John 18:20 - Bible Ni Thothup

²⁰ Me fulweg Jesus ni ga’ar, “Urngin ngiyal’ ni gu ma machib ngak urngin e girdi’ u fithik’ e girdi’ ni yo’or; ma urngin e machib ni gu ma tay e gu ma tay u lan tafen e mu’ulung i yan ngu lan e Tempel ko gin nma mu’ulung urngin e girdi’ nu Israel ngay. Dawor gu weliy, ban’en nib mith.

John 18:20 Referans Kwoze

John 7:26

Mu changargad! Ya be welthin u fithik’ e girdi’ ni yo’or, ma dariy be’ ni be yog ban’en nib togopluw ngak! Gur kari nang e pi’in yad ma yog e thin rodad nri ir fare Messiah?

Matthew 4:23

Me yan Jesus nga gubin yang u Galile, ni be machibnag u lan tafen e mu’ulung rorad e Thin Ni Bfel’ ni murung’agen e gagiyeg rok Got, ma be golnag e girdi’ u urngin mit e liliy nge m’ar.

Isaiah 48:16

“Mu chugurgad ngog ngam rung’aged e n’en ni gu be yog. Aram ko tobolngin e ug non nib tamilang ma gubin ngiyal’ ni ug gagiyegnag nge yib i m’ug e thin rog nib rriyul’.” (I SOMOL Ni Th’abi Tolang e ke pi’ gelngin ngog e chiney ma ke l’oegneg.)

Luke 21:37

I par Jesus ko pi rran nem ni be machib u lan e Tempel, ma bayi aw e lumor me yan nga wuru’ e binaw nge yan i par nga daken e burey nu Olive.

John 7:4

Dariy be’ nma mithag e n’en ni be rin’ ni fa’anra ba’adag ni nge gilbuguwan. I gur e ga be ngongliy e pin’ey, ere mu guy rogon nge nang e girdi’ nu fayleng ni polo’ murung’agem!” (

Luke 4:15

Me machib u lan e pi tafen e mu’ulung rorad i yan, ma urngin e girdi’ ni yog e sorok ngak.

Matthew 26:55

Me non Jesus ngak fare ulung i girdi’ ni ga’ar ngorad, “Mang ni kambad ni kam feked e saydon nge gul ni ngam koled gag ni gowa gag be’ ni kug th’ab e motochiyel? Gubin e rran ni ug par u Tempel nga but’ ngu’ug machib, ma da mkoled gag.

Matthew 9:35

Ma aram me yan Jesus ko pi binaw i yan, ni binaw ni pire’ e girdi’ riy nge binaw nib lich e girdi’ riy, ni i machib nagrad u lan tafen e mu’ulung rorad, ni be machibnag e Thin Ni Bfel’ ni murung’agen e gagiyeg rok Got, me golnag e girdi’ u urngin mit e liliy nge m’ar.

Isaiah 45:19

Dagur mith’ag e thin rog, ara tin gu be rin’. Da gu leamnag ni nge gayeg yu Israel u bang nib wagagey urngin ban’en riy. I Gag e SOMOL, ma tin riyul’ e gu be yog; tin nib mat’aw e gu ma gagiyegnag ngan nang.”

John 8:26

Bo’or ban’en nrayag ni gog u murung’agmed mu gu turguy e gechig romed. Machane en nike l’oegeg ku gub e ba riyul’, ma kemus ni tin kug rung’ag rok e gu be weliy ngak e girdi’ nu fayleng.”

John 8:2

Ri kakadbul u reb e rran riy me sul nga Tempel. Me mu’ulung fapi girdi’ ni aram urngirad nga to’oben, me par nga but’ nge tabab i machib nagrad.

John 7:28

Ma nap’an ni be machib Jesus u lan e Tempel me yog ni ba ga’ laman ni ga’ar, “Kam nanged ko gag mini’ nge gin ni gub riy? Ya gathi gub ni gag e leam rog. Ya en nike l’oegeg ku gub e ba riyul’. Gimed e da mu nanged ir,

John 7:14

Ke chugur ni nge taw nga lukngun fare madnom me yan Jesus ngalan e Tempel me tabab ko machib.

Matthew 26:65

Ma fa’ani rung’ag fare Prist ni Th’abi Ga’ e ren’ey me guchthuy e mad rok me ga’ar, “Ke darifannag Got! Dakuriy fan ni ngki yib boch e girdi’ ngar pi’ed e mich rorad! Ya ka fin mu rung’aged faram e thin nike yog nib kireb!

Acts 26:26

Agrippa ni Pilung! Rayag ni gu welthin ngom ndab gu tamdag, ni fan e ga manang murung’agen e pin’ey. Bmuduwgil u wun’ug ni go’ ga manang fan e pin’ey nreb nge reb, ya pin’ey e gathi bogi n’en ni yib i m’ug mi ni mithag.

Matthew 24:26

“Ara fa’anra ga’ar e girdi’ ngomed, ‘Mu sapgad, fare Messiah e bay u daken e ted!’ — ma dab mmarod ngaram; ara ra ga’argad, ‘Mu sapgad, be mith u roy!’ — ma dab mpagan’med ngay.

Psalms 40:9

SOMOL, kugog fare bugithin ni bfel’ ni murung’agem ni gur e mmat’aw nagmad ngom, ni kug weliy u lan e mu’ulung rok urngin e tirom e girdi’. Ga manang ndab gu tal i weliy.

Psalms 22:22

Bay gu weliy ngak e tirog e girdi’ e n’en kam rin’; bay gu pining e sorok ngom u lan e mu’ulung rorad:

Mark 8:32

Me yog e re bugithin ney ngorad nrib tamilang. Me fek Peter Jesus nga orel rorad me tabab ngak ko puwan’.

John 6:59

Jesus e yog e re bugithin ney ko ngiyal’ ni be machib riy u lan tafen e mu’ulung u Kapernaum.

John 18:21

Ere mang ni ga be fitheg? Mu fith e girdi’ ni ur rung’aged e thin ni ug weliy. Mu fithrad ko n’en ni kug weliy ngorad — ya yad manang e n’en ni u gog.”