Joshua 12:2 - Bible Ni Thothup

² Reb fa gal pilung e Sihon, ni ba Amorite ni ir e ma gagiyeg u Heshbon. Gil’ilungun e bmu’un baley yu Gilead ngay: ni tabab u Aroer (ni bay u thathren fare Loway ni Arnon) me yan ko fare binaw ni bay u lukngun fare loway nge mada’ ko lul’ ni Jabbok, ni aram e mathil rok yu Ammon,

Joshua 12:2 Referans Kwoze

Genesis 32:22

Re nep’ i n’em e od Jakob, me fek fa gali ppin ni le’engin, nge fa gali ppin ni sib, nge fa ragag nge ta’reb i bitir ni fak ngar th’abed fare lul’ ni Jabbok fithingan nga baraba’ ko gin ni yima thum’ riy nga baraba’.

Psalms 135:11

I Sihon, ni pilung rok e pi Amorite, Og, ni pilung u Bashan, nge urngin e pilung nu Kanaan.

Nehemiah 9:22

“Gur e mu pagrad ngar gelgad ngak e pi nam nge pi pilung, ko yungi nam ni yad bmathil. Ra gelgad ko nam nu Heshbon, ni Sihon e pilung riy, nge nam nu Bashan, ni Og e pilung riy.

Judges 11:22

Miyad par nga urngin e yungin ntafen piyu Amor ni tabab u Arnon u lan e yimuch nge taw nga Jabbok u lan e lel’och ngu daken e desert u ba’ ni ngek nge mada’ ko ba’ ni ngal e Jordan.

Judges 11:13

Me fulweg e pilung nu Ammon ngak fapi tamal’og rok Jefthah ni ga’ar, “Nap’an ni yib yu Israel nga wuru’ yu Egypt miyad fek e nam rog ni tabab ko Lul’ ni Arnon nge mada’ ko Lul’ ni Jabbok nge fare Lul’ ni Jordan. Ere chiney e thingar mu fulweged ngog u fithik’ e gapas.”

1 Kronicles 5:8

nge Bela, nib mo’on ni fak Azaz ni fak Shema, ni be’ ko fare ke girdi’ rok Joel. Re ke girdi’ ney e ur pired u lan yu Aroer ngu lan fare gi nug ni yan u rom ko lel’och nge mada’ nga Nebo nge nga Baal Meon.

Jeremiah 48:19

Gimed e pi’in ni gimed ma par u Aroer, mu sak’iy gad u charen e kanawo ngam son gad; mi gimed fith e pi’in yad be mil ni ngar chuwgad, ngam nanged rorad e n’en nike buch.

Deuteronomy 1:4

Weliy ngorad u tomuren nike mael SOMOL ke gel ngak Sihon ni Pilung ko Amorite. Mi Sihon e ma par u lan e binaw nu Heshbon ngi i gagiyeg. Ma ku er rogon Og ni Pilung nu Bashan, ni i gagiyeg u lan e binaw nu Ashtaroth ngu Edrei.