John 6:40 - Bible Ni Thothup

⁴⁰ Ya ba’aray e n’en ni ba’adag e Chitamag: ba’adag ni urngin e pi’in yad ra guy e en ni Fak me mich u wun’rad e aram e ke yag e yafos ndariy n’umngin nap’an ngorad; ma chirofen ni tomur ko rran e bay gu fasegrad ko yam’.”

John 6:40 Referans Kwoze

Roma 6:23

Ya denen e ma pi’ puluwoy — ni yam’; machane tow’ath rok Got ngodad ndariy puluwon e yafos ndariy n’umngin nap’an nra pi’ u daken e ta’ab girdi’ ni kad ted e Somol rodad i Jesus Kristus.

John 6:54

En nra kay e ufin u dowag me unum racha’eg e ke yag e yafos ndariy n’umngin nap’an ngak, ma gu ra faseg ko yam’ ko chirofen ni tomur ko rran.

John 5:24

“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.

John 11:25

Me yog Jesus ngak ni ga’ar, “I gag owchen e fos ko yam’ nge yafos. Yigu ra ke yim’ be’ ni gub mich u wan’ mra fos;

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

John 14:19

Dabki n’uw nap’an ma dabki guyeg e girdi’ nu fayleng, machane gimed e bay mu guyed gag; bay gu par ni gub fos, ere ku er rogomed ni bay kum pired ni gimed ba fos.

John 12:45

Ma cha’ nra guyeg, e ku errogon nike guy e cha’ nike l’oegeg ku gub.

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

John 3:36

En nra mich u wan’ e en ni Fak Got e aram e keyag e yafos ndariy n’umngin nap’an ngak; ma en ni dabi fol rok e en ni Fak Got e dabiyag e yafos ngak, machane be par e damumuw rok Got u daken ndariy n’umngin nap’an.

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

Luke 2:30

Ya kug guy nga owcheg e en ni kam pi’ ni ir e nge thapeg e girdi’ ngom,

1 John 2:25

Ma ba’aray e n’en ni yog Kristus nra pi’ ngodad — ni aram e yafos ndariy n’umngin nap’an.

Isaiah 52:10

I SOMOL e bayi maruwel nga gelngin nib thothup; bayi ayuweg e girdi’ rok, ma ga’ngin e fayleng ni bay ni guy riy.

John 17:2

Ya kam pi’ gelngin ni nge gagiyegnag urngin e girdi’, ni bochan e nge yag ni pi’ e yafos ndariy n’umngin nap’an ngak e pi’in kam pi’rad ngak.

John 10:28

Kug pi’ e yafos ni dariy n’umngin nap’an ngorad ni aram e dab kur m’ad; ma dariy be’ nrayag ni nge lagrad rog.

Jude 1:21

um pired ni gimed bt’uf rok Got, ma gimed be sonnag e Somol rodad i Jesus Kristus ni nge pi’ e yafos ndariy n’umngin nap’an ngomed ni bochan e be runguymed.

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

Roma 5:21

Ere rogon ni i gagiyeg e denen u daken e yam’, e ku eram rogon e runguy rok Got ni be gagiyeg u daken e mat’aw ni be tay ngodad, be fekdad i yan ko yafos ni dariy n’umngin nap’an u daken Jesus Kristus ni ir e Somol rodad.

John 12:50

Ma gu manang ni tin ke yog e ir e ma fek e yafos ndariy n’umngin nap’an i yib ko girdi’. Ere tin kugog e ir e pin’en nike weliy e en ni Chitamangiy ngog ni nggog.”

John 8:56

Chitamangimad i Abraham e i felfelan’ ni bayi guy e birog e rran, me guy me felfelan’.”

Mark 16:16

En nra michan’ ngay min tawfenag e ke thap ngak Got; ma en ni dabi michan’ ngay e kan turguy e gechig rok.

Isaiah 53:2

I SOMOL e turguy ni fare tapigpig rok e nge ilal ni bod ba ke woldug ni tugul ko but’ nib mlik’. Ir e gathi bod be’ nib tolang ara bfel’ ya’an ni ngad adaged ni ngad changargad ngak. Ra ni guy ma dabi unan’uy ngak dariy ban’en nib gamog rok nra fael owchedad ngak.

Hebrews 11:1

Ra nge michan’dad ma aram e ke pagan’dad ko pin’en ni ir e ke l’agan’dad ngay, ma ke michan’dad ko pin’en ndarid guyed nga owchedad.

Hebrews 11:27

Michan’ rok Moses ngak Got e ir e pow’iy Moses nge yan nge chuw u Egypt nde tamdag ngak e pilung nu Egypt nike damumuw; ma de sul nga Egypt, ni bochan e gowa ke guy fare Got ndab ni guy nga owchey.

John 14:17

Ir fare Kan ni Thothup, ni ir e bayi tamilangnag e tin rriyul’ u murung’agen Got. Ma girdi’ nu fayleng e dabiyag ni nge yag ngorad, ya dabiyag ni ngar guyed ara ra nanged ir. Machane gimed e gimed manang ir, ni bochan e bayi par romed ngi i par u fithik’med.

Matthew 10:15

Mu ted fanmediyan ko re bugithin ney! Chirofen nra pufthinnag Got e girdi’ riy e ka ba ga’ e runguy nra tay ngak e girdi’ nu Sodom ngu Gomorrah ko runguy nra tay ngak girdi’en e re binaw nem!”

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

John 6:39

En nike l’oegeg ku gub e ba’aray e n’en ni ba’adag ni nggu rin’: ni aram e nge dabi thay u pa’ag bagayad urngin e pi’in ke pi’ ngog, machane nggu fasegrad ko yam’ ni yad gubin ko chirofen ni tomur ko rran.

John 6:44

Dariy be’ nrayag ni nge yib ngog ni fa’anra gathi en ni Chitamangiy e pow’iy nge yib ngog, ni ir e ke l’oegeg ku gub; ma bay gu faseg ko yam’ ko chirofen ni tomur ko rran.

John 11:24

Me fulweg Martha ni ga’ar, “Gu manang ni bay ni faseg ko yam’ ko chirofen ni ir e tomur ko rran.”

Numbers 21:9

Me ngongliy Moses ba porchoyog ko wasey ni bronze nge tay nga p’ebgul ba ley i gek’iy nge suweg ngalang. Mra k’ad e porchoyog be’ me yan i sap ko re porchoyog ni bronze nem ma dabki yim’.