Joshua 24:5 - Bible Ni Thothup

⁵ Mu gol’oeg Moses nge Aron, mu gu girengiy e gafgow nib gel nga daken yu Egypt. Mu gu pow’iyrad nga wuru’;

Joshua 24:5 Referans Kwoze

Exodus 3:10

Ere chiney e nggol’igem ngam man ngak Farao ngam fek piyu Israel ni girdi’ rog nga wuru’ e nam nu Egypt.”

Psalms 136:10

I li’ e tin nganni’ e pagel u pifak piyu Egypt; t’ufeg rok e ba manemus.

Exodus 12:51

Ma karofen nem me fek SOMOL fapi ganong nu Israel nga wuru’ yu Egypt.

Exodus 12:37

Piyu Israel e ra chuwgad u Rameses ngranod ni yad be nameg yu Sukkoth. Urngin e pumo’on e gonapan 600,000 nranod u but’, nda nthe’eg e ppin nge bitir.

Joshua 24:6

mu gu fek pi chitamangimed nga wuru’ yu Egypt, miyad yib ko fa gi day ni Red Sea fithingan. Me lol’oegrad piyu Egypt ni karbad u chariot nge pi’in yad be yannag ngar mada’gad ko gi day nem.

Exodus 6:27

Yow fagali cha’ nrogew ngak Faraoh ni pilung nu Egypt ni nge pag e girdi’ nu Israel ngar chuwgad u Egypt.

Exodus 12:41

Rofen ni gaman e 430 e duw ngay e gubin e ganong rok SOMOL nra chuwgad u Egypt.

Psalms 105:43

Me fek e girdi’ rok ngranod nga wuru’ e nam ni yad be tang, ni girdi’ rok ni ir e mel’eg ngranod ni yad be tolulnag e felfelan’.