John 2:18 - Bible Ni Thothup

¹⁸ Me sul piyu Israel ngak ngar fithed bbugithin ngak ni lungurad, “Mang maang’ang e rayag ni ngam ngongliy ngam dag riy ngomad ni bay mat’wum ni ngam rin’ e ren’ey ni kam rin’?”

John 2:18 Referans Kwoze

John 6:30

Miyad fulweg ngak ni lungurad, “Mang maang’ang e ga ra ngongliy ngug guyed ma ga mich u wun’mad? Mang e ngam rin’?

Acts 5:28

“Kug ted chiylen ngomed ndab kum machib niged fithingan nge murung’agen e re mo’on nem; machane amuguyed aray e n’en ni kam rin’ed! Kam wereged e tin ni gimed be machibnag u gubin yang u Jerusalem, ma gimed ba’adag ni ngan leamnag ni gamad e gu warod u murung’agen ngan li’ ngem’!”

Acts 4:7

Miyad sak’iynag fa gali apostel nga p’eowcherad ngar fithed yow ni lungurad, “U rogon ni mu gol nigew e cha’ney? Be mang e re gelngin ni bay romew, ara fithingan mini’ e mmaruwelgow ngay?”

John 1:25

Miyad fith John ni lungurad, “Fa’anra gathi gur fare Messiah, ara Elijah, ara fare profet, me ere mang ni ga be tawfenag e girdi’?”

Luke 11:29

“Ma nap’an ni mu’ulung e girdi’ ngak Jesus me ga’ar, “Kari kireb e girdi’ ko bin daba’ e rran! Ya yad be yog ni ngan dag reb e maang’ang ngorad ni nge mang pow riy ni n’en ni gu be rin’ e bm’agan’ Got ngay, machane dab ndag ngorad, ya kemus ni fare maang’ang ni rin’ Got ngak Jonah e ir e ngan dag ngorad.

Mark 8:11

Me yib boch e Farise miyad tabab ngak Jesus ko tugthin; ya yad ba’adag ni ngar ninged e kanawo’ ngak ko thin, ma aram miyad wenig ngak Jesus ni nge ngongliy reb e maang’ang ni nge mang pow riy ni n’en ni be rin’ e mm’agan’ Got ngay.

Matthew 21:23

Me sul Jesus nga Tempel; ma nap’an ni be machib, me yib e pi tolang ko prist nge pi’in yad pi’ilal u fithik’ yu Israel ngak miyad fith ni lungurad, “Bu uw mat’wum ni ga be rin’ e pin’ey? Mini’ e ke pi’ mat’wum?”

Exodus 7:9

“Fa’anra ga’ar fare pilung ngomew, ‘Mu ngongliyew ba maang’ang nge micheg nriyul’ e thin ni gimew be yog,’ ma aram e ngamog ngak Aron, ni nge fek e sog rok nge yin’ nga but’ u p’eowchen fare pilung, nge ngal’ ni ba porchoyog.”

1 Kings 13:3

Miki ul ul’ fare profet ngay ngki ga’ar, “Re altar ney e bayi puth, ma pi awat nu daken e bayi wearwear. Ma aram e bay mu nang nike non SOMOL u dakenag.”

John 1:19

Ba’aray e n’en ni yog John ko ngiyal’ ni ba’aram ni l’oeg piyu Israel ni yad bay u lan yu Jerusalem e pi prist nge pi Levite ni ngar fithed John ni nge lungurad, “I gur mini’?”