John 8:55 - Bible Ni Thothup

⁵⁵ Ri dawor mu nanged ko ir mini’, machane gag e gu manang ko ir mini’. Fa’anra lungug e da gu nang ko ir mini’, ma aram e gu be lifith l’ugunag ni bod gimed. Machane i gag e gu manang ko ir mini’, ma gu be fol ko thin rok.

John 8:55 Referans Kwoze

John 8:19

Miyad fith ngak ni lungurad, “Bu uw e Chitamam?” Me fulweg Jesus ngorad ni ga’ar, “Da mu nanged gag ma ku errogon e Chitamag nda mu nanged. Fa’an mang e gimed manangeg ma kigimed manang e Chitamag.”

John 8:44

Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.

Revelation 3:9

Mmotoyil! Fare ulung i girdi’ nib mil farad ku Satan, ni fapi cha’ ni yad be lifith l’ugunrad ma yad be yog ni yad piyu Israel machane gathi aram rogon e bay gu gagiyeg nagrad ngarbad ra parawgad nga but’ ngar siro’gad ko rifrif u em. Ma yad gubin ni bay ra nanged ni gab t’uf rog.

John 8:51

Nggog e tin riyul’ ngomed: en nra fol ko thin ni pi’ Got ngog ni ir e gu be yog ngomed e dabki yim’ bi’id.”

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

1 John 5:10

Ere en nra michan’ ngak e en ni Fak Got e bay e re mich ney u laniyan’; machane en nde mich Got u wan’ e aram e ke yog ni Got e be lifith l’ugun, ya de mich u wan’ e tin keyog Got ni murung’agen Fak.

John 15:21

Machane urngin e pin’ey ni bay rrin’ed ngomed ni bochan e gimed girdi’eg; ya dar nanged e en ni ir e ke l’oegeg ku gub.

1 John 2:22

Ere mini’ e en ni be lifith l’ugun? En ni ir e be yog ni Jesus e gathi ir fa’anem i Kristus. Ireram e cha’ ni ir e To’ogor rok Kristus — ya ir e dabun e en ni Chitamangiy nge en ni Fak.

1 John 2:4

Fa’anra yog be’ ni ga’ar, “Gu manang Got,” machane der fol ko thin rok, ma facha’ e be’ nma lifith l’ugun ma dariy e tin nib riyul’ u fithik’ i laniyan’.

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

Acts 17:23

Ya kug wan u lan binaw romed ma kug guy e yungi n’en ni gimed be meybil riy, ma ku kug pir’eg ba altar ni kan yoloy e re bugithin ni ba’aray nga daken nike ga’ar, ‘Ngak ba got nda nnang!’ Re got nem nda mu nanged ma gimed be meybil ngak e ireram fare Got ni nggu weliy murung’agen e chiney ngomed.

John 17:25

Chitamag ni gab mat’aw! Girdi’ nu fayleng e dawor ra nanged gur, machane gag e gu manangem, ma tiney e girdi’ e kar nanged ni gur e kam l’oegeg ku gub.

John 16:3

Bay rrin’ed e pin’ey ngomed ya dawor ra nanged e en ni Chitamangiy ara gag.

John 15:10

Fa’an gimed ra fol ko tin kug ning chiylen ngomed, ma gimed ra par ni gimed ba t’uf rog, ni bod rogon ni kug fol ko tin ni ning e Chitamag chiylen ngog gu be par ni ku gub t’uf rok.

John 8:29

Ma en nike l’oegeg ku gub e bay rog; ya dawori pageg nggu par ni go’ gag, ya gubin ngiyal’ ma gu be rin’ e tin nib m’agan’ ngay.”

John 6:46

Gathi fan e re bugithin ney e ka’a guy be’ e en ni Chitamangiy; en ni yib rok Got e kemus e cha’ nike guy e en ni Chitamangiy.

John 1:18

Dariy be’ ni ka’a guy owchen Got. Machane kemus ni fa’anem ni ir e bod rogon Got me ir e bay u to’oben e en ni Chitamangiy, e ir e ke weliy murung’agen Got kan nang.

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Hosea 5:4

Kireb nike ngongliy e girdi’ e ke tayrad ndarir sulod ngak e Got rorad. Pigpig ni yad be tay ngak yug boch e got e ke michigiyrad, dakuriy madgun SOMOL u wun’rad.

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

John 8:52

Me ga’ar fa pi’in nu Israel ngak, “Ke muturug u wun’mad nike ying ba mo’onyan’ ngom! Ke yim’ Abraham, ma ku errogon e pi profet ni karm’ad, machane ke lungum, En nra fol ko thin ni gu be yog ni pi’ Got ngog e dabki yim’ bi’id.

1 John 1:6

Ere fa’anra lungudad e kad ta’ab girdi’gad nike ta’reban’dad, ma ka gadad be par u fithik’ e lumor, ma aram e gadad be ban ko tin gadad be yog nge tin ni gadad be rin’.