John 20:21 - Bible Ni Thothup

²¹ Me ga’ar Jesus ngorad bayay, “Nge yib e gapas ngomed. Rogon nike l’oegeg e en ni Chitamangiy e aram rogon ni nggu l’oegmed.”

John 20:21 Referans Kwoze

John 13:20

Gu be yog e tin nib riyul’ ngomed: ra yan be’ ni mol’og rog ngak be’ me felfelan’ fa’anem ngak nike yib, ma ku aram e n’en ke rin’ ngog; ma en nra rin’ ngog ni aray rogon e ke rin’ ngak e en ni ir e ke l’oegeg ku gub.”

John 3:17

Ya Got e de pi’ Fak nge yib ngaray nga fayleng ni nge turguy e gechig ko girdi’, machane ir e nge thapeg e girdi’ ngak Got.

Acts 1:8

Machane bay yib gelngimed ko ngiyal’ ni bay yib fare Kan Nthothup riy nga dakenmed, ma aram mi gimed weliy murung’ageg u lan yu Jerusalem, ngu lan yu Judea ni polo’, ngu lan yu Samaria, nge yan i mada’ ko yungi n’en ni yan i mus e fayleng ngay.”

2 Timothy 2:2

Mfek fapi thin ni mu rung’ag ni gu machibnag u p’eowchen e girdi’ ni yo’or ni yad e mich riy, ngam pi’ ngak e pi’in pumo’on nike pagan’um ngorad, ni pi’in pumo’on ni ku rayag ni ngar machib niged boch e girdi’.

Matthew 10:40

“En nra fekmed nga tabinaw rok nib m’agan’ ngay, e aram e ku errogon nike rin’ ngog; ma en nra fekeg nga tabinaw rok nib m’agan’ ngay, e aram e ku ke fek e en ni l’oegeg.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

Hebrews 3:1

Pi walageg ni gimed girdi’en Kristus, ni ku errogon gimed nike piningmed Got ni ngambad ngak! Mu leam niged Jesus, ni ir e ke l’oeg Got ke yib ni nge mang fare Prist ni Th’abi Ga’ ko michan’ rodad ni ir e gadad be weliy murung’agen.

John 20:19

Ke n’uw nap’an nike aw e lumor ko re rran nem ni madnom nike mu’ulung pi gachalpen Jesus nga ta’bang kar man’ niged e mab ngorad, ya yad be tamdag ngak piyu Israel. Me sak’iy Jesus nga fithik’rad me ga’ar ngorad, “Nge yib e gapas ngomed.”

Luke 24:36

Nap’an ni ka yow be weliy ngorad e pi thin ney, ma yugu ra gin gad ma ke sak’iy Somol nga fithik’rad me ga’ar ngorad, “Nge yib e gapas ngomed.”

John 20:22

I yog e re bugithin ney me pag athon l’ugun nga dakenrad me ga’ar, “Nge yib fare Kan Nthothup ngomed.

John 20:26

Me reb e wik nga tomuren nike mu’ulung pi gachalpen Jesus ngalan e naun bayay ma bay Thomas rorad ni kan man’nag e mab. Me sak’iy Jesus nga fithik’rad me ga’ar ngorad, “Nge yib e gapas ngomed.”

Acts 1:2

nge yan i mada’ ko chirofen nni fek riy nga tharmiy. U m’on ndawor ni fek ngalang me yog e tin nge rin’ e pi’in ke mel’egrad ni ngar manged apostel rok, ni yog ngorad u gelngin fare Kan Nthothup.

3 John 1:14

Ya gu be finey ni nggub ni kane’ ngad nonow nga ta’bang.