John 18:40 - Bible Ni Thothup

⁴⁰ Miyad fulweg ngak u fithik’ e tolul ni be lungurad, “Danga’, gathi ir! I Barabbas e gamad ba’adag ni ngam pag!” (Mi Barabbas e ba moro’ro’ ntacham.)

John 18:40 Referans Kwoze

Luke 23:25

Me pag fare mo’on ni ba’adag fapi girdi’ ni ngan pag, ni fa’anem nnin’ nga kalbus ni bochan fare wagey nge pogofan ni thang, me pi’ Jesus ngorad ngar rin’ed ngak e n’en ni yad be finey.

Mark 15:15

Me ere tafinaynag Pilate ni nge yan nga laniyan’ fapi girdi’ ni yo’or, me pag Barabbas. Ma aram me yog ni ngan toy Jesus, nge mu’ me pi’ ni ngan richibiy ko kuruth.

Mark 15:7

Mu fithik’ e pi’in kalbus ni pi’in nra thanged e pogofan ko girdi’ u fithik’ e cham ni tay baraba’ e girdi’ ni yad be togopluw ko am e immoy be’ nib mo’on riy, ni Barabbas fithingan.

Matthew 27:26

Me pag Pilate Barabbas; me pi’ Jesus ngan toy nge mu’ me pi’ ni ngan richibiy ko kuruth.

Matthew 27:16

Ma ngiyal’nem e bay reb e kalbus ni be’ ni go’ yima nang murung’agen, ni Jesus Barabbas fithingan.

Matthew 26:55

Me non Jesus ngak fare ulung i girdi’ ni ga’ar ngorad, “Mang ni kambad ni kam feked e saydon nge gul ni ngam koled gag ni gowa gag be’ ni kug th’ab e motochiyel? Gubin e rran ni ug par u Tempel nga but’ ngu’ug machib, ma da mkoled gag.