John 7:37 - Bible Ni Thothup

³⁷ Ma chirofen ni ba’aram ni tomur ko madnom e ir e th’abi ga’ fan. Chirofen nem e sak’iy Jesus ngalang nge yog ni ba ga’ laman ni ga’ar, “En nike yib e belel ngak e nge yib ngog nge garbod.

John 7:37 Referans Kwoze

Isaiah 55:1

Be ga’ar SOMOL, “Mired, ni gimed gubin e pi’in ke yib e belel ngomed, ba’aray e ran! Mired e pi’in ndariy e salpiy romed, mu chuw’iyed e grain ngam koyed! Mired, mu chuw’iyed e wayin nge milik, dariy puluwon ni ngam pi’ed!

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

John 6:35

Me yog Jesus ngorad ni ga’ar, “I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

Isaiah 12:3

Ni bod rogon e ran ni be’ech nma yibnag e felfelan’ ko pi’in ke yim’ ko balel, e aram rogon e girdi’ rok Got nma felfelan’rad ko ngiyal’ nma aywegrad.”

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

Revelation 21:6

Me yog ni ga’ar, “Ke m’ay! I gag fare Alfa nge fare Omega, ni aram e tabolngin nge tungun. En nike yib e belel ngak e gu ra pi’ e ran ndariy puluwon ngak nge unum, ni ran ni yib ko fare alublub ni ran riy e ma pi’ e yafos.

Psalms 42:2

Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?

Psalms 63:1

A Got, i gur e Got rog, ku gum’ ni bocham. Polo’ i gag ni be yim’ ni bocham; ni bod rogon e belel nma yib, ni bod bangi binaw nike mlik, nike finey e ran.

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

1 Korinth 12:13

Ere aram rogodad ni gadad gubin, ni piyu Israel nge pi’in gathi yad piyu Israel, nge pi sib nge pi’in yad e mmil farad ngorad ni kan tawfe nagdad kadmanged ta’ab dowef u daken ta’ab Kan ni Thothup, ma gadad gubin ni ta’ab Kan ni Thothup e kan pi’ ngodad.

John 6:55

Ya ufin u dowag e ir e bin riyul’ e ggan, ma racha’eg e bin riyul’ e garbod.

Matthew 11:28

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.

Numbers 29:35

Ma bin ni meruk e rran e ngam mu’ulunggad ni fan ko liyor ma dab ni maruwel.

1 Korinth 10:21

Dabiyag ni ngam unumed ban’en ko kap rok Somol mikigimed unum ban’en ko kap rok e pi mo’onyan’; dabiyag ni ngam abichgad u tebel rok Somol mikigimed abich u tebel rok e pi mo’onyan’.

1 Korinth 10:4

ma yad gubin nra unumed fare ran ni yib ko fare war ni pi’ Got ni fa’an i un ngorad i yan, nre war nem e aram Kristus.

Isaiah 58:1

Be ga’ar SOMOL, “Mu tolul nge mus ga’ngin lungum! Mu weliy ngak yu Israel ni girdi’ rog e denen rorad!

Levitikus 23:36

Ra reb e rran ko re medlip i rran nem ma ngam og niged e ggan; me rofen ni meruk mi gimed mu’ulung bayay ni ngam ted fan SOMOL, mi gimed ognag e ggan. Rofen nem e yaran e liyor, ma dab mmarwelgad. (

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

1 Korinth 11:25

Ma ku aram rogon ni fek fare kap u tomuren e abich ni blayal’ me ga’ar, “Re kap ney e bin nib be’ech e m’ag u thilin Got nge girdi’, ni racha’eg e bayi micheg. Ngiyal’ ni gimed ra unum e n’en ni bay riy e ngam rin’ed ni nge pugurag ngomed.”

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

John 6:37

Urngin e girdi’ nra pi’ e Chitamag ngog e bay rabad ngog. Ma en nra yib ngog e ri dab gu n’ag.

John 5:40

Machane dabumed ni ngambad ngog nge yag e yafos ngomed.

John 1:23

Me fulweg John ni yog ni ireram fare n’en ni fa’ani yog fare profet i Isaiah ni ga’ar: “I gag laman be’ ni be tolul u daken e ted ni be ga’ar: Mu yal’uweged e kanawo’ ni ngeb Somol riy!”

