John 5:25 - Bible Ni Thothup

²⁵ Nggog e tin riyul’ ngomed: bay ba ngiyal’ ni be yib — nre ngiyal’ i n’em e ke taw — ni aram e bayi rung’ag e yam’ laman e en ni Fak Got, ma pi’in yad ra rung’ag e yad ra fos.

John 5:25 Referans Kwoze

John 5:28

Dab mu gin gad ko re bugithin ney; ya bay ba ngiyal’ ni be yib ni bayi taw ngay ma gubin e yam’ ni bay u lan e low ni bayi rung’ag laman,

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Efesus 2:5

ya nap’an ni kagadad bay u tan e gechig rok Got ni aram e gadad ba yam’ ni bochan e denen rodad me chagiydad ngak Kristus nge thapegdad ko yafos; yu daken e runguy rok Got e ir e ke thapegmed riy ngak.

John 4:23

Machane re ngiyal’nem e ka be yib nike taw ngaray, ni pi’in nriyul’ ni yad be meybil e bay ra meybilgad ngak e en ni Chitamangiy u daken e ayuw ko Kan ni Thothup ngu fithik’ e yul’yul’. Ireray e pi’in yad ma meybil ni ba’adag e Chitamangiy ni ngar meybilgad ngak.

Revelation 3:1

“Mu yol ngak fa engel ko galesiya nu Sardis ni nge lungum: “Ba’aray e thin nike pi’ fa’anem ni bay fa medlip i kan ku Got rok nge fa medlip i t’uf. Gu manang e n’en ni ga be rin’; gu manang ni be yog e girdi’ ni gab fos, machane ga be par ni gab yam’!

John 8:47

En ni yib rok Got e ma motoyil ko thin rok Got. Machane gimed e gathi mbad rok Got, aram fan ndab mmotoyilgad ko thin rok Got.”

Kolose 2:13

Bay ba ngiyal’ ni um pired ni gimed ba yam’ ni bochan e denen romed, ma bochan e um moyed u wuru’ e Motochiyel rok Got ni fan e gathi gimed piyu Israel. Machane chiney e ke unegmed Got ngak Kristus ke fekmed i yib ko yafos! I Got e ke n’ag fan urngin e denen rodad.

Efesus 2:1

Kakrom e um pired u tan e gechig rok Got ni aram e gimed ba yam’ ni bochan e denen romed ma da um folgad rok Got.

Roma 6:4

Ere tawfe ntay ngodad e kan unegdad ngak kan k’eyagdad kad uned ngak ko yam’, ni fan e rogon ni faseg e en ni Chitamangiy Jesus nga gelngin nrib gel, e ku aram rogodad ni nge yag ni ud pired ko bin nib be’ech e pangin.

John 8:43

Ere mangfan ndamur nanged fan e tin ni gu be yog? Bochan e dabiyag ni gimed ra k’adan’med ngam motoyilgad ko thin nike pi’ Got ngog ni nggub gog ngomed.

John 5:21

Ya en ni Chitamangiy e ma faseg e yam’, ere ku errogon e en ni Fak nma pi’ e yafos ngak e pi’in ba’adag ni nge pi’ e yafos ngorad.

Luke 15:24

Ya cha’ ni fakag ney e yim’, machane chiney e ke fos; i malog, machane chiney e kan pir’eg.’ Ma aram miyad tabab ko madnom.

Luke 9:60

Me fulweg Jesus ni ga’ar, “Mpag e pi’in yad ba yam’ ngar k’eyged e yam’ rorad. I gur e mman ngam machibnag ngak e girdi’ murung’agen e gagiyeg rok Got.”

John 4:21

Me ga’ar Jesus ngak, “Ppin, nge mich u wun’um e tin kugog, bayi taw nga ba ngiyal’ ni gathi bay ki meybil e girdi’ ngak e en ni Chitamangiy u daken e re burey ney ara lan yu Jerusalem.

Luke 15:32

Machane thingar da ngongliyed e madnom ngad felfelan’gad, ya walagem e yim’, machane chiney e ke fos; i malog, machane chiney e kan pir’eg.’ ”

John 17:1

Fa’ani mu’ i yog e re bugithin ney rok Jesus, me sap ngalang me ga’ar, “Chitamag, ke taw ko fare awa. Mu gilnag buguwan Fakam, me gilnag Fakam buguwam.

John 13:1

Chirofen ney e eram e rofen ni bay ngam’on ko madnom ni Paluk’af. Ma manang Jesus nike taw nga nap’an ni nge chuw ko re fayleng ney nge yan ngak e en ni Chitamangiy. Gubin ngiyal’ ni yugu ma par nib t’uf rok e pi’in yad e tirok’ e girdi’ u fayleng, ma yigi i par ni yad ba t’uf rok nge yan i mada’ ko tomur.

John 6:60

Bo’or pi gachalpen ni rung’ag e re bugithin ney me lungurad, “Re machib ney e kayigi mo’maw’. Mini’ e ra motoyil ko tiney e thin?”

John 9:27

Me fulweg ni ga’ar, “Ke m’ay i yog rog ngomed, ma dabumed ni ngam motoyilgad ko n’en ni kugog. Ere mang ni gimed ba’adag ni ngkum rung’aged bayay? Sana ku er rogomed ni gimed ba’adag ni ngam manged boch pi gachalpen?”