Joshua 11:2 - Bible Ni Thothup

² nge ngak e pi pilung nga bbinaw ni go’ burey ni bay u lan e lel’och, ngu Jordan u yimuch ko fare Lipath u Galilee, nge binaw nu depe’ted, nge tin ba’ u dap’alay nib chugur nga Dor.

Joshua 11:2 Referans Kwoze

Judges 1:27

Ganong rok Manasseh e de tuluf e girdi’ ni yad be par u lan fapi binaw nu Beth Shean, Taanak, Dor, Ibleam, Megiddo, nge pi yuchi binaw u to’obrad i yan; piyu Kanaan e ku’ur pired u rom.

Joshua 12:3

mu’un fare Loway ni Jordan ngay ni tabab ko lel’och ko Lipach nu Galilee nge mada’ nga Beth Jeshimoth (bay ko ngek ko Dead Sea) me yan u rom nga enggin e Burey ni Pisgah.

Joshua 17:11

Mu lan e yungin ni tafen Issakar nge Asher e binaw e kubay tafen Manasseh riy ni aram yu Beth Shean ngu Ibleam, nib mu’un e yuchi binaw nib liyeg fa gal binaw ngay, ku aramrogon yu Dor (fare binaw ni bay u dap’el’ay), ngu Endor, ngu Taanak, ngu Megiddo, nge yuchi binaw nib liyeg e pi binaw nem.

Numbers 34:11

Me yan ko yimuch nga Harbel, meyan ko ngek u Ain, me yan u rom ko yochi burey ni ba’ ko ngek u mirichlen e lipath nu Galilee,

1 Kings 4:11

Benabinadab, ni i leengiy Tafath ni be’ ni bpin ni fak Solomon: ga’ngin e nug nu Dor

Joshua 12:23

Dor (ni bay u dap’eday), Goiim (ni bay u Galilee),

Luke 5:1

Bay ba yay nib sak’iy Jesus u dap’e ran ko lipath nu Gennesareth ma be apinpin e girdi’ i yib ngak ngam’on ni ngar motoyilgad ko thin rok Got.

Luke 1:39

Me yan in e rran nga tomuren me fal’eg Maria rogon nge yan nib gurgur ngabangi n’en ni yigo’o burey, nga bbinaw ni bay u lan yu Judea.

Joshua 13:27

Mu lan e Loway ni Jordan e kub mu’un yu Beth Haram ngay, ngu Bethnimrah, ngu Sukkoth, ngu Safon, nge gin ni kabay nma gagiyegnag Sihon ni Pilung nu Heshbon. Ma mathil rorad ko ngal e fare Lul’ ni Jordan me yan ko lel’och nge mada’ ko Lipath nu Galilee.

Joshua 11:21

Ngiyal’ney e yan Joshua nge thang mit fapi girdi’ ni yad n’unuw ma tagyet ni kanog e Anakim ngorad ni yad ma par u daken e ted — u Hebron, ngu Debir, ngu Anab, nge urngin e pi binaw u daken e ted nu Judah ngu Israel. Me thang Joshua owcharad ni yad gubin me gathay e pi binaw rorad.

Joshua 10:40

Miki kol Joshua fare nam ni ga’ngin. Me gel ngak fapi pilung ko fapi binaw ni go’ burey, nge pi binaw nu sigre’en e burey ko ngek, nge binaw u enggin e burey ko ngal, ma ku er rogon e tin bay ko pi binaw ndariy e ran riy ni bay ko yimuch. Dariy ta’abe’ ni digey; gubin e girdi’ nni thang e fan rorad. Irera’ e n’en nike yog SOMOL ni Got rok yu Israel ni ngan rin’.

Joshua 10:6

Me l’oeg e pumo’on nu Gibeon e thin nge yan ngak Joshua nga Gilgal ko gin be par piyu Israel riy ni be lungurad, “Dab mu pagmad! Mu gur nigem ngamub ngam ayuweg e pogofan romad! Ya urngin e pilung ni yad bay ko pi binaw ni bay ngalan e burey e kar pethgad ni ngar maelgad ngomad!”

Joshua 11:16

Me kol Joshua urngin fapi binaw — ni go’ burey nge binaw u enggin e burey, ni tin bay ko lel’och nge yimuch, nge urngin e yang e binaw u Goshen nge fa gi dep’eted nib mlik ni bay ko yimuch riy, ni kub mu’un fare Loway ni Jordan ngay.

1 Kings 15:20

Me pining Benhadad ni Pilung e kefel’ ko tin keyog Asa me l’oeg e pi tolang ko salthaw rok nge yu raba’ i salthaw rorad ni ngar maelgad ko pi binaw nu Israel. Miyad kol e binaw nu Ijon, Dan, Abel Beth Maacah, nge fa gin’en nu to’oben e Lipath ni Galilee, nge ga’ngin yang u tafen yu Naftali.