John 6:35 - Bible Ni Thothup

³⁵ Me yog Jesus ngorad ni ga’ar, “I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

John 6:35 Referans Kwoze

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.

John 6:41

Me tabab fapi cha’ i gun’gun’nag, ya keyog ni ga’ar, “I gag fare ggan ni yib u tharmiy nga but’.”

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Revelation 7:16

Gathi bay ki yib e bilig ara belel ngorad bi’id; ma dab kur m’ad nga gowelngin e yal’ ara gowelngin ban’en;

John 6:37

Urngin e girdi’ nra pi’ e Chitamag ngog e bay rabad ngog. Ma en nra yib ngog e ri dab gu n’ag.

Matthew 11:28

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.

Luke 6:25

“Kam gafgowgad e pi’in gimed be fos e chiney; ya bay mm’ad ko bilig! “Kam gafgowgad e pi’in gimed be minmin e chiney; ya bayi kireban’med ngu’um yorgad!

John 6:65

Me ul ul ngay nge ga’ar, “Ri ireray fan ni kug weliy ngomed ndariy be’ nrayag ni nge yib ngog ni fa’anra gathi en ni Chitamangiy e gagiyegnag nge yag ni nge yib ngog.”

John 5:40

Machane dabumed ni ngambad ngog nge yag e yafos ngomed.

John 4:15

Me ga’ar fare pin, “Ere mpi’ ngog e re ran nir, nge siy ki sul e belel ngog, mu gu pag e wub ngaray ko mel’ing ran.”