John 20:23 - Bible Ni Thothup

²³ Fa’an gimed ra n’ag fan e denen rok e girdi’, ma aram e kan n’ag fan rorad; ma fa’anra dab mu n’iged fan rorad, ma aram e dawor nn’ag fan rorad.”

John 20:23 Referans Kwoze

Matthew 18:18

“Ere nggog ngomed ni gimed gubin ni nge lungug: n’en ni gimed ra taleg ndab ni rin’ u roy u but’ e yira tay u tharmiy ni aram rogon; ma n’en ni gimed ra pag ngan rin’ u but’ e yira tay u tharmiy ni aram rogon.

Matthew 16:19

Ma bay gu pi’ ngom fapi kiy ni kiy ko gagiyeg nu tharmiy: n’en ni ga ra taleg ndab nrin’ u but’ e yira tay u tharmiy ni aram rogon; ma n’en ni ga ra pag ngar rin’ u but’ e yira tay u tharmiy ni aram rogon.”

1 Timothy 1:20

ni Hymeneus nge Alexander e yow mu’un nga fithik’rad, ni kug pi’row nga gelngin Satan, ya ngar filew ni ngar talgow ndab ku rognew e thin nib kireb nib togopluw ngak Got.

Acts 10:43

Urngin e pi profet nra weliyed murung’agen, ni i lungurad e urngin e pi’in nra mich Jesus u wun’rad e ra bagayad mra n’ag Got fan e denen rok u daken gelngin fithingan Jesus.”

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

1 Korinth 5:4

Ere bay mmu’ulunggad ma bayi un lanin’ug ngomed ko mu’ulung, mu gelngin e Somol rodad i Jesus ni bay rodad,

Efesus 2:20

Ku errogon gimed ni kan ubungmed nga daken fare def nike toy e pi apostel nge pi profet, fare malang ni ir e ba th’abi ga’ fan ko re def nem e aram Kristus Jesus.

John 20:22

I yog e re bugithin ney me pag athon l’ugun nga dakenrad me ga’ar, “Nge yib fare Kan Nthothup ngomed.