John 8:33 - Bible Ni Thothup

³³ Miyad fulweg ni lungurad, “Gamad owchen Abraham, ma dawor gu manged sib rok be’ bi’id. Ere mangfan ni ga be yog ni be lungum, Bayi ayuwegmed nge dab kum pired ni gimed e sib?”

John 8:33 Referans Kwoze

Matthew 3:9

Dab mfineyed nrayag ni nge yib e tawey romed ni bochan e be lungumed, I Abraham e chitamangidad. Ya nggog ngomed ni Got e rayag ni nge fek e pi malang ney nge ngongliy ngar manged e pi’in owchen Abraham!

John 8:39

Miyad fulweg ngak ni lungurad, “I Abraham e chitamangimad.” Me fulweg Jesus ngorad ni ga’ar, “Fa’an mang e riyul’ ni gimed pifak Abraham ma gimed ra rin’ e tin ni i rin’.

John 8:37

Gu manang ni gimed owchen Abraham. Machane gimed be guy rogon ni ngam thanged e fan rog, ya dabumed ni ngam folgad ko tin ni gu be machibnag.

Genesis 15:13

Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

John 19:25

Ma pi’in yad ba chugur ko kuruth ku Jesus ni kar sak’iygad, e en ni chitiningin, nge be’ ni bpin ni walagen e chitiningin, nge Maria ni ir e leengin Klopas, nge Maria Magdalene.

Ezra 9:9

Ugmed ni gamad e sib, machane dam digeymad ngu’ug pired ni gamad e sib. Ya mu gagiyegnag e pi pilung nu Persia nggu fel’gad u wan’rad miyad pi’ mat’awmad nggu toyed bayay fare Tempel rom, ni immoy nike mogothgoth, mu gu pir’eged e gapas u roy u Judah ngu Jerusalem.

Judges 4:3

Jabin e 900 e chariot ni wasey rok, ma aram mi i gagiyegnag e girdi’ nu Israel nib gel e gafgow ni i tay ngorad ni rliw’ e duw. Me wenig piyu Israel ngak SOMOL ni nge ayuwegrad.

Judges 3:8

Ma aram me damumuw SOMOL ngak yu Israel me pag e Kushan Rishathaim ni Pilung nu Mesopotamia nge kolrad. Miyad par u tan pa’ ni meruk e duw.

Judges 2:18

Nap’an nra pi’ SOMOL be’ ngorad ni ir e ngi i gafaliyrad, me ayuweg SOMOL fa’anem, nge ayweg piyu Israel u pa’ e pi to’ogor rorad u n’umngin nap’an nra par fa’anem nib fos. I runguyrad SOMOL, ya ur gilgel’gad u fithik’ e gafgow nge togopluw ni i tay e pi to’ogor rorad ngorad.

Levitikus 25:42

Ya girdi’ nu Israel e tapigpig rok SOMOL ma ir e fekrad nga wuru’ yu Egypt; ere thingar dabkun pi’rad nchuway’ ngar manged sib.

Luke 3:8

Mu rin’ed e ngongol ni nge dag ni kam pi’ed keru’med ko denen ni gimed be rin’. Ma dab umogned romed ni be lungumed, ‘I Abraham e ir e chitamangidad.’ Ya nggog ngomed ni Got e rayag rok ni nge fek e pi malang ney nge ngongliy ngar manged e pi’in owchen Abraham!

John 8:43

Ere mangfan ndamur nanged fan e tin ni gu be yog? Bochan e dabiyag ni gimed ra k’adan’med ngam motoyilgad ko thin nike pi’ Got ngog ni nggub gog ngomed.

Roma 9:7

Ma ku errogon ni gathi urngin e pi’in owchen Abraham ni yad pifak Got; ya ga’ar Got ngak Abraham, “Kemus ni pi’in owchen Isak e bay ni matha’eg ngorad ni fakam.”