Biblia Todo Logo
Bib sou entènèt

- Piblisite -




John 16:5 - Bible Ni Thothup

5 Machane chiney e nggu wan ngak e en nike l’oegeg ku gub; machane dariy bigimed nike fitheg ni ga’ar, U uw e ngam man ngay?

Gade chapit la Kopi




John 16:5
15 Referans Kwoze  

Me fith Simon Peter Jesus ni ga’ar ngak, “Somol, u uw e ngam man ngay?” Me fulweg Jesus ngak ni ga’ar, “Dabiyag ni ngam un ngog e chiney ko gin ni nggu wan ngay; machane bayi reb e rran ma ga lekeg.”


Me ga’ar Jesus, “Dabki n’uw nap’an ni gu ra par romed, ma aram e bay gu wan ngak e en nike l’oegeg ku gub.


Ku gub rok e en ni Chitamangiy ngaray nga fayleng; me ere chiney e bay gu chuw u roy u fayleng nggu sul ngak e en ni Chitamangiy.”


Kug gilnag buguwam u fayleng; ma kug mu’nag e maruwel ni mpi’ ngog ni nggu rin’.


ngu murung’agen e tin nib mat’aw, ni bochan e bay gu wan ngak e en ni Chitamangiy ma aram e dab kum guyed gag;


Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.


Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.


Ma manang Jesus ni en ni Chitamangiy e ke pag fan urngin ban’en ngak; ma manang ni yib rok Got ma bay sul ngak Got.


“Dabki n’uw nap’an ma aram e dab kum guyed gag; ma bayi n’uw nap’an boch mikigimed guyeg.”


Kam rung’aged ni kugog ngomed ni bay gu wan romed, machane bay kug sul ngomed. Fa’anra gub t’uf romed, ma gimed ra felfelan’ ngay ni bay gu wan ngak e en ni Chitamangiy, ya ir e ka ba ga’ ngog.


Ra di’in an’med ni fa’an gimed ra guy e en ni Fak e Girdi’ nike sul ngalang ko gin ni immoy riy?


Ere chiney e bay gub ngom, ma kugog e pi thin ney u roy u fayleng ni fan e nge yag e felfelan’ rog ngorad nge yan i mus ngarogon.


Me ga’ar boch i gachalpen ngak boch i yad, “Mangfan e re bugithin nem nike yog ngodad ni dabki n’uw nap’an ma dab kuda guyed, ma bayi n’uw nap’an boch makagad guy. Ma mangfan nike ga’ar, ‘Ren’ey e bochan e nggu wan ngak e Chitamag.’ ”


Swiv nou:

Piblisite


Piblisite