John 6:46 - Bible Ni Thothup

⁴⁶ Gathi fan e re bugithin ney e ka’a guy be’ e en ni Chitamangiy; en ni yib rok Got e kemus e cha’ nike guy e en ni Chitamangiy.

John 6:46 Referans Kwoze

John 1:18

Dariy be’ ni ka’a guy owchen Got. Machane kemus ni fa’anem ni ir e bod rogon Got me ir e bay u to’oben e en ni Chitamangiy, e ir e ke weliy murung’agen Got kan nang.

John 7:29

machane gag e gu manang ir, ya gub rok me ir e ke l’oegeg ku gub.”

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

1 Timothy 6:16

ni kemus ni go ir e dabi yim’; mma par ko tamilang ndariy be’ nrayag ni nge chugur ngay. Dariy be’ ni ka’a guy, ma dariy be’ nrayag ni guy, me ir e ngu’un tayfan ma bay i par gelngin ndariy n’umngin nap’an! Amen.

1 John 4:12

Dariy be’ ni ka’a guy Got; ma fa’anra bagadad ma ba t’uf rok bagadad, ma aram e be par Got u fithik’dad, ma rogon ni gadad ba t’uf rok nike af ngodad e ke ilal u fithik’dad ke yan i aw ngarogon ni kari fel’.

Kolose 1:15

Kristus e ta’reb rogon ya’an ngak Got, ni Got ndanir guy. I ir e bin ni m’on i Fak, ni ir e ba tolang ngak urngin ban’en ni sunumiy Got.

John 15:24

Fa’an mang e da gu ngongliy e pin’en u fithik’rad ndariy ta’abe’ ni ka’a rin’ ma dabi yan i aw nib kireb e rorad ko denen ni kar ngongliyed; machane rogon nike yan i aw e chiney e kar guyed e n’en ni kug ngongliy ma kar fanenikayed gag nge Chitamag.

John 8:55

Ri dawor mu nanged ko ir mini’, machane gag e gu manang ko ir mini’. Fa’anra lungug e da gu nang ko ir mini’, ma aram e gu be lifith l’ugunag ni bod gimed. Machane i gag e gu manang ko ir mini’, ma gu be fol ko thin rok.

John 8:19

Miyad fith ngak ni lungurad, “Bu uw e Chitamam?” Me fulweg Jesus ngorad ni ga’ar, “Da mu nanged gag ma ku errogon e Chitamag nda mu nanged. Fa’an mang e gimed manangeg ma kigimed manang e Chitamag.”

John 5:37

Ma en ni Chitamangiy ni ir e ke l’oegeg ku gub e ku errogon ir ni be weliy murung’ageg. Dawor mu rung’aged laman bi’id, ma dawor mu guyed owchen bi’id;

Exodus 24:10

miyad guy fare Got rok piyu Israel. Tan e rifrif u ay e ba’ ban’en riy ni bod ba wo’ nni gad ko malang ni sapphire, ni ra’en e bod feni mak’ef lanelang.

John 14:7

Me ga’ar ngorad, “Kam nanged gag e chiney, ere bay kum nanged e Chitamag; ma chiney i yan ngam’on e kam nanged, ma kam guyed.”