John 13:5 - Bible Ni Thothup

⁵ Me pu’og boch e ran ngalan baraba’ i ban’en ni yima maluknag ayiy ngay me tabab i maluknag e rifrif u ay pi gachalpen me faley e rifrif u ayrad ko fa gi tawol nike bachiy nga lukngun.

John 13:5 Referans Kwoze

Luke 7:44

Me cheal u luwan nge sap ngak fare pin me ga’ar ngak Simon, “Ga be guy e re pin ney? Gub ngalan e naun rom, ma da mpi’ e ran ngog ni nggu luknag eg ngay, machane ir e ke maluknag e rifrif u eg ko lu’ rok ma ke faley nga piyan lolugen.

Psalms 51:2

Mmaluk nigeg nge chuw urngin e kireb rog, ma ga chuweg e denen rog nggu machalbog!

Genesis 19:2

me ga’ar, “Gub aray ni nggu pigpig ngomew, wenig ngomew mu unew ngog ngdarod nga tabinaw rog. Rayag ni ngam maluk nigew e rifrif u aymew mi gimew par u tabinaw rog e nep’ ney, me kadbul ni kam odgow mi gimew yan.” Machane me lungurow, “Danga’, bay gu pirew u roy u tagil’ e mu’ulung ko binaw e nep’ ney.”

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

Genesis 18:4

Mu son gad nggog ngan fek e ran i yib ngam luk niged e rifrif u aymed ngay; rayag ni ngam gifgad u roy u tan e re ke gek’iy ney.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

Hebrews 10:22

Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.

Efesus 5:26

I rin’ e ren’ey ni fan e nge pi’ girdi’en e galesiya nga pa’ Got u daken e thin rok u tomuren nike mu’ i maluknag ko ran ke be’ech,

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

Acts 22:16

Ere mang ni ka ga be son e chiney? Mu sak’iy ngan tawfe nigem ma ga wenig nigem nga fithingan nge chuweg e denen rom.’

2 Kings 3:11

Me fith Jehoshafat ni Pilung, ni ga’ar, “Mogew, bay ba profet u roy nrayag ni ngad fithed laniyan’ SOMOL u daken?” Me fulweg ba tolang ko fare raba’ i salthaw rok Joram ni Pilung, ni ga’ar, “Bay Elisa nib mo’on ni fak Shafat u roy. I ir e immoy ni tama’ayuw rok Elijah.”

1 Samuel 25:41

Me siro’ Abigail nge math peri’ nga daken e but’ me ga’ar, “I gag e tapigpig rok, ma kug fal’eg rogog ni ngug maluknag rifrifen ay e pi tapigpig rok.”

Levitikus 14:8

Ma facha’ ni yibe be’echnag e nge luknag e mad rok, me puy piyan lolgen ni urngin, me maluk; ma aram e ke be’ech. Ma aram e rayag ni nge sul nga langgin e gin yibe par riy, machane thingari par u wuru’ e tent rok ni medlip e rran.

1 John 5:6

Jesus Kristus e ir fa’anem ni yib ni ran ko tawfe rok nge racha’en ko yam’ ni tay e micheg ko ir mini’. Gathi yib ni kemus ni ran e mich rok, machane ran nge racha’. Ma fare Kan Nthothup e ke micheg nib riyul’ e ren’ey; ya fare Kan Nthothup e ir e riyul’.

1 John 1:7

Machane fa’anra ud pired u fithik’ e tamilang — ni bod ir ni bay u fithik’ e tamilang — ma aram e kad ta’ab girdi’gad nike ta’reban’dad, ma racha’en Jesus ni Fak e ir e be be’ech nagdad u urngin e denen rodad.

John 19:34

Machane me rugoy bagayad fapi salthaw e sarey rok nga p’eyon Jesus, ma ka chingiyal’ nem me map’ e racha’ nge ran riy nga but’. (

Luke 7:38

me yib i sak’iy u keru’ Jesus u to’oben e rifrif u ay, ngi i yor nge munurnag e rifrif u ay Jesus ko lu’ rok. Me faley nga piyan lolugen, me mu’ me faray e rifrif u ay me pu’og fare florida nga daken rifrifen ay Jesus.

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Revelation 1:5

mi Jesus Kristus ni fa’anem nib yul’yul’ ni i weliy murung’agen Got ngak e girdi’, ni ir e bin ni m’on i Fak Got, ma ku ir e som’on ni faseg Got ko yam’ ndab ki yim’, ni ku ir e be gagiyegnag urngin e pilung nu fayleng e ngi i ayuwegmed ma be pi’ e gapas nga lanin’med. Gadad ba t’uf rok ma ke pithigdad ko denen rodad u daken racha’en ni map’ u kuruth

Isaiah 1:16

Mmalukgad ngam be’echgad. Mu taleged urngin e kireb ni gu be guy ni gimed be rin’. Errogon, mu talgad ko kireb;

Exodus 29:4

“Mag fek Aron nge fapi pumo’on ni fak i yib nga langan e mab ko fare Tent u p’eowcheg, mag luk nagrad ngar machalboggad.

John 13:10

Me yog Jesus ni ga’ar, “Cha’ nike maluk e ke be’ech downgin ndab ki maluk, ma kemus ni rifrif u ay e nge maluknag. Gimed gubin ni kam be’echgad — machane ta’abe’ e dawor.” (

John 13:8

Me ga’ar Peter, “Ri dab mu luknag e rifrif u eg!” Me fulweg Jesus ngak ni ga’ar, “Fa’anra dab gu luknag e rifrif u em ma dab kum mang reb i gachalpeg.”

Genesis 43:24

Me fek fare tapigpig fa pi’inem i yib ngalan e naun rok Josef. Me pi’ e ran ngorad ngar maluk niged e rifrif u ayrad ngay, me duruw’iy fapi dongki rorad.

Judges 19:21

Ma aram me fekrad nga tafen nge duruw’iy e dongki rorad. Fapicha’ nra uned ngak e ra luk niged e rifrif u ayrad miyad un ngak ko abich.

John 13:6

Me taw ngak Simon Peter, ni aram e cha’ ni yog ngak ni ga’ar, “Somol, ngam luknag e rifrif u eg?”