Joshua 15:1 - Bible Ni Thothup

¹ Pi tabnaw nu lane ganong rok Judah e ni pi’ bang e binaw ngorad ni ba’aray rogon: Rengi binaw nem e yan ko yimuch nge yan i mus nga tabonggin fare gi ted nu Zin, ni bay ko mathil nu Edom.

Joshua 15:1 Referans Kwoze

Ezekiel 47:19

“Mathil u yimuch e yan u Tamar nib sor ko yimuch ni ngal nge yan ko lul’ nu Kadesh Meribah me sor u rom ko lel’och ni ngal ko mathil yu Egypt nge mada’ ko day ni Mediterranean.

Joshua 14:2

Ni bod rogon ni yog SOMOL ngak Moses, ni duwgil ko pow nni girengiy nge gagyelnag e yungin ni nge milfan ngak fa mereb nge balay e ganong u ba’ ni ngal e Jordan.

Mark 3:8

ngu Jerusalem, ngu lan e nug nu Idumea, ngu lan e nug u ba’nem e lul’ ni Jordan, ngu to’oben e pi binaw nu Tyre ngu Sidon. Pi girdi’ nem ni aram urngin e rabad ngak Jesus, ya kar rung’aged e pin’en ni be rin’.

Numbers 20:16

ma gamad wenig ngak SOMOL ni nge ayuwegmad. Me rung’ag e meybil romad me pi’ ba engel nge yib nge pow’iymad nga wuru’ yu Egypt. Chiney e gamad bay u Kadesh, nib binaw ni bay ko mathil ko nam rom.

Deuteronomy 32:51

ni bochan e gimew l’agruw ndakum yul’yul’gow ngog u p’eowchen e girdi’ nu Israel ko fa ngiyal’nem ni um med ko fapi alublub nu Meribah nib chugur ko binaw nu Kadesh ni bay u daken fagi desert nu Zin nder tugul ban’en riy; ya dakum tiyew fag u p’eowchen e girdi’ nu Israel.

Joshua 15:2

Re mathil ney ko yimuch e yan u ley ni yimuch ko fare gi day ni Dead Sea,

Joshua 18:5

Ma fare nam e bay ni f’oth u dakenrad ni medlip yang; ganong rok Judah e bayi par u lane gin tafen e binaw u lane yimuch, ma ganong rok Josef e bayi par u lane gin ni tafen e binaw u lane lel’och.

Genesis 35:23

Pi pagel ni fak Leah e Ruben (ni bin nganni’ i fak Jakob), Simeon, Levi, Judah, Issachar, nge Zebulun.

1 Kings 8:65

Me madnomnag Solomon nge urngin e girdi’ nu Israel fare Madnom ko Nochi Na’un ni medlip e rran. Pire’ e girdi’ ni yigi tabab u Hamath Pass ko lel’och nge mada’ ko mathil nu Egypt ko yimuch.