John 14:27 - Bible Ni Thothup

²⁷ “Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

John 14:27 Referans Kwoze

Filippi 4:7

Ma gapas rok Got ni dabi chuchugur ni nge nang e girdi’ fan e ra yororiy gum’ircha’med nge tafinay romed ngi i par rok Kristus Jesus.

John 16:33

Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

2 Thessalonika 3:16

I Somol ni ir e ma pi’ e gapas nga lanin’dad e nge pi’ e gapas nga lanin’med ni gubin ngiyal’ u fithik’ urngin ban’en. Ngi i un Somol ngomed ni gimed gubin.

Kolose 3:15

Ma gapas nma pi’ Kristus nga lanin’dad e nge mang ir e ngi i gagiyegnag lanin’med; ya re gapas ney e ir e ke piningmed Got ngay ko fare dowef nri ta’reb. Ere um pininged e magaer ngak Got u lanin’med.

2 Timothy 1:7

Ya Kan Nthothup nike pi’ Got ngodad e dar ma ngongliydad ni ngad rusgad; machane Kan Nthothup rok e ma pi’ gelngidad, mma fal’egdad nge t’uf Got rodad nge girdi’, mma pi’ gelngidad nge yag nda t’ared lanin’dad.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Numbers 6:26

I SOMOL e ngi i falan’ ngomed ma be pi’ e gapas nga laniyan’med.

Roma 8:6

Ra par lanin’med ni tin ni ba’adag e dowef romed e ir e be gagiyegnag, ma wenegan nra yib e yam’; mra par lanin’med ni tin ba’adag e Kan ni Thothup e ir e be gagiyegnag, mra yib wenegan ni yafos nge gapas.

Jeremiah 1:8

Dab mu tamdag ngorad, ya bay ug un ngom ngu’ug yoror rom. I Gag SOMOL e kugog e pi thin ney!”

Galatia 1:3

I Got ni Chitamangidad nge Somol rodad i Jesus Kristus e ngu’ur ayuwegew gimed ma yow be pi’ e gapas nga lanin’med.

Galatia 5:22

Machane fare Kan Nthothup e ma sunumeg u lanin’dad e t’ufeg, nge felfelan’, nge gapas laniyan’, nge gumaen’, nge gol, nge fel’ ngak e girdi’, nge yul’yul’,

Psalms 29:11

I SOMOL e ma pi’ gelngin e girdi’ rok mma fal’eg wa’athrad ko gapas.

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

John 14:1

Me ga’ar Jesus ngorad, “Dabi magafan’med ma dabi wagagey lanin’med. Nge mich Got u wun’med, mu kug mich u wun’med.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Psalms 112:7

Der marus nra rung’ag e tin ke buch ban’en; ba gel e michan’ rok, mma pagan’ ngak SOMOL.

Roma 5:10

Ud moyed ni gadad e to’ogor rok Got, machane ngongliydad Got kadmanged pi tafager rok u daken e yam’ nike tay Fak. Kad manged pi tafager rok Got e chiney, ere ri bay ud thapgad ngak Got u daken e fos ko yam’ nike tay Jesus!

John 20:21

Me ga’ar Jesus ngorad bayay, “Nge yib e gapas ngomed. Rogon nike l’oegeg e en ni Chitamangiy e aram rogon ni nggu l’oegmed.”

Psalms 56:11

Dab gu rus ya ir e ba pagan’ug ngak. Mang e rayag ni nge rin’ ba girdi’ ngog?

Psalms 91:5

Ma dabiyag ni ngam tamdag nnep’ nga ban’en ni gomanga ra yib i maad’ad ngom, ara mu ga da’da’ ko cham nike yib ngom ni rran,

Kolose 1:20

I Got e turguy ni nge sulweg urngin ban’en ngak u daken Fak. Mi Got e ngongliy e gapas u thilin e girdi’ nge ir u daken racha’en Fak ni map’ u kuruth, ma aram me yag ni nge sulweg urngin ban’en ngak, ntin ni bay u fayleng nge tin bay u tharmiy.

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

1 Korinth 1:3

I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

Psalms 56:3

A SOMOL ni Gubin ma Rayag Rok, nap’an nra yib e marus ngog, me gur e pagan’ rog.

John 20:19

Ke n’uw nap’an nike aw e lumor ko re rran nem ni madnom nike mu’ulung pi gachalpen Jesus nga ta’bang kar man’ niged e mab ngorad, ya yad be tamdag ngak piyu Israel. Me sak’iy Jesus nga fithik’rad me ga’ar ngorad, “Nge yib e gapas ngomed.”

2 Thessalonika 1:2

I Got ni Chitamangiy nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

Luke 1:79

ni bayi gal ram’en u tharmiy nga daken urngin e pi’in yad be par ko tagalul’ nib lumor ni lumoren e yam’, me pow’iy rifrifen aydad iyan nga daken wo’en e gapas.”

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

Acts 18:9

Me reb e neap’ mi ni piliyeg e changar rok Paul me ga’ar Somol ngak, “Dab mu tamdag, ma dab mu tal ko machib ma dab mu pag,

Matthew 10:26

“Ere dab mu tamdaggad ngak e girdi’. Ya demturug e n’en ni kan upunguy, ma yira chuweg e upong u daken, ma urngin e tin ni kan mithag ni nge dab nnang e bay nnang.

Isaiah 55:12

“Bay mu chuwgad u Babylon u fithik’ e felfelan’; bay ni pow’iymed nga wuru’, e re binaw nem u fithik’ e gapas. Pi burey nge yochi burey e bay ra tanggad, ma pi gek’iy e bay ra tolul niged e felfelan’!

