Joshua 7:24 - Bible Ni Thothup

²⁴ Me Joshua nge urngin e girdi’ nu Israel e ra koled Akan, nge fapi silber, nge fare wuru’ e mad, nge fare gi gol, nib muun pifak Akan ni pumo’on nge ppin ngay, nge garbaw nge gamanman ni dongki, nge saf, nge tent rok, nge urngin e chugum rok; mra feked urngin e pin’ey i yan ko fare Loway ko Wagagey fithingan.

Joshua 7:24 Referans Kwoze

Proverbs 15:27

Ga ra guy rogon ni nge yag e win ngom u fithik’ e sasalap, ma aram e oloboch ni nge yib nga tabnaw rom. Dab mu fek puluwon e sasalap me n’uw e yafos rom.

Hosea 2:15

Mu gu fulweg ngak fa yungi grape ni fi’in, mu gu gagiyegnag e Loway ko Gafgow nge par ni mban e l’agan’. Mu rom e bay gu t’uf rok riy ni bod ni rin’ ko fa ngiyal’nem ni kab rugod, ni fa ngiyal’nem ni yib u Egypt.

Isaiah 65:10

Bay ra maybilgad ngog miyad pow’iy e saf rorad nge garbaw ko gin ngar ked e pan riy u lan e tafelfel’ u Sharon u lan e ngal ngu lan ba loway u lan e ngek ni fithingan e Loway ko Oloboch.

Joshua 15:7

me yan u rom ko Loway ni wagagey fithingan nga talang u Debir, ma aram me chiygog ko lel’och nge yan nga Gilgal, ni bay u puluwon fare Kanawo nu Adummim u ba’ ni yimuch ko fare loway. Meyib u rom ko fapi alublub nu Enshemesh me yan nga Enrogel,

Joshua 7:26

Mar ulunguyed ba to’lung i malang nga daken ni kabay e pi malang nem u’ rom e daba’. Aramfan ni ku yima yog fithingan e re gin’em ni Loway ko Wagagey. Ma aram me m’ay e damumuw rok SOMOL.

Exodus 20:5

Dab mu siro’gad ara mu pigpiggad ngorad; ya gag fare SOMOL ni Got romed, mi gag ba Got ni gu ba talyeg. Gu ra fek e gechig i yib nga daken e pi’in yad be fanenikayeg nge nga daken pifakrad nge mada’ ko bin dalip e mfen.

Eklesiastes 5:13

Ba’aray ban’en ni rib kireb ni gguy u roy u fayleng: girdi’ nma cha’riy e salpiy ni fan ko ngiyal’ nra t’uf rok,

BABYOR NI JOB 20:15

Fare mo’on ni kireb e sul u lugun nga but’ e pi felel’ ni i iring; Got e ra sulweg rok, ni aram rogon ni sulweg u lan e yal rok nga but’.

Joshua 7:1

Dan fol ko fare n’en ni tay SOMOL chiylen ngak yu Israel ndab ni fek ban’en u Jeriko nsusun e ngan kirebnag. Be’ nib mo’on ni Akan fithingan e de fol riy, ma aram mri damumuw SOMOL ngak piyu Israel’. (Akan e be’ nib mo’on ni fak Karmi ni be’ nib mo’on ni fak Zabdi, ni be’ ko fare ke girdi’ rok Zerah, ni bang ko fare ganong rok Judah.)

Joshua 6:21

Miyad li’ urngin e girdi’ u lan fare binaw ko saydon rorad, ni pumo’on nge ppin, ni pi’in ni bfel’ yangren nge pi’in kar pilibthirgad. Ma ku er rogon e garbaw nge saf nge dongki nra li’ed.

Joshua 6:18

Machane gimed e ngam ted gimed u orel ko n’en ni bay ni kirebnag. Fa’an gimed ra fek ban’en ni kan turguy ni ngan kirebnag, ma gimed ra girengiy e gafgow nge riya’ ko gin be par piyu Israel riy.

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

Joshua 7:23

Miyad fek i yib nga wean ngak Joshua nge urngin piyu Israel, miyad tay nga but’ u p’eowchen SOMOL.

Joshua 22:20

Ki gimed manang faram rogon ni gelnag Akan nib mo’on ni fak Zerah laniyan’ nde fol ko tin ni yog SOMOL ni murung’agen e pin’en ni kan duwgiliy ni nge kireb; ga’ngin yu Israel nni gechignag ni bochan e ran’em. Akan e gathi go’ ir e yim’ ni bochan e denen rok.”