Joshua 5:9 - Bible Ni Thothup

⁹ Me ga’ar SOMOL ngak Joshua, “Daba’ e kug chuweg romed e tamra’ ko sib ni mu ted u Egypt.” Ara’ fan ntunguy fithingan e gin’em ni Gilgal, ni ka bod rogon ni yibe pining fithingan e bin daba’ e rran.

Joshua 5:9 Referans Kwoze

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

Joshua 4:19

I th’ab piyu Israel e lul’ ni Jordan nga baraba’ ko rofen ni ragag ko bin m’on e pul, mrabad ra pired nga Gilgal, ni bay ko ngek u Jeriko.

Genesis 34:14

Roged nra ga’argad, “Dabiyag ni nggu paged walagmad nge figirngiy be’ ni pumo’on ndawor ni maad’adnag; binem e ra ma’nag famad.

Levitikus 24:14

“Mu fek e re mo’on nem nga wuru’ e gin’ey ni be par yu Israel riy. Ma gubin e pi’in rung’aged facha’ ni i yog e thin ni kireb e ngar ted pa’rad nga daken lolgen fare mo’on, me malangnag yu Israel facha’.

Ezekiel 23:8

Miki tabab ko n’en ni ki i rin’ u Egypt ni i falchuway’ ngak, ni aram e gin ni nang e pumo’on riy. Ka nap’an e kabochi rugod, mi i moleg e pi pumo’on ni bod rogon be’ ni bpin nma falchuway’ ngak.

Ezekiel 23:3

Nap’an ni kayow bitir, ni yow ma par u lan yu Egypt, miyow par nga gil’ e pumo’on, ma aram miyow mang l’agruw ni’ ni yow ma falchuway’ ngorow.

Jeremiah 9:25

I SOMOL e be ga’ar, “Bayi taw nga bangiyal’ ni bay gu gechignag e girdi’ nu Egypt, Judah, Edom, Ammon, Moab, nge girdi’ nu daken e ted, ni kar th’abed piyen lelugenrad ke ngoch. Gubin e pi girdi’ ney ni ka ni maad’ad nagrad ni bod ni yog e motochiyel rok Moses, machane darir ayweged fare m’ag ni pow riy e ram. Dariy reb e pi girdi’ ney fa reb e girdi’ nu Israel nma tay fare m’ag u gil’.”

Psalms 119:39

Mu ayuwegneg ko thin ni kireb ni gu ma rus ngay; rib fel’ e pin’en ni ka mu tiriggiliy.

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.

1 Samuel 14:6

Me ga’ar Jonathan ngak fare pagel, “Ngad th’abew e kanawo’ nga baraba’ ngdarow ko gin be par e pi Filistine riy, ni bogi ni’ ndar nanged Got. Sana ra ayuwegdow SOMOL; fa’anra rin’, ma rib muduwgil nra gagiyegnag ngad gelgow, ndariy fan ni ara’ rogon nri gadow l’agruw.”

Joshua 24:14

Ma aram me yog Joshua ngak e girdi’ ni ga’ar: “Mu liyorgad ku SOMOL, mi gimed fol rok, mi gimed par ni gimed ba yul’yul’ ngak ni gubin ngiyal’. Mu chuweged e pi got ni i tay pi chitamangimed farad u Mesopotamia ngu Egypt, ya kemus ni go’ SOMOL e ngu’um pigpiggad ngak.

Joshua 5:8

Nap’an nni mu’ i maad’ad nagrad, me par piyu Israel ni yad gubin ko gin kar n’ufed e pi tent rorad riy nge mada’ ko ngiyal’ nike fos e maad’ad rorad.

1 Samuel 7:16

Gubin e duw nma yan u Bethel nga Gilgal nge nga Mizpah, ngi i pithig e yu pa’ i oloboch.

2 Samuel 19:15

Ma nap’an ni be sul i yan, miyad mada’ e girdi’ nu Judah ko lul’ ni Jordan ni karbad nga Gilgal ni ngar chaggad ngak ngar th’abed e lul’ nga baraba’.

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”

Zefaniah 2:8

Be ga’ar SOMOL ni Gubin ma Rayag Rok, “Kug rung’ag ni be yog e girdi’ nu Moab ngu Ammon e thin nib kireb ma yad be moning nag e girdi’ rog. Yad be yog nib sororad ma bay ra koled u fithik’ e yargal e binaw rok yu Judah.

Nehemiah 12:29

Bethgilgal, Geba, ngu Azmaveth.

Hosea 4:15

“Yugu aray rogon ndamur yul’yul’gad piyu Israel ngog, ma yu Judah e mang e yugu ra pired ndab ra ngongliyed e tin gimed be rin’. Dab marod mu meybilgad nga Gilgal nge nga Bethel, ma dab mmicheged yu bugithin u rom nga fithingan SOMOL ni be par nib fos.

Amos 5:5

Dab ku’um marod mu meybilgad nga Beersheba. Dab mu guyed rogon ngam pir’eged gag u Bethel, ya bayi m’ay yu Bethel nga bang. Dab kum marod nga Gilgal, ya girdi’ riy e kan turguy ni ngranod nga reb e nam ni kalbus.”