Psalms 27:1

I SOMOL e tamilang rog me ir e bay rog ni be ayuwegneg i yan; dab gu rus ngak be’. SOMOL e be yororiyeg ko riya’; ere dab gu tamdag.

Revelation 2:10

Dab mu rus ko n’en ni bay mu gafgow riy. Mmotoyil ngog! I mo’onyan’ e bayi sikengnagmed ya bayi gagiyegnag nga nin’ boch i gimed nga kalbus; ma gafgow ni nge yib ngomed e bayi par ni ragag e rran. Ere ngam yul’yul’ ngog ni mus ni fa’anra ngan thang e fan rom, ma aram mu gu pi’ e te’eliyaw ko yafos ngom.

Revelation 1:4

Re babyor ney e yib rok John ni nge yan ngak fa medlip i galesiya ni bay ko nug nu Asia: I Got ni ir e bay e chiney, me ir e immoy, me ir e bay yib, nge fa medlip i kan ni bay u m’on ko gin ntagil’ Got e ngu’ur ayuweged gimed ma yad be pi’ e gapas nga lanin’med,

Hebrews 7:2

Urngin ban’en ni bay rok Abraham e ragag guruy me pi’ ta’ab guruy riy ngak Melkizedek. (Bin som’on i fan fithingan Melkizedek e “Pilungen e Tin nib Mat’aw.” Ma bochan e ir e pilung nu Salem, ma aram e ku reb i fan fithingan e “Pilungen e Gapas.”)

John 20:26

Me reb e wik nga tomuren nike mu’ulung pi gachalpen Jesus ngalan e naun bayay ma bay Thomas rorad ni kan man’nag e mab. Me sak’iy Jesus nga fithik’rad me ga’ar ngorad, “Nge yib e gapas ngomed.”

Ezekiel 2:6

“Me gur e en ni fak e girdi’ e thangri dab mu rus ngorad fa mu rus ko tin yad ra yog ngom. Bay ra longobiyed gur ni yad bod e rachangal ni longobiyem; ni gowa ga be par u fithik’ e awol. Machane dab mu rus ko pi tatogopluw nem ara tin bay rogned.

Psalms 28:3

Dab mu unegeg ko pi’in kireb ngam gechig nigeg, ni pi’in yad ma ngongoliy e kireb nib sumunguy e thin rorad, machane ba sug lanin’rad ko fananikan.

Daniel 4:1

Ba’aray e thin ni pi’ Nebukadnezzar ni Pilung nge yan ngak girdi’en urngin e pi nam, nge pi racha’, nge pi thin nu fayleng ni be ga’ar: “Ngu’um pired ni bfel’ rogomed.

Proverbs 3:25

Ma dabi magfan’um ko riya’ nra yib nib tomgin, ni bod e tin ma yib ko pi’in kireb ni bod bang i lang.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Galatia 6:16

Nge yib e gapas nga laniyan’ e pi’in yad be fol ko re bugithin ney, me runguyrad Got, ni yad nge urngin e girdi’ rok Got!

Luke 10:5

Ma ngiyal’ ni gimed ra yan riy ngalan reb e naun, e som’on e nge lungumed, Nge yib e gapas ngak girdi’en e re naun ney.

Zekariah 6:13

I ir e cha’ ni bayi toy bayay fare Tempel me yag thawon e pilung ngak, ma bay i gagiyegnag e girdi’ rok. Ma bayi sak’iy ba prist nga charen facha’ ni be gagiyeg, mar maruwelgow u ta’bang u fithik’ e gapas nge ta’reban’.’

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Psalms 72:7

Mange yigi par ni be gel feni mat’aw u n’umngin nap’an e yafos rok, mi i man’og u n’umngin nap’an ni bay e pul ni be mat ram’en.

Kolose 1:2

Ngak e girdi’ rok Got nu Kolose, ni pi’in yad ba yul’yul’ ni kad walaggad u daken Kristus: I Got ni Chitamangidad e ngi i ayuwegmed ma be pi’ e gapas nga lanin’med.

Luke 12:4

“Nggog ngomed e pi tafager rog ndab mu tamdaggad ngak e pi’in yad ra li’ e dowef ngem’, ma nga tomuren e dabkiyag ni ngar ngongliyed ban’en ngay ni kab gel e gafgow riy.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Daniel 6:25

Me yol Darius ni Pilung ngak e girdi’ u urngin e nam, nge pi racha’, nge pi thin u fayleng ni ga’ar: “Ngu’um pired ni bfel’ rogomed.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Psalms 11:1

Be pagan’ug ko ayuw rok SOMOL. Rigab balyang ni ga be yog ngog ni ga be ga’ar, “Mu changeg ngam man ni bod ba arche’ nga daken e pi burey,

BABYOR NI JOB 34:29

Fa’anra turguy Got ndariy ban’en ni nge rin’, ma dariy be’ nrayag rok ni nge thibthibnag. Ma fa’anra mithag owchen, mra par e girdi’ ni dariy ban’en nrayag rorad.

Lamentations 3:17

Gu pagtalin rogoy ni yima par ndariy e m’ar nge rogoy ni yib gapas nge uw rogon ma yi ba felfelan’.

Psalms 72:2

ya nge gagiyegnag e tirom e girdi’ nib yal’uw, mi i rin’ e tin nib mat’aw ngak e pi’in gafgow.

2 Kronicles 20:30

ma aram me par Jehoshafat ni be gagiyeg u fithik’ e gapas, me yoror Got rok u gubin yang.