John 13:23 - Bible Ni Thothup

²³ Ma bay bagayad fa picha’, ni gachalpen nrib t’uf rok Jesus, nike par nga but’ ni ir e mmigid ngak Jesus.

John 13:23 Referans Kwoze

John 19:26

Me guy Jesus e chitiningin nge fa en ni gachalpen nib t’uf rok ni yow ba sak’iy u rom; ma aram me ga’ar Jesus ngak e chitiningin, “Ppin, be’er fakam.”

John 21:20

Me changar Peter nga keru’, me guy fa binem i gachalpen Jesus ni bay u keru’, ni fa’anem nib t’uf rok Jesus — ni fa’anem ni fa’ani pag ir ngari chugur ngak Jesus ko ngiyal’ ni ba’aram ni fa’anra abichgad riy me fith ngak ni ga’ar, “Somol, i mini’ e en ni bayi yag nigem?”

John 21:7

Facha’ ni gachalpen Jesus nib t’uf rok Jesus e ga’ar ngak Peter, “I Somol e cha’nem!” Ma nap’an ni rung’ag Simon Peter ni facha’ e ir Somol, me bachiy wuru’ e mad rok nga lukngun (ni bochan e ke luf e mad rok) me bukey nga maran.

John 20:2

Me mil nge yan ngak Simon Peter nge fa’anem ni gachalpen Jesus nib t’uf rok Jesus, me ga’ar ngorow, “Kar chuweged Somol ko fare low ko yam’ ma da gu nanged e gin ni kranod ra ted ngay!”

John 11:36

Ma aram me yog fa picha’ nu Israel ni lungurad, “A mu guyed nga feni t’uf Lazarus rok!”

John 11:5

Me Jesus e rib t’uf Martha rok, nge Maria ni walagen Martha, nge Lazarus.

John 11:3

Me pi’ fa gali ppin ni walagen e thin nge yan ngak Jesus ni lungurow, “Somol, fare fager rom nrib t’uf rom e ke yib e m’ar ngak.”

2 Samuel 12:3

ma fa’anem nib gafgow e ri ta’reb e fak e saf ni bay rok ni chuw’iy. I ayuweg fare fak e saf ngi i ga’ u tabinaw rok ni yad pifak fa’anem ni ur ilalgad. Ma pi’ boch e ggan rok i kay, mma pag nge unum e ran u lan e kap rok, mma dibey. Re fak e saf nem e par ni bod bochi pin ni fak ngak.

John 21:24

Cha’nem e ir e cha’ ni gachalpen Jesus ni weliy murung’agen e pin’ey, ni en ni ku ir e ke yoloy e pi thin ney; ma gamad manang ni tin ke weliy e riyul’.

John 13:25

Ma aram me lech facha’ ni ir reb i gachalpen i yan nga baraba’ i to’oben Jesus me fith ni ga’ar, “Somol, i mini’?”

John 1:18

Dariy be’ ni ka’a guy owchen Got. Machane kemus ni fa’anem ni ir e bod rogon Got me ir e bay u to’oben e en ni Chitamangiy, e ir e ke weliy murung’agen Got kan nang.

Luke 16:22

Me yim’ fare mo’on nib gafgow me yib e pi engel ra feked i yan nga baraba’ i to’oben Abraham ko mur u tharmiy; me yim’ fare mo’on ni pire’ ban’en rok min k’eyag.

John 13:24

Me fanathin Simon Peter ngak u owchen ni be ga’ar, “Mu fith ngak ko mini’ e cha’ ni be weliy murung’agen.”

1 Kings 4:5

En th’abi ga’ u fithik’ fa pi’in yad bay u tan pa’: Azariah nib mo’on ni fak Nathan Tafnow rok e en pilung: Zabud ni prist nib mo’on ni fak Nathan