John 7:28 - Bible Ni Thothup

²⁸ Ma nap’an ni be machib Jesus u lan e Tempel me yog ni ba ga’ laman ni ga’ar, “Kam nanged ko gag mini’ nge gin ni gub riy? Ya gathi gub ni gag e leam rog. Ya en nike l’oegeg ku gub e ba riyul’. Gimed e da mu nanged ir,

John 7:28 Referans Kwoze

John 8:42

Me yog Jesus ngorad ni ga’ar, “Fa’an mang e ri Got e chitamangimed, ma gu ra t’uf romed; ya gub rok Got ma chiney e gu bay u roy. Ni gathi gub ni gag e leam rog, ya ir e ke l’oegeg ku gub.

John 8:19

Miyad fith ngak ni lungurad, “Bu uw e Chitamam?” Me fulweg Jesus ngorad ni ga’ar, “Da mu nanged gag ma ku errogon e Chitamag nda mu nanged. Fa’an mang e gimed manangeg ma kigimed manang e Chitamag.”

John 8:26

Bo’or ban’en nrayag ni gog u murung’agmed mu gu turguy e gechig romed. Machane en nike l’oegeg ku gub e ba riyul’, ma kemus ni tin kug rung’ag rok e gu be weliy ngak e girdi’ nu fayleng.”

John 8:14

Me fulweg Jesus ni ga’ar, “Danga’, yugu ra gu be welthin ni fan ngog, machane n’en ni gu be yog e ba riyul’, ya gu manang ko uw e gub riy ara gin ni gu be yan ngay. Da mu nanged e gin’en ni gub riy ara gin’en ni bay gu wan ngay.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

John 12:49

Er rogon, ya dawor gu weliy ban’en ni gag e gu leamnag, machane en ni Chitamangiy ni ir e ke l’oegeg ku gub e ir e keyog ngog e tin nthingar gu weliy.

John 5:43

Ku gub ngomed ni gag owchen e Chitamag, machane dabumed gag; mra yib be’ ni ir rok e ke yib rok, ma ri gimed ra felfelan’ ngak nike yib.

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

1 John 5:10

Ere en nra michan’ ngak e en ni Fak Got e bay e re mich ney u laniyan’; machane en nde mich Got u wan’ e aram e ke yog ni Got e be lifith l’ugun, ya de mich u wan’ e tin keyog Got ni murung’agen Fak.

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

2 Korinth 1:18

Rogon feni yul’yul’ Got, e aram rogon e thin ni gog ngomed ni gathi ba “Kefel’ ” nge ba “Danga’.”

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.

Acts 17:23

Ya kug wan u lan binaw romed ma kug guy e yungi n’en ni gimed be meybil riy, ma ku kug pir’eg ba altar ni kan yoloy e re bugithin ni ba’aray nga daken nike ga’ar, ‘Ngak ba got nda nnang!’ Re got nem nda mu nanged ma gimed be meybil ngak e ireram fare Got ni nggu weliy murung’agen e chiney ngomed.

John 17:25

Chitamag ni gab mat’aw! Girdi’ nu fayleng e dawor ra nanged gur, machane gag e gu manangem, ma tiney e girdi’ e kar nanged ni gur e kam l’oegeg ku gub.

John 16:3

Bay rrin’ed e pin’ey ngomed ya dawor ra nanged e en ni Chitamangiy ara gag.

John 14:31

machane girdi’ nu fayleng e thingar ra nanged nib t’uf rog e en ni Chitamangiy; aram fan ni kug rin’ urngin ban’en ni bod rogon nike yog ngog. “Mu sak’iygad ngad chuwgad u roy.”

John 14:10

Filip, der mich u wun’um ni gu bay u fithik’ e en ni Chitamangiy ma en ni Chitamangiy e bay u fithik’ag?” Me ga’ar Jesus ngak pi gachalpen, “Fapi thin ni kugog ngomed e gathi gag e ke yib rog. En ni Chitamangiy ni be par u fithik’ag e be ngongliy e maruwel rok.

John 10:36

Mi gag e en ni Chitamangiy e duwgilyeg nge l’oegeg nggub ngaray nga fayleng. Ere ke di’in ma kamogned ni kug n’ag fan Got ni bochan e kugog ni Fak Got gag?

John 8:16

Machane fa’anra nggu turguy e kireb nga daken be’, ma rib riyul’ ni aram rogon, ya gathi go’ gag ngay; ya en ni Chitamangiy ni ir e ke l’oegeg ku gub e bay rog.

John 5:32

Machane bay be’ ni be micheg murung’ageg, ma gu manang ni tin ni be weliy ni murung’ageg e ba riyul’.

John 3:33

En nra mich u wan’ e thin nike fek i yib e aram e ke micheg nib riyul’ Got.

John 3:2

Me reb e neap’ me yib ngak Jesus me ga’ar ngak, “Tamchib, gamad manang ni gur ba tamchib nike l’ugem Got ka mub. Ya dariy be’ nrayag ni nge ngongliy fapi maang’ang ni ga be ngongliy ni fa’an gomanga de moy Got rok.”

John 1:46

Me fith Nathanael ni ga’ar, “Rayag ni nge yib ban’en ni bfel’ u Nazareth?” Me fulweg Filip ngak ni ga’ar, “Mu un ngog ngam guy.”

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Luke 2:51

Ma aram me un Jesus ngorow ngar sulod nga Nazareth, mi i par ni be fol rorow. Me tay e chitiningin urngin e pin’em nga laniyan’.

Luke 2:39

Fa’anra mu’gow i rin’ urngin e tin keyog e motochiyel rok Somol ni ngan rin’, miyow sul ko binaw rorow nga Nazareth ni bay u lan yu Galile.

Luke 2:11

Re rran n’ey u lan e binaw rok David e kan gargeleg e Tabyul romed — ni Kristus ni ir e Somol!

Luke 2:4

Me chuw Josef ko binaw nu Nazareth ni bay u lan yu Galile nge yan nga Judea nga bbinaw ni bay riy ni yu Bethlehem fithingan, ni ir e ni gargeleg David ni pilung riy. Ere sul Josef ngaram ni bochan e ir reb i owchen David.

Matthew 2:23

me yan i toy e naun rok ngalan bbinaw nike lunguy yu Nazareth. Me rin’ ni aram rogon ni fan e nge yib i m’ug nib riyul’ e n’en ni yog e pi profet ni lungurad, “Bay nog ni be’ u Nazareth.”

Hosea 5:4

Kireb nike ngongliy e girdi’ e ke tayrad ndarir sulod ngak e Got rorad. Pigpig ni yad be tay ngak yug boch e got e ke michigiyrad, dakuriy madgun SOMOL u wun’rad.

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Psalms 9:10

SOMOL, pi’in yad manangem e ra pagan’rad ngom; cha’ nra yib ngom e ri dab mu n’ag.

1 Samuel 2:12

Fa gal pumo’on ni fak Eli e ri yow ba kireb; ya dariy fan SOMOL u wun’row

John 7:14

Ke chugur ni nge taw nga lukngun fare madnom me yan Jesus ngalan e Tempel me tabab ko machib.

Matthew 26:55

Me non Jesus ngak fare ulung i girdi’ ni ga’ar ngorad, “Mang ni kambad ni kam feked e saydon nge gul ni ngam koled gag ni gowa gag be’ ni kug th’ab e motochiyel? Gubin e rran ni ug par u Tempel nga but’ ngu’ug machib, ma da mkoled gag.

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

John 9:29

Gamad manang ni welthin Got ngak Moses; ma re mo’on nem e mus ko gin ni yib riy ma da gu nanged!”