John 21:7 - Bible Ni Thothup

⁷ Facha’ ni gachalpen Jesus nib t’uf rok Jesus e ga’ar ngak Peter, “I Somol e cha’nem!” Ma nap’an ni rung’ag Simon Peter ni facha’ e ir Somol, me bachiy wuru’ e mad rok nga lukngun (ni bochan e ke luf e mad rok) me bukey nga maran.

John 21:7 Referans Kwoze

John 13:23

Ma bay bagayad fa picha’, ni gachalpen nrib t’uf rok Jesus, nike par nga but’ ni ir e mmigid ngak Jesus.

John 20:2

Me mil nge yan ngak Simon Peter nge fa’anem ni gachalpen Jesus nib t’uf rok Jesus, me ga’ar ngorow, “Kar chuweged Somol ko fare low ko yam’ ma da gu nanged e gin ni kranod ra ted ngay!”

John 19:26

Me guy Jesus e chitiningin nge fa en ni gachalpen nib t’uf rok ni yow ba sak’iy u rom; ma aram me ga’ar Jesus ngak e chitiningin, “Ppin, be’er fakam.”

2 Korinth 5:14

Gelngin fanmad t’uf rok Kristus e ir e be gagiyeg nagmad, ya kug nanged ni ta’reb e girdi’ e yim’ ni fan ngak urngin e girdi’, ni fan e ren’em e urngin e girdi’ ma kar uned ngak ko yam’.

John 21:24

Cha’nem e ir e cha’ ni gachalpen Jesus ni weliy murung’agen e pin’ey, ni en ni ku ir e ke yoloy e pi thin ney; ma gamad manang ni tin ke weliy e riyul’.

John 21:20

Me changar Peter nga keru’, me guy fa binem i gachalpen Jesus ni bay u keru’, ni fa’anem nib t’uf rok Jesus — ni fa’anem ni fa’ani pag ir ngari chugur ngak Jesus ko ngiyal’ ni ba’aram ni fa’anra abichgad riy me fith ngak ni ga’ar, “Somol, i mini’ e en ni bayi yag nigem?”

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Acts 2:36

“Ere urngin e girdi’ nu Israel ni thingar ra nanged ni cha’nem i Jesus, ni ir e mu richibiyed ko kuruth, e ke tay Got ni ir e Somol nge Messiah!”

Luke 7:47

Ere nggog ngom ni gelngin nri gub t’uf rok nike dag e ir e ke micheg ni denen rok nib pire’ e ke m’ayfan. Machane cha’ ni bochu’uw e denen rok ni ke m’ayfan, e ri bochu’uw e t’ufeg ni be dag.”

Luke 2:11

Re rran n’ey u lan e binaw rok David e kan gargeleg e Tabyul romed — ni Kristus ni ir e Somol!

Mark 11:3

Ma fa’anra fithmew be’ ni ga’ar, “Mangfan e binir ni gimew be rin’? me lungumew, ‘Bay e tin nge rin’ e Masta ngay, ni yugu ra mu’ riy me pi’ ngan fulweg ngaray.’ ”

Tang Ko Pitang 8:7

Ran e dabiyag ni nge thang; ma dariy ba sugbur nra tharey. Machane fa’anra guy be’ rogon ni nge chuwi’iy e adag ko machaf rok, ma kemus ni fanenikan e ra yib riy ngak.

Psalms 118:23

Ren’ey e SOMOL e yodoromnag; rib gamog u owchey!

James 2:1

Pi walageg ni girdi’en Kristus, ngongol ni ngu’um ted nrogon e ngongol rok e pi’in ke michan’rad ngak e Somol rodad i Jesus Kristus ni ir e Somol ko fla’ab, e thingari dabi thil rogon e changar romed ngak e girdi’ nib thilthil rarogorad ni be m’ug, ni bochan ya’arad nge rogon e mad ni ka ron’ed.

1 Korinth 15:47

Bin som’on e Adam e ni ngongliy ko but’, ere be’ u roy u fayleng; ma bin migid e Adam e yib u tharmiy.

John 20:28

Me fulweg Thomas ngak ni ga’ar, “Somol rog nge Got rog!”

John 20:20

Ma fa’ani mu’ i yog rok e re bugithin ney me dag pa’ nruw raba’ ngorad nge p’eyon. Me ri felfelan’ pi gachalpen Somol ni fan e kar guyed.

Luke 12:35

“Mu fal’eged rogomed ngam pired ni fan ko mit i n’en ni bay yib, ni kam chichiiyed e luod romed nga lukngumed ma kam gal’ed e magal romed,

John 21:8

Ma fa tinem i gachalpen Jesus ni kar mageygad u bowoch e rabad u bowoch i yib ko binaw, ni yad be girengiy fare nug u maran nib sug ko nig. Ma gathi ri yad bmal’af ko binaw, ya gonap’an e ra’ay e yard pal’afngirad ko binaw nga orel.