok nge mol u daken e faraf ni polo’ e nep’.

2 Samuel 1:12

Miyad par ni kari kireban’rad ma yad be yor, mra pired ndar abichgad nge yan i mada’ ko blayal’ ni bochan Saul nge Jonathan, nge fan ngak yu Israel, ni girdi’ rok SOMOL, ni bochan e pire’ i yad e kan li’ ko re mael nem.

1 Samuel 4:12

Be’ nib mo’on ni yib ko ganong rok Benjamin e mil ko gin ba’aram ni un mael riy nge yib nga Shiloh, me yib i taw ngaram ni ka rofen nem. Ma ke guchthuy e mad rok ke tay e fiyath nga fithik’ i piyan lolugen ni nge dag gelngin e kireban’ nike tay.

Judges 21:2

Ma aram me yan e girdi’ nu Israel nga Bethel ngranod ra pired nga p’eowchen Got nge blayal’. Miyad yor nib gel ma ba ga’ lamrad me lungrad:

Judges 20:26

Ma aram me yan gubin e girdi’ nu Israel nga talang nga Bethel ngu’ur yorgad. Miyad par nga but’ u rom u p’eowchen SOMOL ni dar ked ban’en nge blayal’. Miyad pi’ e pi maligach nma gapaseg thilin Got nge girdi’ miyad urfiy boch e gamanman ni maligach ni kab polo’ u p’eowchen SOMOL.

Numbers 16:45

“Mchuwgow u to’oben e pi girdi’ ney, ya nggu thang e pogofan rorad ni kachingiyal’ ney!” Miyow siro’ ngak SOMOL nge math peri’row nga but’,

Numbers 16:22

Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”

Joshua 7:7

Me ga’ar Joshua, “SOMOL nib Th’abi Tolang! Mangfan ni mu fekmad nggu th’abed fare lul’ ni Jordan nga ba’ney? Mog, bochan e ngam pi’mad ngak e pi Amorite, ngar thanged owchemad? Mangfan ni yug da gu pired u ba’nem e Jordan?

2 Samuel 1:11

Me guchthuy David e mad rok ni bochan e kari kireban’, ma urngin e tirok e girdi’ nra guchthuyed e mad rorad.

2 Kings 22:11

Ma faani rung’ag me guchthuy e mad rok nike rus.

2 Kronicles 34:19

Nap’an ni rung’ag fare pilung e thin ko fare ke babyor, me guchthuy e mad rok nike kirban’

BABYOR NI JOB 42:6

ere kug tamra’ nga urngin e tin ku gu weliy ma kug kolngan’ug u roy u fithik’ e fiyath nge awat.

Judges 11:35

Ma nap’an ni guy fa chipin, me guchthuy e mad rok ni gelngin e kireban’ rok me ga’ar, “Ah, fakag! Karim kirebnag lanin’ug! Mangfan nri gur e ngam k’aring e amith nga lanin’ug? Kug ngongliy ba m’ag ni kug micheg ngak SOMOL, ni dabkiyag ni nggu sulweg!”

2 Samuel 1:2

Me reb e rran riy me taw be’ nib pagel ni yib ko gin ni ba’aram ni n’uf Saul nge pi salthaw rok e tent rorad riy ngar pired riy. Ma ke guchthuy e mad u daken, ma ke tay e but’ nga fithik’ i lolugen, ni aram e be dag ni kari kireban’. Me yib ngak David me yib i siro’ ngak ni aram e ke tay fan David.

2 Samuel 13:19

Me wereg e awat nga daken lolgen, me guchthuy fare mad rok, me upunguy owchen nga rifrifen pa’ nruw raba’ me yan ni be yor.

Ezra 10:1

Ngiyal’ nib garbug Ezra ni be meybil u mit fare Tempel, ni be yor ma be weliy e pi denen ney, me yib ba ulung nib ga’ u Israel ni — pumo’on, ppin, nge bitir — ngarabad ra liyeged u but’, ni yad be yor nib gel.

Nehemiah 9:1

Rofen ni reliw’ nge aningeg fen ko re pul i n’em, me mu’ulung yu Israel ngar paged e abich ni aram e yad be dag gelngin e kireban’ rorad ko denen rorad, ni kar chuwgad ko mad ni tutuw ma kar ted e fiyath nga fithik’ i lolugrad ni pow nike kolngan’rad.

Ester 4:3

Gubin yang e yungi nug nrung’aged fare thin nike yog fare pilung, me yor e pi Jew riy ngalang. Miyad pag e abich, miyad yor ni yad be dololoy’, ma bo’or i yad ni yon’ e mad ni tutuw miyad mol nga fithik’ e awat.