Joshua 3:7 - Bible Ni Thothup

⁷ Me ga’ar SOMOL ngak Joshua, “N’en ni bay gu rin’ e daba’ e bayi gagiyegnag urngin e girdi’ nu Israel ngar ted fam ni bod rogon be’ nib sorok, ma bay ra nanged ni gu bay rom ni bod rogon Moses ni ug moy rok.

Joshua 3:7 Referans Kwoze

Joshua 4:14

N’en ni rin’ SOMOL e rofen nem e gagiyegnag piyu Israel ngar tedfan Joshua ni ir be’ nib ga’. Miyad tayfan u n’umngin nap’an e yafos rok, ni bod rogon ni ur tedfan Moses.

Joshua 1:5

Joshua, dariy be’ nrayag rok ni nge gel ngom u n’umngin nap’an e yafos rom. Bay gu un ngom ni bod rogon ni ug un ngak Moses. Mar dab gu pagem.

1 Kronicles 29:25

Me tay SOMOL fare nam ni ga’ngin ni ka ra ngatgad ngak Solomon, me gilnag bugwan Solomon ni dariy reb e pilung nike gagiyeg u Israel nra ta’reb rogon ngak.

Psalms 18:35

A SOMOL, ga ma yororiyeg ma ga ma ayuwegneg; ayuw rom e ke gilnag buguwag, ma gelngim e ke teg ndariy ban’en nike buch rog.

Joshua 1:17

Bay ug folgad rom ni bod rogon ni ug folgad rok Moses ni gubin ngiyal’ ni fa’anra i un e SOMOL rom i Got ngom ni bod ni i un ngak Moses!

BABYOR NI JOB 7:17

Mang nrib ga’fan u wun’um e girdi’? Mang ni ga ma yip’ owchem ko pin’en ni yad ma rin’?

2 Kronicles 1:1

Solomon ni be’ nib pagel ni fak David e i kol e thin ko nam nu Israel, ma SOMOL ni Got rok e fal’eg wa’athan me tay nrib gel gelngin.

John 17:1

Fa’ani mu’ i yog e re bugithin ney rok Jesus, me sap ngalang me ga’ar, “Chitamag, ke taw ko fare awa. Mu gilnag buguwan Fakam, me gilnag Fakam buguwam.

Filippi 1:20

Ya tin ni ku gum’ ni bochan nge n’en ni be l’agan’ug ngay e thangri dab gu pag e maruwel rog nge kireb, machane gubin ngiyal’ nri lan e re ngiyal’ i n’ey e thangri athamgil lanin’ug, ya nge yag ntay fan Kristus minog e sorok ngak ni bochag, ndemturug ko gu ra fos fa gu ra yim’.

Joshua 3:6

Ma aram me ga’ar Joshua ngak fapi prist, “Mat’egned fare Kahol ko M’ag ngam mon’od rok e girdi’!” Miyad rin’ ni bod nike yog.

Joshua 3:8

Mog ngak fapi prist ni yad be fek fare Kahol ko M’ag ni fa’an yad ra taw ko lul’, ma thingar ranod nga maran ngar sak’iygad ko gin ba chugur nga teal e lul’.”

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”