Zekariah 9:15

I SOMOL ni Gubin ma Rayag Rok e bayi yoror rok e girdi’ rok, ma bay ra thirifed e pi to’ogor rorad u but’. Bay ur tolulgad u fithik’ e mael ni gowa girdi’ nike balyang ko rrum, miyad pu’og racha’en e pi to’ogor rorad; ma bayi map’ nge yan ni gowa racha’en ba gamanman ni maligach nni kunuy ngalan baraba’ i ban’en min pu’og nga daken e altar.

Mikah 6:9

En nra i par ni bay madgun SOMOL u wan’ e ba gonop. Be non ngak e girdi’ u lan fare binaw ni be ga’ar, “Mu telmed e pi’in kam mu’ulunggad ngalan binaw!

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Isaiah 40:6

Be ga’ar ba lam ni ba ga’ gaman, “Mu wereg murung’agen!” Mu gu fith ni lungug, “Mang e nggu wereg murung’agen?” “Ngamog ni urngin e girdi’ e yad bod e pan; nder ma n’uw nap’rad ko floras nu daken e ted.

Nehemiah 8:18

Ka rofen ni som’on ko re madnom nem nge yan i mada’ ko rofen ni tomur nra reb e rran miyad be’eg bang ko fapi Motochiyel rok Got. Medlip e rran nra madnomgad, me rofen ni gaman e meruk ngay mu ku yad tay reb e mu’ulung ni ngar ninged e meybil ko mu’ulung rorad, ni bod rogon nike yog e motochiyel.

Levitikus 23:39

Rofen ni ragag nge lal ko bin medlip e pul ko ngiyal’ ni kam kunuyed e woldug romed nike el, ma ngam madnom niged e re madnom ney ni medlip e rran. Bin som’on e rran e nge par ni dab ni maruwel.

John 7:28

Ma nap’an ni be machib Jesus u lan e Tempel me yog ni ba ga’ laman ni ga’ar, “Kam nanged ko gag mini’ nge gin ni gub riy? Ya gathi gub ni gag e leam rog. Ya en nike l’oegeg ku gub e ba riyul’. Gimed e da mu nanged ir,

Isaiah 40:2

Mu pi’ed e athamgil nga laniyan’ e girdi’ nu Jerusalem. Mogned ngorad nike gaman n’umngin nap’an ni kar gafgowgad, ma chiney e ken’ag Got fan e denen rorad. Kug gechig nagrad ke yan i mus nga rogon ni bochan urngin e denen rorad.”

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Proverbs 8:3

U langan e garog ngalan binaw ngu to’oben e pi garog e ke par riy be pong ni be ga’ar,

Matthew 3:3

I John e ireram fa’anem ni weliy Isaiah ni profet murung’agen ni fa’ani ga’ar: “Be tolul be’ u daken e ted ni be ga’ar: ‘Mu fal’eged rogon kanawo’en Somol, mu yal’uweged e kanawo’ ni ngeb riy!’ ”

Proverbs 9:3

Me l’oeg e ppin ni tapigpig rok ngranod ko gin th’abi tolang u lan fachi binaw ngar ponggad:

Proverbs 8:1

Mu telmed! Gonop e be pong. I Tamilangan’ e kan rung’ag laman.

Proverbs 1:20

Mu telim! Gonop e bay u lan e yu pa’ i kanawo’ nge yungi n’en ni bay e market riy,

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Ezekiel 47:9

Demturug e yungin be yan fare ran riy, ma be yib gubin mit e gamanman nge nig ngay. Ya fare lul’ e ma kak’lingnag e ran ko fare Dead Sea, ere demturug e gin be yan riy, ma be pi’ e yafos.

Matthew 5:6

“Nge felan’ e pi’in karm’ad ngan’rad ni tin ba m’agan’ Got ngay nib mat’aw e nge rin’ e girdi’, ya Got e ra chum’er nagrad ko tin urfineyed!

John 4:11

Me ga’ar fare pin, “Dariy ba pakit rom ma re luwed ney e ba to’ar. Ere uw e ngam fek e ran riy nma pi’ e yafos?