Joshua 6:1 - Bible Ni Thothup

¹ Ma kan ning e garog ko binaw nu Jeriko nrib fel’ rogon, ni fan e nge dabiyag ni yib piyu Israel ngalan. Ma dariy be’ ni ku rayag ni nge yan ngalan e re binaw nem ara yan nga wuru’.

Joshua 6:1 Referans Kwoze

Joshua 2:24

Me lungurow ngak, “Kari mich u wun’mow nike pi’ SOMOL ngodad e re nam nem ni ga’ngin. Ya urngin e girdi’ nu rom ni kar rusgad ngodad.”

Psalms 127:1

Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Joshua 2:7

Ma yugu nap’an ni chuw fapi pumo’on ni l’oegrad fare pilung u rom u lan e binaw ngranod min ning e garog ko fare binaw. Miyad yan ni yad be gay fa gali damit ngar mada’gad ko gin yima thum’ riy nga barba’ e lul’ ni Jordan.

2 Kings 17:4

Machane me reb e duw me l’oeg Hoshea e pi mal’og ngranod ngak So ni Pilung nu Egypt, ni yad be ning e ayuw rok, me tal i pi’ fare walbuw nga Assyria. Nap’an ni nang Shalmaneser e ren’ey, me yog, min kol Hoshea ngan tay nga kalbus.

Joshua 5:15

Me ga’ar fare mo’on ngak ni ir e gireng ko ba’rok SOMOL e salthaw, “Mu lul e sus rom; ya gab sak’iy u daken e but’ nib thothup.” Me rin’ Joshua ni bod rogon nike yog ngak.

Joshua 6:2

Me ga’ar SOMOL ngak Joshua, “Mu telim! Yu Jeriko nge pilung riy nge pi salthaw ni bay riy ndarir rusgad e nggu pi’ nga pa’am.

Joshua 2:1

Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Joshua 16:7

Ma aram me yan nga p’ening u Janoah nga Ataroth nge Naarah, nge mada’ nga Jeriko me yan i mus ko Jordan.

Joshua 18:21

Pi binaw nni pi’ ntafen e pi tabnaw nu lane ganong rok Benjamin e Jeriko, Beth Hoglah, Emek Keziz,

2 Samuel 10:5

Ma kar tamra’gad ni ngar sulod nga taferad. Ma nap’an ni rung’ag David e n’en nike buch rorad, me l’oeg e thin nge yan ngorad ni ngar pired u lan yu Jeriko ndab ka’ar sulod nge taw ko ngiyal’ nike n’uw e rob rorad bayay.

2 Kings 2:4

Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Jeriko.” Machane me fulweg Elisa ni ga’ar, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Jeriko.