John 13:2 - Bible Ni Thothup

² Ma aram e bay Jesus nge pi gachalpen ni yad be abich ko blayal’. Ma ke mu’ i tay rok mo’onyan’ nga laniyan’ Judas, ni fak Simon Iskariot, ni ir e nge yagnag Jesus.

John 13:2 Referans Kwoze

Acts 5:3

Me ga’ar Peter ngak, “Ananias, mang ni kam pagem ngak Satan kemang ir e ke gagiyegnag lanin’um ke muruwliyem kam lifith l’ugunam ngak fare Kan ni Thothup ni bochan e kam cha’riy bang fare salpiy ni yag ngom ni puluwon fare gi binaw?

Revelation 17:17

Ya ke tay Got ngalan gum’ircha’rad ni ngar ngongliyed e tin be finey, ni nge ta’reban’rad ngar pi’ed gelngirad ngak fare gamanman, ni nge yib gelngin nge gagiyeg nge yan i mada’ ko ngiyal’ nra yib i m’ug nike riyul’ e thin rok Got.

Efesus 2:3

Ma bin riyul’ riy e gadad gubin ni ud moyed ni gadad bod yad, ma ud pired ni gadad be ngongol nrogon e tin ni gadad be ar’arnag, ma gadad be rin’ e pin’en ni ir e bm’agan’ dowdad nge lanin’dad ngay; ma ku errogon ni ud pired nike muduwgil ni ngad gafgowgad ko damumuw rok Got ni bod urngin e girdi’.

2 Korinth 8:16

Ri ba ga’ e magaer ni gu pininged ngak Got ni ayuweg Titus nge pasigan’ ni bod gamad nge ayuwegmed!

Luke 22:31

“Simon, Simon! Mmotoyil! Kan pi’ mat’wun Satan ni nge sikeng nagmed ni gimed gubin, ni bod rogon be’ ni girdi’en e woldug ni be chuweg fiteyru’ wom’ngin e wheat ni aram e pin’en ni yima ngongliy nge mang flowa.

Luke 22:3

Ma aram me yan i ying e mo’onyan’ ngak Judas, ni yima pining Iskariot ngak, ni ir reb fa ragag nge l’agruw i gachalpen Jesus.

Nehemiah 2:12

da gog ngak be’ e n’en ke tay Got nga lanin’ug ni nggu muruwliy ni fan ngak yu Jerusalem. Me lukngun e nep’ mu gu od me un in e pumo’on ngog nggu warod. Ta’are gamanman ni gu feked nge un ngomad e re dongki ni ba’aram ni gu af nga daken nggu warod.

Ezra 7:27

Me ga’ar Ezra, “Ke magaer SOMOL ni fare Got rok pi chitamangidad ni kakrom! Ke gagiyegnag fare pilung ke m’agan’ ngay ni nge tay fan e Tempel rok SOMOL ni bay u lan yu Jerusalem ni aray rogon!

John 13:4

Ma aram me sak’iy Jesus ngalang u tebel, me luf e thal ni wuru’ e mad rok, me bachiy bangi tawol nga lukngun.

Matthew 10:4

nge Simon, nma tiyan’ ko nam rok, nge Judas Iskariot, ni yagnag Jesus.

John 13:11

Ya manang Jesus e en ni ir e bayi yagnag; aram fan ni ga’ar, “Gimed gubin ni kam be’echgad, ma ta’abe’ e dawor.”)