Joshua 7:12 - Bible Ni Thothup

¹² Irera’ fan ndabiyag ni nge cham piyu Israel ngak e pi to’ogor rorad. Ka ni tulufrad kar sulod ni bochan e yad rorad e aram e kan gechig nagrad ni ngan kireb nagrad! Dab kug par romed e chiney i yan ngaram, ya fin gimed ra kirebnag urngin e pi chugum ni gog ngomed ndab mu feked!

Joshua 7:12 Referans Kwoze

Isaiah 59:2

Bochan e pi denen rom ma aram e dakir rung’ag lungum. Pi denen rom e ke ki’egem rok Got ko ngiyal’ ni ga be guy rogon ni ngam meybil ngak.

Judges 2:14

Mri damumuw SOMOL ngak piyu Israel me pag ngan giliw nagrad ngan fek e tirorad ban’en. Me pag e to’ogor rok piyu Israel u to’obrad i yan ngar gelgad ngorad, ma dakiyag rok piyu Israel ni ngar ayuweged yad.

Numbers 14:45

Me yib e pi Amalekite nge piyu Kanaan ni be par u rom ra maelgad ngorad ngar gelgad ngorad, miyad lol’oegrad ngar mada’gad nga Hormah.

Joshua 6:18

Machane gimed e ngam ted gimed u orel ko n’en ni bay ni kirebnag. Fa’an gimed ra fek ban’en ni kan turguy ni ngan kirebnag, ma gimed ra girengiy e gafgow nge riya’ ko gin be par piyu Israel riy.

Deuteronomy 7:26

Ri dab mfeked reb e pi liyos nem nga naun romed; ya gimed ra rin’ ma buch wa’athan ni yib ngorad e ku ra yib ngomed. Thingar mu fanenikayed e pi liyos nem me par ni bogi ban’en ndariy fan u wun’med, ya ke bucheg SOMOL wa’athrad.

Habakkuk 1:13

Ke di’in ma ke yag ni mu k’adan’um rok e pi girdi’ ney ndabiyag ni nge pagan’uy ngorad ma yad ba kireb? Lan owchem e kaygi thothup ni nge guy e kireb ni yibe rin’, ma dabiyag ni ngam par ngu’um guy e girdi’ ni yad be ngongliy e tin nde yal’uw. Ere mang ni kam th’ab gulungam kar pired ni yad be thang e pogofan rok e girdi’ ni kab gel e mat’aw rorad ngorad?

Hosea 9:12

Machane fa’an yad ra fakay e bitir, ma bay gu chuweg rorad ni dariy baygad nra fos. Nap’an ni gu ra n’ag e pi girdi’ ney, ma bayi buch bogi ban’en rorad nrib kireb.”

Jeremiah 23:33

Me ga’ar SOMOL ngog, “Jeremiah, nap’an nra fith reb e girdi’ rog ara reb e profet ara reb e prist ngom ni ga’ar, ‘Mang e tomal rok SOMOL?’ ma ngam ga’ar ngak, ‘Gur e thi rok SOMOL, ma bayi n’agem.’

Jeremiah 6:8

Gimed e girdi’ nu Jerusalem, mu paged e pi oloboch ney nge mang ba ginaeng ngomed ya ra dangay mu gu ra n’agmed; bay gu pilyeg lan binaw romed nge ngal’ ni bang i ted ni desert, ni bang i n’en ndariy be’ nra par riy.

Proverbs 28:1

Pi’in kireb e yad ma mil ko ngiyal’ ndariy be’ ni be lol’oegrad, ma be’ nib mat’aw e bod feni m’uthan ba layon.

Judges 2:4

Nap’an ni yog fare engel e re bugithin ney ngorad, me tabab urngin e girdi’ nu Israel ko meyor.

Numbers 14:39

Fa’ani weliy Moses ngak urngin e girdi’ nu Israel e thin nike yog SOMOL me ri kireban’rad.

Judges 16:20

Me tolul Delilah ni ga’ar, “Samson! Ke yib e piyu Filistia!” Me od me ga’ar u wan’, “Bay kug gel nigeg mu gu thay ni bod gubin yay.” Ma de nang nike chuw SOMOL rok.

1 Samuel 14:38

Me ga’ar Saul ngak e pi’in yad be yog e thin rok e pi girdi’ nem, “Mired e ngaray ngam gayed ko mang denen e ka ni ngongliy e daba’.

Psalms 44:10

Kam pag kug milgad rok e pi to’ogor romad, ma kar feked e tiromad karfaned.

Psalms 60:10

Got rriyul ni karim n’agmad? Mog, dab kum un ngak e pi salthaw romad ko mael?

Numbers 14:42

Dab mmarod. Ya SOMOL e dabi un ngomed, ma mmudugil ni gimed ra waer rok e pi to’ogor romed.

Numbers 14:43

Ya gimed ra mada’ e pi Amalekite nge piyu Kanaan ma gimed ra yim’ u fithik’ e mael; ya SOMOL e dabi un ngomed ngam marod, ya kam siyegned ni ngam folgad rok.”