Joshua 22:10 - Bible Ni Thothup

¹⁰ Nap’an ni taw e ganong rok Ruben, nge Gad, nge ba’ ni Ngek e Manasseh nga Geliloth, kuyad bay u ba’ ni ngal e lul’ nu Jordan, miyad toy ba altar nib ga’ ma ba gamog u rom u charen e lul’.

Joshua 22:10 Referans Kwoze

Genesis 28:18

Me od Jakob nri kakadbul. Me fek fare malang ni teyey’ ngay nge suwonnag ni nge mang malang ko puguran. Me pu’og e gapgep nga daken fare malang me pining e magaer ngak Got.

Joshua 22:9

Are girdi’ ko fapi ganong rok Ruben, nge Gad, nge ba’ ni Ngek e ganong ko Manasseh e rsulod nga tabnaw. Ra paged e tin kabay e girdi’ nu Israel u Shiloh u lan fare nam nu Kanaan ngar sulod i yan ko gin taferad, ni fare nam nu Gilead, nra koled ni bod ni yog SOMOL ngorad u l’ugun Moses.

Joshua 22:11

Ba’aray e n’en nnog ko tin ni magach e girdi’ nu Israel, “Mmotoyilgad! Fapi girdi ko ganong rok Ruben, nge Gad, nge ley ni Ngek e Manasseh e kar toyed ba altar u Geliloth, u ba’ rodad e Jordan!”

Isaiah 19:19

Ra taw ko ngiyal’nem, ma bay ba altar rok SOMOL u lan fare nam nu Egypt nge ba malang ni ka ni suweg nib n’uw ko mathil nu Egypt ni ka ni ognag ngak SOMOL.

Genesis 12:7

Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.

Genesis 12:8

Tomuren e binem, me yan u rom ngalan e yimuch ko fare burey ni bay ko ngek ko binaw nu Bethel, me n’uf e pi tent rok u thilin yu Bethel ngu Ai, ni ba’ yu Bethel ko ngal ma bay yu Ai ko ngek. Miki ubung reb e altar u rom nge tayfan SOMOL me meybil ngak.