John 6:38 - Bible Ni Thothup

³⁸ Ya ku gub u tharmiy nga but’ ni nggu rin’ e tin ni be finey e en nike l’oegeg ku gub, machane gathi nggu rin’ e tin ni gu be finey.

John 6:38 Referans Kwoze

John 5:30

“Dariy ban’en ni gu ra rin’ ni gag e leam rog; gu ma pufthinnag e girdi’ ni bod rogon nike yog Got ngog, ere tin ni gu ma turguy e bmat’aw, ya gathi tin ni gub adag e ir e gu be guy rogon ni nggu rin’, ya kemus ni tin ni ba’adag e en ni l’oegeg ku gub.

John 4:34

Me ga’ar Jesus ngorad, “Ggan rog e nggu fol ko tin ni be finey e en ni l’oegeg ku gub, ma nggu mu’nag e maruwel nike pi’ ngog ni nggu muruwliy.

John 3:31

En ni yib u lang e ir e ba ga’ ngak urngin e girdi’; ma en ni sum u fayleng e mmil suwon nga fayleng ni tin nu fayleng ban’en e be weliy murung’agen. Ma en ni yib u tharmiy e ba tolang ngak urngin e girdi’.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

John 6:33

Ya ggan nike pi’ Got e fa’anem nike yib u tharmiy nga but’ ni nge pi’ e yafos ngak e girdi’ nu fayleng.”

John 3:13

Ya dariy be’ ni ka’a yan nga tharmiy ya kemus ni yigo’o en ni Fak e Girdi’ ni ir e yib u tharmiy nga but’.”

Hebrews 5:8

Yugu aram rogon ni ir Fak Got, machane u daken e gafgow ni i tay e fil rogon riy ni ngi i fol rok Got.

Roma 15:3

Ya Kristus e de yan nga laniyan’, machane yan i aw ni bod nike yog e babyor nib thothup ni be ga’ar, “Thin nib morug ni kani rugoy ngom e gag e ke aw ngog.”

Efesus 4:9

Re bugithin ney “nike yan ngalang” e mangfan? Fan e re bugithin ney e som’on e yan nga’ar — ni aram e yan ko gin nth’abi to’ar u fithik’ e fayleng.

Matthew 20:28

ni bod e en ni Fak e Girdi’ nde yib ni ngan pigpig ngak, machane yib ni nge pigpig me pi’ e pogofan rok nge biyuliy bo’or e girdi’ ngay.”

John 3:17

Ya Got e de pi’ Fak nge yib ngaray nga fayleng ni nge turguy e gechig ko girdi’, machane ir e nge thapeg e girdi’ ngak Got.

John 5:19

Ma aram me fulweg Jesus ngorad ni ga’ar, “Nggog e tin riyul’ ngomed: en ni Fak Got e dariy ban’en ni be rin’ ni ir e tafinay rok; kemus ni tin ni be guy ni be rin’ e Chitamngin e ir e be rin’. Ya n’en ni be rin’ e en ni Chitamangiy e ku er e n’en ni be rin’ e en ni Fak.

John 6:29

Me fulweg Jesus ngorad ni ga’ar, “Ba’aray e ren’en ni ba’adag Got ni ngam rin’ed: nge mich u wun’med e en nike l’oeg ke yib.”

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

John 6:57

En ni Chitamangiy ni be par nib fos e ke l’oegeg ku gub, ma ku ir e be tiyeg ni gub fos. Ma ku aram rogon ni en nra kayeg e ra fos ni bochag.