John 16:33 - Bible Ni Thothup

³³ Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

John 16:33 Referans Kwoze

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

1 John 5:4

ya ra reb i fak Got mrayag rok ni nge gel ko tin nde m’agan’ Got ngay u fayleng. Ba’aray rogon ma gadad gel ko pin’en nde m’agan’ Got ngay u fayleng: fa’anra pagan’dad ngak Kristus.

2 Thessalonika 3:16

I Somol ni ir e ma pi’ e gapas nga lanin’dad e nge pi’ e gapas nga lanin’med ni gubin ngiyal’ u fithik’ urngin ban’en. Ngi i un Somol ngomed ni gimed gubin.

1 John 4:4

Machane gimed, pifakag, e bmil famed ngak Got, ma kam gelgad ko fapi profet ni go’ bogi ban’en; ya fare Kan Nthothup ni bay u fithik’med e kab gel ngak fare kan ni bay u fithik’ e pi’in nib mil farad ngaray nga fayleng.

Filippi 4:7

Ma gapas rok Got ni dabi chuchugur ni nge nang e girdi’ fan e ra yororiy gum’ircha’med nge tafinay romed ngi i par rok Kristus Jesus.

1 Peter 5:9

Ere um pired nib muduwgil e michan’ romed ngak Kristus mi gimed togopluw ngak fare mo’onyan’, ya gimed manang ni pi’in yad be par u roy u fayleng ni polo’ ni Kristus e ke michan’rad ngak e gafgow ni be yib ngomed e ku ir e be yib ngorad.

John 14:1

Me ga’ar Jesus ngorad, “Dabi magafan’med ma dabi wagagey lanin’med. Nge mich Got u wun’med, mu kug mich u wun’med.

2 Timothy 3:12

Urngin e girdi’ ni yad ba’adag ni ngar pired u reb e pangin nib m’agan’ Got ngay ma kar ta’ab girdi’gad Kristus Jesus e bay ni gafgow nagrad;

Acts 14:22

Miyow ayuweg e pi’in ke mich Jesus u wun’rad ngar pi’ew e athamgil nga lanin’rad ni ngu’ur pired ni yad ba yul’yul’ ko en ni ir e ke mich u wun’rad. Miyow fil ngorad ni lungurow, “Thingar darod u fithik’ bo’or e gafgow ma gadad yan ko gin nsuwon Got.”

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

Hebrews 11:25

Ya ka ba’adag ni nge un ngak girdi’en Got ko gafgow ko bin ni nge felfelan’ nib ngoch nap’an ni be ngongliy e denen.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

1 Thessalonika 3:7

Pi walagmad ni girdi’en Kristus, yugu ireray gelngin e togopluw nge gafgow ni yibe tay ngomad, machane ke yib e athamgil nga lanin’mad ni bochan murung’agmed, ni rogon nike mich Kristus u wun’med e ir e ke pi’ e athamgil nga lanin’mad,

Revelation 12:11

Ke gel pi walagdad ngak u daken racha’en fare Fak e Saf, ngu daken e thin nib riyul’ ni ur wereged; ma bm’agan’rad ngay ni ngar paged fan e pogofan rorad ngarm’ad.

Kolose 1:20

I Got e turguy ni nge sulweg urngin ban’en ngak u daken Fak. Mi Got e ngongliy e gapas u thilin e girdi’ nge ir u daken racha’en Fak ni map’ u kuruth, ma aram me yag ni nge sulweg urngin ban’en ngak, ntin ni bay u fayleng nge tin bay u tharmiy.

2 Korinth 1:3

Ngad pininged e magaer ngak Got ni Chitamngin e Somol rodad i Jesus Kristus, me ir e Chitamangiy nrib tarunguy e girdi’, ni ir fa’anem i Got ni urngin mit e ayuw me ir e be yib rok ngodad!

2 Korinth 13:11

Pi walageg ni girdi’en Kristus, kefel’! Mu athamgiliyed ngam yal’uwgad; mu telmed ko tin kugog; ma nge ta’reban’med, mu um pired u fithik’ e gapas. Mi Got ni gadad ba t’uf rok me ir e ma pi’ e gapas e bay i un ngomed.

1 Thessalonika 3:4

Ya nap’an ni ug moyed romed, ni dawori taw ngay ma gogned ngomed u m’on riy ni bayi gafgow nagdad e girdi’; ma gimed ma kam nanged nri ireray e n’en ni kan rin’ ngodad.

Galatia 6:14

Machane gag e kemus ni kuruth rok e Somol rodad i Jesus Kristus e bay ug weliy murung’agen ma gu be uf ngay; ya kuruth rok e ke muruwliy ke par e fayleng nike yim’ rog, ma ku gum’ rok e fayleng.

