John 17:21 - Bible Ni Thothup

²¹ Chitamag! Gu be wenignag ngom ni ngam ayuwegrad ngar pired ni yad gubin ni kar ta’rebgad. Mu ayuwegrad ngar pired u fithik’dow ni bod rogon ni ga bay u fithik’ag ma gu bay u fithik’am. Mu ayuwegrad ngar ta’rebgad, nge yag ni mich u wan’ e girdi’ nu fayleng ni gur e kam l’oegeg ku gub.

John 17:21 Referans Kwoze

1 Korinth 12:12

Yi Kristus e bod ta’ab dowef ni bo’or yu yang riy ni bay; ka ta’ab dowef, ni yugu aram rogon nib thilthil rogon urngin yang riy.

John 17:11

Ere chiney e bay gub ngom; ni aram e kug chuw u fayleng, machane yad e ka yad bay u fayleng. Chitamag ni gab thothup! Mu yororiyrad nga gelngin fithingam, ni fare ngachal ni kam tunguy ngog, nge yag nra pired ni kar ta’rebgad ni bod rogon gur nge gag ni gadow ba ta’reb.

Filippi 1:27

Ere n’en nth’abi ga’ fan ni ngam rin’ed e nge par pangimed ni bod rogon ni be yog e thin rok Kristus, ya demturug ko ke yag fa de yag ni gub gguymed, machane mu gu rung’ag ni kam pired ni gimed bmuduwgil nta’a ban’en e gimed be nameg, ma gimed be athamgiliy u ta’ab yang ni ta’a ban’en e gimed be athpeg ni aram e nge mich u wan’ e girdi’ fare Thin Ni Bfel’.

John 13:35

Fa’anra um pired nib t’uf bigimed rok bigimed, ma aram e urngin e girdi’ ni yad ra nang ni gimed pi gachalpeg.”

Acts 4:32

Me yan i par ni pi’in ke mich Jesus u wun’rad e ke ta’reban’rad. Ma dariy bagayad ni be yog ni tin bay rok ban’en e go ir e fen, machane urngin ban’en ni bay rorad e ur ayuweged yad ngay ni yad gubin.

Zekariah 14:9

Ma aram e bayi mang SOMOL e pilung u fayleng ni ga’ngin; gubin e girdi’ e bay ra liyor gad ngak ni ir Got miyad nang ni ku ireram fithingan.

John 17:8

Ya kug weliy ngorad e thin ni mog ngog ni nggog ngorad kar folgad riy, ma kar nanged nriyul’ ni gub rom, ma ke mich u wun’rad ni gur e ka mol’oegeg ku gub.

John 10:38

Ma fa’anra gu be rin’, ma yugu ra dagur mich u wun’med, ma susun e nge mich u wun’med e ngongol ni gu be rin’, nge yag nri mu nanged ni en ni Chitamangiy e bay u fithik’ag, mi gag e gu bay u fithik’ e en ni Chitamangiy.”

John 10:30

Chitamag nge gag e gamow ba ta’reb.”

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

1 Korinth 1:10

Gu be wenig ngomed, pi walageg, ni Jesus Kristus ni ir e Somol rodad e ke pi’ mat’wug ni be lungug: nge ta’reban’med ni gimed gubin ko tin gimed be weliy, ma aram e dabiyag ni ngam yo’or raba’gad; mi gimed par ni gimed ba ta’reb ma ta’ab pa’ lanin’med ma ta’a ban’en e gimed be nameg.

Roma 12:5

Me ere ku errogon ni yig gadad pire’, machane ta’reb dowdad ni kan puthuy ngak Kristus, ma yigo’o kad chagilgad ngodad, ni gadad yu yang i downgin ta’ab dowef.

Jeremiah 32:39

Bay gu ta’rebnag lanin’rad nge ta’reb rogon ni ngu’ur liyor gad ngog ni gubin ngiyal’, ni fan ngorad nge fan ngak e pi’in ni owcharad.

1 John 5:7

Dalip ban’en ni be micheg e re bugithin ney,

Acts 2:46

Gubin e rran ni ur mu’ulunggad ngalan e Tempel, ma yad be abich u ta’bang u tabinaw rorad i yan, ni yad be kay e ggan ni bay rorad u fithik’ e felfelan’ ngu fithik’ e sobut’an’,

John 17:25

Chitamag ni gab mat’aw! Girdi’ nu fayleng e dawor ra nanged gur, machane gag e gu manangem, ma tiney e girdi’ e kar nanged ni gur e kam l’oegeg ku gub.

John 10:16

Bay yugu boch e saf ni saf rog, machane dar moyed u fithik’ e tiney e saf. Ere thingar kug fekrad i yib; ya bay ra matealgad nga lungug, miyad peth ko tiney ngar pired nta’ab ran’ i saf ma ta’abe’ e be gafaliyrad.

Zefaniah 3:9

“Ma aram e bay gu pingeg girdi’en e pi nam, ni kemus ni go’ gag e bay ur meybilgad ngog ma dakriy yug reb e got ngabang ni yad ra meybil ngay. Yad gubin ni bay urfol gad rog.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.

John 3:17

Ya Got e de pi’ Fak nge yib ngaray nga fayleng ni nge turguy e gechig ko girdi’, machane ir e nge thapeg e girdi’ ngak Got.

John 17:18

Ku gol’oegrad ni ngranod nga fithik’ e girdi’ nu fayleng ni bod rogon ni kam l’oegeg ku gub nga fithik’ e girdi’ nu fayleng.

John 11:42

Gu manang ni gubin ngiyal’ ni ga ma rung’ag lungug, machane kugog e re bugithin ney ni bochan e pi girdi’ ney ni yad bay u roy, ni fan e nge mich u wun’rad ni gur e ka mol’oegeg ku gub.”

John 17:20

“Gathi kemus ni yad e gu be yibilayrad ngom, ya ku errogon e pi’in kug mich u wun’rad ni bochan e thin rom ni kar weliyed ngorad.

1 Korinth 6:17

Machane cha’ ni yow ra ta’ab girdi’ Somol e kar pirew Somol nike ta’reb lanin’row.

1 John 1:3

Ma tin kug guyed ma kug rung’aged e gamad be yog ngomed, ni fan e ngam uned ngomad ngad ta’ab girdi’gad e en ni Chitamangiy nge en ni Fak ni Jesus Kristus.

Mark 3:24

Fa’anra ruw raba’nag reb e nam ir ngar chamgow ngorow, ma bmuduwgil ni nge kireb fare nam.

John 13:32

Ma fa’anra ke yib i m’ug ni yibe tayfan Got u daken e en ni Fak, me ere Got e bayi tayfan e en ni Fak e Girdi’, ma bayi rin’ e chiney.