Joshua 3:16 - Bible Ni Thothup

¹⁶ me tal e ran ko fare lul’ ndaki yan me mukun u p’ebugul e lul’ u Adam, ni fare binaw ni bay u to’oben yu Zarethan. Ma fare ran ni be yan ko re lul’ nem ngalan e Dead Sea e tal ndaki yan, me th’ab e girdi’ fare lul’ nga baraba’ u bang nib chugur nga Jeriko.

Joshua 3:16 Referans Kwoze

Joshua 3:13

Ma pi prist ni yad be mat’nag fare Kahol ko M’ag rok SOMOL ko fayleng ni ga’ngin e nap’an ni yad ra tay e rifrif rorad nga fithik’ e ran, me tal e ran ko fare lul’ ni Jordan ndabki yan, ma ran ni be yib u p’ebugul e lul’ e bayi mokun nga ta’bang.”

1 Kings 7:46

En ni pilung e tay e pin’ey ngan ngongliy u thilin yu Sukkoth ngu Zarethan, u lan fare Loway ni Jordan.

1 Kings 4:12

Baana nib mo’on ni fak Ahilud: fapi binaw nu Taanak, Megiddo, nge ga’ngin yang e nug u charen yu Beth Shean, nib chugur ko fachi binaw nu Zarethan, ni bay nga yimuch ko fachi binaw nu Jezreel, me yan nge taw ko fare binaw nu Abel Meholah nge fare binaw nu Jokmeam

Genesis 14:3

Lal i pilung ney e ra chaggad miyad ulunguy e salthaw rorad ngalan e Loway u Siddim, ni aram yu Dead Sea e chiney.

Psalms 114:3

I changar fare day ni Red Sea me mil; me sul fare Lul’ nu Jordan nga tomur.

Deuteronomy 1:1

Irera’ fapi thin ni yog Moses ngak urngin e girdi’ nu Israel u ba’ ni ngek e lul’ ni Jordan u daken e ted u Arabah ni bay u charen yu Suf, ma bay yu Paran nga baraba’, ma bay yu Tofel, nge yu Laban, nge yu Hazeroth, nge yu Dizahab nga baraba’.

Numbers 34:3

Mathil u yimuch e tabab ko ted nu Zin nge waliy e mathil nu Edom. I tabab ko ngek u taban e leyni yimuch ko Dead Sea.

Psalms 77:19

Ga ma yan u fithik’ e n’ew, ngam th’ab nga barba’ e regur, machane, luwan em e dab ni guy.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Psalms 66:6

Ke thilyeg e day ke ngal’ ni but’ nib mlik’; nge yan e pi chitamangidad kakrom riy u but’ nga barba’. U rom e da felfelan’gad riy ko n’en ke rin’.

Psalms 29:10

SOMOL e be gagiyegnag e pi regur; be gagiyeg nib pilung ni dariy n’umngin nap’an.

Joshua 15:2

Re mathil ney ko yimuch e yan u ley ni yimuch ko fare gi day ni Dead Sea,

Deuteronomy 3:17

Mu ba’ ni ngal fare gi binaw ntaferad e yan nge mada’ ko lul’ ni Jordan, ni tabab u lan e lel’och ko lipath ni Galilee. Me yan ko yimuch nge yan i taw ko Dead Sea, me yan ko ngek nge mada’ nga enggin fare burey ni Pisgah.

Exodus 14:21

Me fael Moses pa’ nga daken e day me pi’ SOMOL e nifeng nib gel u lan e ngek nge thow ni reb e nep’ nge chuweg e day me m’ug e but’ nike mlik’. Me yib e mathil u lan fa gi day nge par nike ruw raba’,

Psalms 33:7

I kunuy urngin yang e day nga ta’bang; i kunuy ngalan e rigur nib to’ar.

Psalms 114:5

Day, mang e buch mag mil? Me gur Lul’ ni Jordan, mang ni mu sul nga tomur?

Isaiah 50:2

“Mang ni de sap e girdi’ rog ngog nnap’an ni gu wan ni nggu aywegrad? Mang ni gu piningrad ma dar fulweged lungug? Gur kayiggu waer ni nggu ayuwegrad? Ta’abbug e thin e gu ra yog me mlik’ e regur me pig e yupa’ i lul’ nge bod daken e ted nib fengfeng; nig ni bay riy e ra yim’ ya dakriy e ran riy.

Ezekiel 47:8

Me ga’ar ngog, “Re ran ney e be yan u daken e nam nib sor ko ngek nge log ngalan e Loway nu Jordan nge yan ko day ni fithingan e Dead Sea. Nap’an nra lul’ ngalan e Dead Sea, me yin’ luwan e day nge kak’lingnag e ran riy.

Nahum 1:4

I yog e n’en ni nge rin’ e day me mlik’ langgin! Me mlik’nag yu pa’ i lul. Yung i flang nu Bashan e go’ fengfeng daken, me mroray daken e Burey ni Karmel, me m’ay ra’en e floras nu Lebanon.

Habakkuk 3:8

SOMOL mog, pi lul’ e kar k’aringed e puwan’ ngom? Mog, day e ke k’aring e damumuw ngom? Kam af nga daken e manileng ka mub; manileng ni yoko’ e chariot rom, ni fa’an mu gagiyegnag e tirom e girdi’ ngar gelgad.

Exodus 14:22

me yan piyu Israel u lan fa gi day ni yad be yan u daken e but’ nike mlik’, ni bay e day u baraba’ ngu baraba’ e re kanawo’ nem.

Exodus 14:29

Machane piyu Israel e ranod u daken e but’ nib mlik’ u maday, ni bay e day u baraba’ ngu baraba’ e kanawo’ rorad.

Exodus 15:8

Mu thoy daken e day me mu’ulung nga ta’bang nib tolang ngalang; nge par nib k’iy ngalang ni bod bangi rungrung; gin th’abi to’ar ko fa gi day e el nge par.

Joshua 4:22

ma ngmogned ngorad murung’agen yu Israel nra th’abed e lul’ ni Jordan nranod u daken e but’ nib mlik’ nga baraba’.

Joshua 5:1

Urngin e pilung rok e pi Amorite ni yad bay ko ngal ko lul’ ni Jordan nge urngin e pilung rok yu Kana’an ni yad bay u to’oben fa gi day ni Mediterranean fithingan e rrung’aged nike chuweg SOMOL e ran u lan e lul’ ni Jordan ko ngiyal’ ni ba’aram ni yib piyu Israel ra th’abed nga baraba’. Me yib e marus ngorad nge mulan’rad ni bochan piyu Israel.

Joshua 12:3

mu’un fare Loway ni Jordan ngay ni tabab ko lel’och ko Lipach nu Galilee nge mada’ nga Beth Jeshimoth (bay ko ngek ko Dead Sea) me yan u rom nga enggin e Burey ni Pisgah.

Joshua 16:7

Ma aram me yan nga p’ening u Janoah nga Ataroth nge Naarah, nge mada’ nga Jeriko me yan i mus ko Jordan.

Judges 7:22

Ngiyal’nem ni be thoy fapi pumo’on rok Gideon e yabul rorad, me gagiyegnag SOMOL fapi to’ogor ngu’ur chamgad ngorad ko saydon. Miyad mil i yan nga Zerethan ngar mada’gad nga Beth Shittah, nge mada’ ko fachi binaw nu Abel Meholah u charen yu Tabbath.

Psalms 78:13

I sey e day nge fekrad nga barba’; i suweg e day ngalang ni bod ruraba’ i rungrung.