John 8:21 - Bible Ni Thothup

²¹ Me yog Jesus ngorad bayay ni ga’ar, “Bay gu wan, ma bay um gayed gag, machane bay mm’ad u fithik’ e denen romed. Dabiyag ni ngam marod ko gin ni nggu wan ngay.”

John 8:21 Referans Kwoze

John 7:34

Bay um changarniged gag, machane gathi bay kum pir’eged gag; ya gin ni bay gu wan gu par ngay e dabiyag ni gimed ra yan ngay.”

John 8:24

Aram fan ni fa’an kugog ngomed ni bay mm’ad u fithik’ e denen romed. Bay mm’ad u fithik’ e denen romed ni fa’anra dabi mich u wun’med ni ‘Gag E En Ni Gag’.”

John 13:33

Pifakag, dabki n’uw nap’an mu gu pagmed. Bay um gayed gag; machane nggog ngomed e chiney e n’en ni kugog ngak piyu Israel ni fa’an ke lungug ngorad, ‘Dabiyag ni ngam marod ko gin ni bay gu wan ngay.’

Efesus 2:1

Kakrom e um pired u tan e gechig rok Got ni aram e gimed ba yam’ ni bochan e denen romed ma da um folgad rok Got.

John 12:35

Me fulweg Jesus ngorad ni ga’ar, “Bayi par fare tamilang u fithik’med nib n’uw boch nap’an. N’en ni gimed be rin’ e ngam rin’ed ko ngiyal’ ni kabay e tamilang romed, nge dabi yib e lumor nga dakenmed; ya cha’ nma par u fithik’ e lumor e der nang e gin ni be sor ngay.

John 12:33

I yog e re bugithin ney ni be yip’ fan e mit i yam’ ni bayi gafgow riy.)

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

Matthew 23:39

Nggog ngom ni chiney i yan ngaram e dab kum guyeg bayay nge yan i mada’ ko ngiyal’ ni bay mog ni lungum, ‘I Got e nge ayuweg e en nike yib ni owchen Somol.’ ”

Isaiah 65:20

Bitir ni kabran e dab kur m’ad, ma urngin e girdi’ ni bay ra pired ko biney e tamilang ni n’umngin nap’an ni ngar pired. Pi’in yad ra par nge gaman e 100 e duw rorad e bay ni leamnag ni ka yad ba pagel. Ma ra yim’ be’ u m’on riy ma ba pow ni gag e kug gechignag.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Proverbs 11:7

Nap’an nra yim’ e pi’in kireb’, me un e l’agan’ rorad ko yam’. Pagan’ ni ngan yuluy nga daken e pi fel’ rogon e ra yib i aw ndariy.

BABYOR NI JOB 20:11

Downgin e immoy ni kab pagel ma ba gel, machane dabi n’uw nap’an ma bayi ngal’ ni ab.

1 Kings 18:10

Gu be micheg u p’eowchen SOMOL ni be par nib fos, ni ir e Got rom, ni en ni pilung e ke gayem u gubin e nam u fayleng. Ma yira yog ngak u reb e nam nda mmoy u rom me yog ni pilung ko fare nam e ngari micheg ndawor ni piri’egem u rom.

John 7:36

Ya keyog ni ga’ar, Bay um changarniged gag, machane gathi bay kum pir’eged gag, ma ki ga’ar, Dabiyag ni ngam marod ko gin ni bay gu wan gu par ngay. Ere be mang e ren’em ni be yog?”