John 4:6 - Bible Ni Thothup

⁶ Ere bay e luwed ku Jakob ko gin’em, ma aram e ke magaer Jesus ko milekag, me par nga but’ u to’oben e re luwed nem. Ma ngiyal’nem e gonap’an e ke misiw’.

John 4:6 Referans Kwoze

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.

Hebrews 2:17

Fan e re bugithin ney e nge yib i ngal’ ni bod pi walagen u urngin rarogorad, ni fan e nge yag ni mang e Prist ni Th’abi Ga rorad nma runguyrad ma ba yul’yul’ ko pigpig rok ngak Got ni fan e nge yag ni n’ag Got fan e denen rok e girdi’.

Matthew 8:24

Me yib e nifeng nrib gel nib tomgin, mi i t’ar e n’ew ngalan fare bowoch. Machane be mol Jesus.

Matthew 27:45

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Matthew 4:2

Ma fa’ani par ni aningeg i ragag e rran nge neap’ nde abich, me yib e bilig ngak.

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

John 11:9

Me ga’ar Jesus, “Ra reb e rran ma ragag nge l’agruw e awa ni bay riy fa? Ma fa’anra yan be’ nib rran ma dabi tun ay, ya be guy e tamilang ko re fayleng ney.

Luke 9:58

Me ga’ar Jesus ngak, “Gamanman ni fox e bay e low ni taferad, ma arche’ e bay taferad ni kar toyed, machane en ni Fak e Girdi’ e dariy bang ni nge pag ir riy nga but’ nge toffan.”

Luke 2:7

Me gargelnag e bin som’on i fak ni pumo’on, me bachiy e mad ngak nge tay ngalan ba dabiy ko gamanman — ya dariy e gin ni yad ra par riy u tafen e milekag.

John 4:5

Me yib nga bbinaw ni bay u lan yu Samaria, nike lunguy yu Sykar, nde mal’af ko fa gi binaw ni fa’ani pi’ Jakob ngak be’ nib mo’on ni fak ni aram Josef.

John 4:7

Me yib be’ ni bpin u Samaria ni nge l’ing e ran me ga’ar Jesus ngak, “Mpi’ boch e ran gu unum.” (

John 4:12

Chitamangidad i Jakob e pi’ e re luwed ney ngomad; ni ir nge pifak ni pumo’on, nge gamanman rok e yad gubin ni ur unumed e ran riy. Ma damur finey ni ga ba ga’ ngak Jakob fa?”