John 18:37 - Bible Ni Thothup

³⁷ Ma aram me fith Pilate ngak ni ga’ar, “Ere gur be’ ni gab pilung?” Me fulweg Jesus ni ga’ar, “Kamog ni gag be’ ni gub pilung. Ni gargel nigeg ngaray nga fayleng ni bochan e nggu weliy murung’agen e tin riyul’. En ni girdi’en e tin riyul’ e ra rung’ag e thin ni gu be yog.”

John 18:37 Referans Kwoze

John 8:47

En ni yib rok Got e ma motoyil ko thin rok Got. Machane gimed e gathi mbad rok Got, aram fan ndab mmotoyilgad ko thin rok Got.”

1 John 4:6

Machane gadad e bmil fadad ngak Got. En ni manang Got e ma motoyil ngodad; ma en nde mil suwon ngak Got e der ma motoyil ngodad. Ireray kanawo’en me yag nda nanged e n’en nib thil ko Kan ko tin riyul’ nge kan ko tin nib oloboch.

John 8:14

Me fulweg Jesus ni ga’ar, “Danga’, yugu ra gu be welthin ni fan ngog, machane n’en ni gu be yog e ba riyul’, ya gu manang ko uw e gub riy ara gin ni gu be yan ngay. Da mu nanged e gin’en ni gub riy ara gin’en ni bay gu wan ngay.

1 John 3:19

Ireray rogon ma gadad nang ni gadad bmu’un ko tin riyul’. Ireray rogon me pagan’dad u p’eowchen Got.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

Isaiah 55:4

Gu gagiyegnag nge yog e thin me tay murung’agen e pi nam, mu daken e gu dag ngorad riy gelngig.

John 7:17

En nib m’agan’ ngay ni nge rin’ e tin ni ba’adag Got e ra nang ko tin ni gu be machibnag e yib rok Got, ara gu be weliy ni gag e thin rog.

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

1 Timothy 6:13

Gu be ta’chiylen ngom u p’eowchen Got, ni ir e ma pi’ e yafos ngak urngin ban’en, ngu p’eowchen Kristus Jesus, ni fa’ani ir e weliy fare welthin ni bfel’ u p’eowchen Pontius Pilate ni be lungug:

Luke 23:3

Me fith Pilate ngak ni ga’ar, “I gur fare pilung rok piyu Israel?” Me fulweg Jesus ni ga’ar, “Kamog!”

Mark 15:2

Me fith Pilate Jesus ni ga’ar, “Mog, i gur fare pilung rok piyu Israel fa danga’?” Me fulweg Jesus ngak ni ga’ar, “Er rogon ni kamog.”

1 John 5:20

Gadad manang ni en ni Fak Got e ke yib ma ke tamilangnag an’dad ni ngad nanged fa bin riyul’ e Got. Gadad bay u fithik’ e bin riyul’ e Got — u fithik’ Fak ni Jesus Kristus. Ir e bin riyul’ e Got, ma ir e yafos ndariy n’umngin nap’an.

John 3:32

Be weliy murung’agen e tin ke guy nge tin ke rung’ag, machane dariy be’ ni be riyul’ u wan’ e thin ni kan pi’ ngak ni nge yib i yog.

Matthew 26:64

Me fulweg Jesus ngak ni ga’ar, “Bod rogon ni kamog. Machane nggog ngomed ni gimed gubin ni nge lungug: chiney i yan ngam’on e bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok, ni be yib u lang nga but’ ni bay u daken e manileng!”

Matthew 27:11

Me sak’iy Jesus u p’eowchen fare am, me fith fare am Jesus ni ga’ar, “Mog, i gur fare pilung rok piyu Israel fa danga’?” Me fulweg Jesus ni ga’ar, “Errogon ni kamog.”

Revelation 3:14

“Mu yol ngak fare engel ko galesiya nu Laodicea ni nge lungum: “Ba’aray e thin nike pi’ fa’anem ni ir fare Amen, ni ir e mich nib yul’yul’ ma ba riyul’ ko tin ni be weliy ni murung’agen Got, ni ir e tabolngin urngin ban’en ni sunumeg Got.

Revelation 1:4

Re babyor ney e yib rok John ni nge yan ngak fa medlip i galesiya ni bay ko nug nu Asia: I Got ni ir e bay e chiney, me ir e immoy, me ir e bay yib, nge fa medlip i kan ni bay u m’on ko gin ntagil’ Got e ngu’ur ayuweged gimed ma yad be pi’ e gapas nga lanin’med,

1 John 3:14

Gadad manang ni kad chuwgad ko yam’ kadbad ko ba’ ni bay e yafos riy; kadnanged ni bochan e ke t’uf rodad pi walagdad ni girdi’en Kristus. En ndariy e t’ufeg rok e kab yam’.

Luke 22:70

Ma yad gubin ni lungurad ngak, “Ere Fak Got gur?” Me fulweg ngorad ni ga’ar, “Kamogned ni gag.”

Mark 14:62

Me fulweg Jesus ni ga’ar, “I gag; ma gimed gubin ni bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok ni be yib u lanelang i yib nga but’ ni yow e manileng!”

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

John 8:45

Gu be weliy e tin riyul’, aram fan nde riyul’ u wun’med e tin ni gu be yog.

John 8:46

Mini’ e aromed nrayag ni nge micheg nib kireb e rog ni bochan reb e denen ni gomanga kug rin’? Fa’anra kug weliy e tin riyul’, me ere mangfan nder riyul’ u wun’med e tin kug weliy ngomed?

1 John 2:21

Gu be yol ngomed ni gathi bochan e da mu nanged e n’en nib riyul’, machane bochan e gimed manang, ma kigimed manang ndariy bbugithin nde riyul’ ni ka’a yib rok e n’en nib riyul’.