John 21:22 - Bible Ni Thothup

²² Me fulweg Jesus ngak ni ga’ar, “Fa’anra gub adag ni nge par nib fos nge yan i mada’ ko ngiyal’ ni bay gub riy, ma ngam kuni’eg? Um lekeg!”

John 21:22 Referans Kwoze

Mark 9:1

Me ul ul ngay ni ga’ar, “Mu ted fanmediyan ko re bugithin ni ba’aray! Bay boch e girdi’ u roy ni dab ra m’ad me yan i taw ko ngiyal’ ni bay ra guyed e gagiyeg rok Got nike taw ni bay gelngin nib gel.”

Revelation 2:25

Machane thingar mu chichi’iyed pa’med ko n’en ni bay romed nge mada’ ko ngiyal’ ni bay gub riy.

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

Revelation 3:11

Dabi n’uw nap’an mu gub. Mu ayuweg e n’en ni bay rom, nge dabi fek be’ puluwom ko gel ni kam tay.

James 5:7

Pi walageg ni girdi’en Kristus, mpired ni gimed ba gumaen’ nge mada’ ko ngiyal’ ni bayi sul Somol riy. Mu guyed feni gumaen’ e en nma woldug nga rogon nma sonnag e woldug rok ni nge yib limngun ara wom’ngin nri ba ga’ fan ngak. Ma sonnag e ngiyal’ ni som’on ko n’uw nge ngiyal’ ni tomuren e n’uw u fithik’ e gumaen’.

1 Korinth 11:26

Ya ngu’um weliyed murung’agen e yam’ ni tay Somol ko ngiyal’ ni gimed ra kay e re flowa ney mi gimed unum e n’en ni bay ko re kap ney nge yan i mada’ ko ngiyal’ ni bayi sul Somol riy.

John 21:19

Re bugithin ney ni yog Jesus e aram e be yog rogon e yam’ ni bay ta’ Peter nge tayfan Got.) Ma aram me ga’ar Jesus ngak, “Um lekeg!”

Matthew 24:44

Ireray fan ni ngkum pired ni gubin ngiyal’ ni kam fal’eged rogomed kam pired, ya en ni Fak e Girdi’ e ra yib u reb e awa ndamur fineyed nra yib riy.

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!

Revelation 22:7

Me ga’ar Jesus, “Mu telim! Dabki n’uw nap’an mu gub! Ma pi’in yad be fol ko pi thin ney, ni bay u lan e re ke babyor ney, ni be yog e tin ni bay ngam’on ni bay fini m’ug e yad ra felan’!”

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,

Matthew 24:27

Ya en ni Fak e Girdi’ e ra yib ni bod e uluch ni mat u baraba’ e lang ni mus u lan e ngek nge yan i thang ngalan e ngal.

Matthew 24:3

Ma nap’an ni par Jesus nga but’ u daken e burey nu Olive, me yib pi gachalpen ngak ni go’ yad, miyad fith ngak ni lungurad, “Mog ngomad ko wu’in e ra yib urngin fa pin’en ni kamog, nge n’en nra yib ni nge dag nike taw ko ngiyal’ ni bay mub riy nge ngiyal’ ni tomuren e fayleng.”

Matthew 8:22

Me fulweg Jesus ngak ni ga’ar, “Mu lekeg, mpag e pi’in yad ba yam’ ngar k’eyged e yam’ rorad.”

Matthew 16:24

Me ga’ar Jesus ngak pi gachalpen, “Fa’anra ba’adag be’ ni nge un ngog, ma thangri pag talin ir, nge fek e kuruth rok nge lekeg.

John 21:21

Fa’ani guy Peter fa’anem ni gachalpen Jesus me ga’ar ngak Jesus, “Somol, ma cha’ney?”

1 Thessalonika 2:19

Ya bin riyul’ riy e gimed e pagan’ nge felfelan’ romad nge tapgin ni nggu felfelan’gad ko gel ni kug ted, ni aram e nggu felfelan’gad u p’eowchen Somol ko ngiyal’ ni bayi sul riy.

James 5:8

Ere ku er rogomed nthingar mpired ni gimed ba gumaen’! Mpired nib muduwgilan’med ko n’en ke lagan’med ngay, ya chirofen ni nge sul Somol riy e ke chugur.