Biblia Todo Logo
Bib sou entènèt

- Piblisite -




John 6:37 - Bible Ni Thothup

37 Urngin e girdi’ nra pi’ e Chitamag ngog e bay rabad ngog. Ma en nra yib ngog e ri dab gu n’ag.

Gade chapit la Kopi




John 6:37
30 Referans Kwoze  

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.


En nike l’oegeg ku gub e ba’aray e n’en ni ba’adag ni nggu rin’: ni aram e nge dabi thay u pa’ag bagayad urngin e pi’in ke pi’ ngog, machane nggu fasegrad ko yam’ ni yad gubin ko chirofen ni tomur ko rran.


“Chitamag! Kam pi’rad ngog, ma gub adag ni ngar pired rog ko gin ni gu bay riy, nge yag nra guyed e fla’ab rog, ni fare fla’ab ni mpi’ ngog; ya dawor ni sunumeg e fayleng, ma gu be par ni gub t’uf rom.


“Kug weliy murung’agem ngak e pi’in kam pi’rad ngog u fayleng ni yad e ur pired nib mil farad ngom, me gur e kam pi’rad ngog. Ma kar folgad ko thin rom,


Ya kam pi’ gelngin ni nge gagiyegnag urngin e girdi’, ni bochan e nge yag ni pi’ e yafos ndariy n’umngin nap’an ngak e pi’in kam pi’rad ngak.


Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.


Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.


Machane fare def nib gel nike fal’eg Got rogon ke tay e dabiyag ni ngan rurug; ma ba’aray e thin ni kan yoloy nga daken ni ga’ar: “I Somol e manang e pi’in yad girdi’en”; ma ki ga’ar, “En nra ga’ar e ir reb e girdi’ rok Somol e thangri pi’ keru’ ko ngongol nib kireb ni be rin’ nge dabki rin’.”


machane er fan nike runguyeg Got, ni bochan e nge yag ni dag Kristus Jesus feni gumaen’ u puluwog, i gag e en nth’abi tadenen u fithik’ e pi tadenen, ni nge dag ngak e pi’in ni bayi mich Jesus u wun’rad nga tomureg me yag e yafos ndariy n’umngin nap’an ngorad.


Dabi thal’uy ba ley i ro’uy nike m’ing, ma dabi thang ba magal ni be n’en ni nge math. Tin ra i par nib yal’uw e bayi fek i yib ngak urngin e girdi’.


Me ul ul ngay nge ga’ar, “Ri ireray fan ni kug weliy ngomed ndariy be’ nrayag ni nge yib ngog ni fa’anra gathi en ni Chitamangiy e gagiyegnag nge yag ni nge yib ngog.”


Yungi n’en ni mus e fayleng riy e ku gu fulweggem riy; yungi n’en nu fayleng ni um par riy nib orel e ku gu piningem riy me lungug ngom, ‘Gur e tapigpig rog.’ Da gu n’igem, ya gu mel’egem ni ngam mang girdi’ rog.


Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.


Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.


Pi girdi’ ney e dar moyed ko ba’ rodad e girdi’, aram fan ni kar paged gadad; ya fa’an mang e yad girdi’en e ba’ rodad e girdi’ ma kar pired rodad. Machane kranod ni bochan e nge m’ug nib tamilang ndariy bagayad nri girdi’en e ba’ rodad e girdi’.


Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.


Ya bayi m’ug boch e Messiah nge profet ni yigo’o bogi ban’en; ma bay ur ngongliyed e maang’ang nge bogi n’en ni yira ngat ngay, ni bochan e fa’an mang e rayag miyad bannag e pi’in girdi’en Got ni Got e ke mel’egrad.


Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.


Bayi rung’ag laman e girdi’ rok nike n’agrad me motoyil ko meybil rorad.


Ya ke mel’egmed Got ni ngam pigpiggad ngak Kristus, ni gathi kemus ni ngam pired nib mich u wun’med, machane ngku um gafgowgad ni fan ngak.


Ere chiney e bay gub ngom; ni aram e kug chuw u fayleng, machane yad e ka yad bay u fayleng. Chitamag ni gab thothup! Mu yororiyrad nga gelngin fithingam, ni fare ngachal ni kam tunguy ngog, nge yag nra pired ni kar ta’rebgad ni bod rogon gur nge gag ni gadow ba ta’reb.


Miyad fulweg ngak ni lungurad, “I gur e ni gargel nigem ngan chuguluyem u fithik’ e denen ma ga be guy rogon ni ngam machib ngomed?” Ma aram miyad chuweg u lan tafen e mu’ulung.


Swiv nou:

Piblisite


Piblisite