John 20:27 - Bible Ni Thothup

²⁷ Ma aram me ga’ar ngak Thomas, “Mu tay bugul i pa’am ara’, ma ga yaliy lan pa’ag nruw raba’ ma ga k’iyag pa’am ngam tay ngalan e bey u p’eyog. Mu tal ko toruruw nggu mich u wun’um!”

John 20:27 Referans Kwoze

John 20:25

Ma aram me yog fa tinem i gachalpen Jesus ngak Thomas ni lungurad, “Kug guyed Somol!” Me ga’ar Thomas ngorad, “Fa’anra dab gguy fathan e rchib u lan pa’, mu gu tay bugul i pa’ag ko gin nrichibiy u lan pa’, mu gu tay e rifrif u pa’ag ngalan e bey u p’eyon, ma dabi mich u wun’ug.”

John 20:20

Ma fa’ani mu’ i yog rok e re bugithin ney me dag pa’ nruw raba’ ngorad nge p’eyon. Me ri felfelan’ pi gachalpen Somol ni fan e kar guyed.

Psalms 78:38

Machane Got e ma runguy e girdi’ rok. I n’agfan u wan’ e denen rorad made thang owcharad. Ba yo’or yay ni i k’adan’ ko damumuw ngi i par nga daken gelngin e damumuw rok.

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Luke 24:40

I yog e re bugithin ney me dag pa’ nruw raba’ ngorad nge rifrif u ay.

Luke 9:41

Me fulweg Jesus ni ga’ar, “Ri gimed be oloboch, ya der mich Got u wun’med! Uw n’umngin nap’an nthingar gu par romed? Uw n’umngin nap’an ni nggu k’adan’ug romed?” Ma aram me ga’ar ngak fare mo’on, “Mfek fare pagel ni fakam i yib ngaray.”

Mark 9:19

Me fulweg Jesus ngorad ni ga’ar, “Ri der mich Got u wun’med! Uw n’umngin nap’an nthingar gu par romed? Uw n’umngin nap’an ni nggu k’adan’ug romed? Mfeked fachi pagel i yib ngog!”

Matthew 17:17

Me fulweg Jesus ni ga’ar, “Ri gimed be oloboch ya der mich Got u wun’med! Uw n’umngin nap’an nthingar gu par romed? Ma uw n’umngin nap’an ni nggu k’adan’ug romed? Mfeked fachi pagel i yib ngog ngaray!”

Luke 24:39

Mu sapgad nga pa’ag nruw raba’ nge rifrif u eg mi gimed nang ni gag. Mmathgad nga dowag ngam guyed, ya kan e dariy e ufin nge yil u dow, ni bod rogon ni gimed be guyeg ni bay rog.”

John 20:28

Me fulweg Thomas ngak ni ga’ar, “Somol rog nge Got rog!”