Joshua 2:5 - Bible Ni Thothup

⁵ Ra chuwgow u roy ko ngiyal’ nike chugur ni ngan ning e garog ko re binaw ney nike aw e lumor. Da gu nang e gin kar sorgow ngay, machane gimed ra gur ngam leked yow, ma rayag ni mkoled yow.”

Joshua 2:5 Referans Kwoze

Revelation 21:25

Ma fapi garog ko fare binaw e bay i par nib mab ni polo’ e rran; ndab kun ning bi’id, ya gathi bay ki neap’ u rom.

Ezekiel 47:12

Ra barba’ e re lul’ nem ma gubin mit e gek’iy mra tugul riy nge pi’ e ggan. Yuwan e pi gek’iy nem e dariy e ngiyal’ nra mororay, ma dabital ko mak’uf. Pi gek’iy nem e ra i pi’ wom’ngin ni gubin e pul, ni bochan e be tarennag fare lul’ ni be yib ko Tempel. Fapi gek’iy e bayi k’uf wom’ngin ni ggan, ma yuwan e pi gek’iy nem e bay un fanay ni falay.”

Jeremiah 50:20

Re ngiyal i nem, ma dakriy ba denen ni yira pir’eg u lan yu Israel ma dakriy e kireb u lan yu Judah, ni fan e bay gu n’agfan e kireb ko girdi’ ni gu ayweg e pogofan rorad. I Gag SOMOL e kugog e pi thin ney.”

Isaiah 60:11

Pi garog rom e bay i par nib mab ni rran nge nep’, Ya pi pilung ko pi nam E bay ur feked e machaf rorad i yib ngom.

Nehemiah 13:19

Ma aram mu gog ni gubin e garog ko fare binaw ma ngan ning u tabolngin gubin e Sabbath, ni yug nap’an nra yan ni nge aw e yal’, ma dab kun bing nge taw ko ngiyal’ nike m’ay fare Sabbath. Gu tay boch e pumo’on ko fapi garog ni ngar guyed ni dakriy ban’en ni ngan fek i yib ngalan fare binaw e rofen ni Sabbath.

Joshua 2:7

Ma yugu nap’an ni chuw fapi pumo’on ni l’oegrad fare pilung u rom u lan e binaw ngranod min ning e garog ko fare binaw. Miyad yan ni yad be gay fa gali damit ngar mada’gad ko gin yima thum’ riy nga barba’ e lul’ ni Jordan.

Joshua 2:4

Ma aram e ke fek e re pin nem fa gali pumo’on ke mithagrow, me fulweg ni ga’ar, “Ke yib l’agruw i pumo’on nga tabinaw rog, machane da gu nang ko uw e rabow riy.

Joshua 2:6

Machane fare pin e ke yan i tay row nga daken e chigiy ko naun rok, ke mithagrow nga fithik’ e flax nike tay ngaram ni nge mlik.

1 Samuel 19:14

Fa’ani yan e salthaw rok Saul ni ngar feked David, me yog Mikal ngorad nib m’ar David.