John 19:40 - Bible Ni Thothup

⁴⁰ Miyow fek downgin Jesus ngar bichibichiyew yungi mad nib wechwech ngay ni bay fapi florida u lan; ya ireray rogon nma fal’eg piyu Israel rogon e yam’ ni ngan chibgiliy.

John 19:40 Referans Kwoze

John 11:44

Me yib fare yam’ nga waen, ni kan ing pa’ nruw raba’ nge ay ko mad ko gum’eyag, ma ka ni bachiy bangi mad nga owchen. Me yog Jesus ngorad ni ga’ar, “Mpithiged e mad u downgin nge yan.”

Acts 5:6

Me yib e pi’in pagel ngar bachiyed e mad ngak, miyad fek ngranod ra k’eyged.

Luke 24:12

Machane me sak’iy Peter ngalang nge mil nge yan ko fare low ko yam’; me ni tare’en ngalan me guy fapi mad ntay ko fare yam’ ma dakuriy ban’en ni guy ngabang. Ma aram me sul nga tafen ni be leamnag ko mang e rin’ me yodorom ni aram rogon.

Matthew 26:12

Ya n’en nike rin’ e ke pu’og e re florida ney nga dakenag ni aram e ke ngongliy rogon e dowef rog ni ngan k’eyag.

Genesis 50:2

Me yog Josef ngak e pi togta ni yad ma maruwel u tan pa’ ni ngar ngongliyed rogon e chitamngin nge par ndabi kireb. Me rin’ fapi togta ni aram rogon,

2 Kronicles 16:14

mi ni k’eyag ngalan fare low ko yam’ ni ir e ker ni fan ngak u lan fare Binaw rok David. Mi ni bangbengnag ko chubgil ni aram e ka ni tay nga fithik’ e gasliw, mi ni k’oreg ba nifiy nib ga’ ngu’un yornag.

Mark 14:8

Re pin ney e ke rin’ ngog urngin e tin nrayag rok; ke pu’og e florida nga dakenag ni aram e ke ngongliy rogon e dowef rog u m’on ko gum’eyag.

John 12:7

Machane me yog Jesus ni ga’ar, “Dab mu kireb niged laniyan’ e re pin n’ey! Mpaged ya ke cha’riy e tin ni bay rok ni fan ko chirofen ni ngan chibgiliyeg riy.