2 Korinth 7:4

Kari pagan’ug ngomed, ma ke felan’ug ngomed! Ku gu be par nib athamgil lanin’ug, ma gub sug ko felfelan’ u fithik’ urngin e gafgow ni gamad be mada’nag.

Acts 27:25

Ere mu athamgilgad! Ya ba pagan’ug ngak Got ni bay yan i aw ni bod rogon ni kanog ngog.

Mikah 5:5

ma bayi fek e gapas i yib. Ra yib piyu Assyria ra m’aged e mael ko nam rodad miyad kuruf e yoror ni kad ted ni fan ko mael, ma gadad pi’ e pi’in nth’abi gel ni yad be yog e thin rodad ngar chamgad ngorad.

Psalms 68:18

Me yan ngalang ko gin nth’abi tolang, nike fek e pi’in ni kolrad me pi’ e pi tatogopluw e tow’ath ngak, I SOMOL ni Got e ra par u rom.

Galatia 1:4

Kristus e pi’ ir ni fan ko denen rodad ni nge pithigdad ko re ngiyal’ i n’ey ntin nib kireb e be gagiyegnag e girdi’, ni bod rogon ni ba’adag e Got rodad ni ir e Chitamangidad ni nge rin’ Kristus.

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.

John 12:31

Chiney e aram e kan turguy e gechig ko fayleng; chiney e bay nluf pa’ e en ni ir e be gagiyegnag e girdi’ nu fayleng.

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

Acts 27:22

Machane chiney e gu be wenig ngomed ni ngam athamgilgad! Ya dariy ta’a bigimed nra yim’; kemus nre barkow ney e ir e bayi kireb.

Luke 19:38

“I Got e nge ayuweg e en ni pilung ni ir e ke yib ni owchen Somol! Gapas e bay u tharmiy, mi Got e ke sorok!”

Acts 23:11

Me reb e neap’ riy me sak’iy Somol nga to’oben Paul me ga’ar, “Dab mu rus! Kam weliy murung’ageg u roy u Jerusalem, ma thingar kum rin’ u Roma ni aray rogon.”

Hebrews 7:2

Urngin ban’en ni bay rok Abraham e ragag guruy me pi’ ta’ab guruy riy ngak Melkizedek. (Bin som’on i fan fithingan Melkizedek e “Pilungen e Tin nib Mat’aw.” Ma bochan e ir e pilung nu Salem, ma aram e ku reb i fan fithingan e “Pilungen e Gapas.”)

John 16:11

nge rogon nma turguy Got e gechig, ya en ni be gagiyegnag e girdi’ u roy u fayleng e ke mu’ Got i duwgiliy e gechig rok.

Matthew 9:2

Me fek boch e girdi’ be’ nike mugutgut i yib ngak, ni kan moleg nga daken e wormel. Me guy Jesus gelngin e michan’ rorad ngak Got, me ga’ar ngak fa’anem nib mugutgut, “Fakag, mpagan’um! Ke m’ayfan e denen rom.”

2 Korinth 2:14

Machane ke magaer Got! Ya ta’ab girdi’ ni kad ted Kristus e gubin ngiyal’ ni be fekdad Got i yan ni gadad e kalbus ni yibe dag i yan ni bochan e gel nike tay Kristus. Got e be maruwel ngodad ni ngad muruwliyed nge nang urngin e girdi’ Kristus ni bod rogon ban’en ni bfel’ bon ni be wear u gubin yang i yan.

2 Korinth 4:7

Machane gamad e pi’in bay romad e ren’ey ni bfel’ ni pi’ fare Kan Nthothup e gamad bod e rume’ ni but’, ni nge m’ug ni re gelngin nem ni ir e ba th’abi gel e yib rok Got, ma gathi gamad e yib romad.

2 Korinth 6:4

Machane urngin ban’en ni gamad be rin’ e gamad be dag riy ni gamad bogi tapigpig rok Got, ni fan e gamad be k’adan’mad ko gafgow ni yibe tay ngomad, nge gafgow u ban’en, nge mo’maw’ ni gamad be pir’eg, urngin ni gamad be athamgiliy u fithik’ e gumaen’ ni ba ga’.

1 John 2:13

Gu be yol ngomed, pi chitamangiy, ya gimed manang fa’anem ni immoy ko tabolngin. Ma gu be yol ngomed e pi’in ni pagel, ya kam gelgad ngak Fa’anem nib Kireb.

Judges 3:2

i rin’ ni arrogon ni fan e nge fil ngak e pi mfen nu Israel rogon e mael, ni rib ga’ ni fan ngak e pi’in ndawor ru’uned ko mael bingyal’.