John 12:15 - Bible Ni Thothup

¹⁵ “Dab mu tamdag i gur e binaw nu Zion! Ya chiney e be yib e pilung rom i yib ngom, nike af nga daken ba dongki ni kab bitir.”

John 12:15 Referans Kwoze

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Isaiah 62:11

I SOMOL e be weliy ko fayleng ni ga’ngin ni ngan rung’ag: “Mogned ngak e girdi’ nu Jerusalem ni Fare SOMOL e bayib ni nge thapegmed, Me fek e girdi’ nike lagrad ngar uned ngak.”

2 Samuel 16:2

Me fith David ni Pilung ngak ni ga’ar, “Mang e ngam rin’ ko pin’ir ni er urngin?” Me ga’ar Ziba, “Pi dongki ney e nge af girdi’en e tabinaw rom nga daken, ma flowa nge wom’ngin e gek’iy e nge kay e girdi’ nike un ngom, ma pi wayin ney e fan ngorad ko ngiyal’ ni kar magaergad u daken e ted.”

Mikah 4:8

Me gur, Jerusalem, ni gur tagil’ Got ni mapar riy, ni bod ba tagafaliy e saf u lan tafen e damit rok, ngi i changar nga daken e girdi’ rok, e bay kum mang bayay lolgen fare lung ni immoy ni fanam.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

1 Kings 1:33

me ga’ar ngorad, “Pi tolang ni yad be par u lan e yoror rog e ngam pininged yad ngar uned ngomed; me af Solomon ni fakag nga daken fare gamanman rog ni mule, mi gimed yan nga p’ening ko fare alublub nu Gihon,

Judges 12:14

Ma aningeg i ragag e pumo’on ni fak ma guyey e pagel ni fak pifak, ni uranod u daken medlip i ragag e dongki. I Abdon e i gafaliy yu Israel ni meruk e duw,

Judges 5:10

Gimed e pi’in kam afgad nga daken e pi dongki nib wechwech, ni kam pired nga daken e n’en ni kan filath nga daken keru’ e dongki e ngam weliyed murung’agen, ma ku er rogon gimed e pi’in nthingar mmarod u but’ ko gin ngam marod ngay.

Deuteronomy 17:16

En nra pilung e dabi leamnag ni nge yo’ornag e os rok ni fan ko ba’ rok e salthaw, ma dabi l’oeg e girdi’ nga Egypt ni ngar chuw’iyed e os. Ya keyog SOMOL ni girdi’ rok e dakuriy bi’id ni ngki sul ngaram.

2 Samuel 15:1

Tomuren e biney me fek Absalom ba chariot nge boch e os ngak, nge wugem e pumo’on ni ngu u ranod ni yad be m’on rok ma be lay.

Matthew 21:5

“Mogned ko binaw nu Zion ni nge lungumed: Chiney e be yib e pilung rom, ir be’ nib munguy nike af nga daken ba dongki, ke af nga daken ba fak e dongki.”

John 12:14

Me pir’eg Jesus ba gamanman ni dongki me af nga daken, ni bod rogon ni be yog e babyor nib thothup ni be ga’ar: