John 15:27 - Bible Ni Thothup

²⁷ Ma ku errogon gimed ni bay mu weliyed murung’ageg, ya kab kom’on ni um uned ngog ke mada’ ko chiney.

John 15:27 Referans Kwoze

1 John 4:14

Ma kad guyed ma ka dogned ngak yugu boch e girdi’ ni en ni Chitamangiy e l’oeg Fak nge yib ni ir e en ni nge thapeg e girdi’ nu fayleng ngak Got.

John 21:24

Cha’nem e ir e cha’ ni gachalpen Jesus ni weliy murung’agen e pin’ey, ni en ni ku ir e ke yoloy e pi thin ney; ma gamad manang ni tin ke weliy e riyul’.

Luke 24:48

Ma gimed e mich ko pin’ey.

Acts 23:11

Me reb e neap’ riy me sak’iy Somol nga to’oben Paul me ga’ar, “Dab mu rus! Kam weliy murung’ageg u roy u Jerusalem, ma thingar kum rin’ u Roma ni aray rogon.”

1 Peter 5:12

Kug yoloy e re gi babyor ney nib ngoch ngomed ni Silvanus e ke ayuwegneg riy, ni kug tay ni ir reb i walagdad nrib yul’yul’. Gub adag ni nggu pi’ e athamgil nga lanin’med, mu gu weliy ngomed kanawo’en nma ayuwegdad Got. Ere mpired u fithik’ e re ayuw ney ni gimed bmuduwgil.

1 Peter 5:1

Gu be wenig ngak e pi’in yad ba ilal u fithik’ girdi’en e galesiya romed, ni gag bagayad; ni gag e ug guy nga owcheg e gafgow ni i tay Kristus, ma gu ra un ko re fla’ab ni ba’aram ni bay ni dag. Ere gu be wenig ngomed ni be lungug:

Acts 4:20

Ya dabiyag ni nge dab kug weliyew e n’en ni kug guyew nge n’en ni kug rung’agew.”

Acts 1:8

Machane bay yib gelngimed ko ngiyal’ ni bay yib fare Kan Nthothup riy nga dakenmed, ma aram mi gimed weliy murung’ageg u lan yu Jerusalem, ngu lan yu Judea ni polo’, ngu lan yu Samaria, nge yan i mada’ ko yungi n’en ni yan i mus e fayleng ngay.”

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.

Revelation 1:2

Ere John e ke weliy urngin e tin ni guy ban’en. Ba’aray e tin keyog ni murung’agen e re thin ni ba’aram ni pi’ Got ngeb ngak nge n’en nib riyul’ ni dag Jesus Kristus ngak.

Acts 18:5

Ma fa’ani sul Silas nge Timothy u Macedonia, me pag Paul urngin ban’en me par ni yigo’o thin rok Got e be machibnag ko girdi’, ma be weliy ngak piyu Israel ni Jesus e ir fare Messiah.

Acts 13:31

ma bo’or e rran ni i m’ug ngak e pi’in nra uned ngak ko milekag u Galile nga Jerusalem. Yad e chiney e yad be weliy murung’agen Jesus ngak e girdi’ nu Israel.

Acts 4:33

Me ri yib gelngin e pi apostel ngar weliyed murung’agen e fos ko yam’ ni tay Somol Jesus, me ri ayuwegrad Got ni yad gubin.

John 19:35

En ni guy e ren’ey nrin’ e ir e ke weliy murung’agen. Ma kan nang ni tin ke weliy e ba riyul’, ma ku ir ma manang ni be weliy e tin riyul’, ni fan e ngki yag ni mich u wun’med e tin ke weliy.)

Acts 3:15

Ere kam thanged e pogofan rok e cha’ ni ir e tabolngin e yafos. Machane Got e ke faseg ko yam’ — ni gamad e mich ko re bugithin ney.

Mark 1:1

Ireray fare Thin Ni Bfel’ ni murung’agen Jesus Kristus, ni Fak Got;