John 19:36 - Bible Ni Thothup

³⁶ Nrin’ ni aram rogon ni fan e nge riyul’ e tin ke yog e babyor nib thothup ni ga’ar, “Dariy ta’reb e yil rok ni yira t’ar.”

John 19:36 Referans Kwoze

Psalms 34:20

I SOMOL e ma dunobiy, ni dariy ta’reb e yil rok nra m’ing.

Numbers 9:12

Dab mu ted boch fapi ggan nge af ko bin migid e kadbul ma dab mu t’ared reb i yilen reb fapi gamanman. Mmadnom niged fare Paluk’af nrogon yalen ni ngan rin’.

Exodus 12:46

Ma thingar ni kay u lan e re naun ni ir e ni fal’eg rogon riy; thingar dab ni fek boch e ufin riy nga wean. Ma dab ni t’ar reb i yil’an fare gamanman.

Psalms 22:14

Ma kem’ay gelngig, ni bod e ran ni map’ nga daken e but’. Urngin e yil ko ul ul u dowag nike thil; ma gumircha’eg e bod ba kendel nike ranran.

John 19:28

Ma kenang Jesus e re ngiyal’nem nike lebguy urngin ban’en; ma fan e nge yib i m’ug nib riyul’ e tin nike yog e babyor nib thothup ma aram me ga’ar, “Ke yib e belel ngog.”

Matthew 1:22

Urngin e pin’ey ni yodoroy ni fan e nge yib i m’ug nib riyul’ e tin ni yog Somol u l’ugun e profet ni ga’ar,

Psalms 35:10

Bayi lungug ngak SOMOL u polo’ i lanin’ug, “Dakuriy be’ ni bod gur. Ga ma yororiy e me’waer u pa’ e yargal, nge ba gafgow u pa’ e en ma gafgownag.”

John 19:24

Me weliy fapi salthaw rorad ni lungurad, “Dab da guchthuyed; ya ngad girngiyed e pow nge duwgil e en ni ir e nge fanay.” Miyad yodorom ni bochan e nge yib i m’ug nib riyul’ e tin ni yog e babyor nib thothup ni ga’ar: “Kar f’othed e mad rog u dakenrad, miyad girngiy e pow ko en nge fanay e mad rog.” Ireray e n’en ni rin’ fapi salthaw.

John 13:18

“Gathi gimed gubin ni gu be weliy murung’agmed; gu manang e pi’in kug mel’egrad. Machane thangri yib i m’ug nib riyul’ e tin ke yog e babyor nib thothup nike ga’ar, ‘Fare mo’on ni i kay e ggan rog e ke cheal ke togopluw ngog.’

2 Kings 15:12

Ma aram me yib i m’ug nib riyul’ fare bugithin ni micheg SOMOL ngak Jehu ni Pilung, ni fa’ani ga’ar: “Pi’in owchem i yib nge mada’ ko bin aningeg e mfen e bay ur manged pilung nu Israel.”