Jeremiah 9:10 - Bible Ni Thothup

¹⁰ Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Jeremiah 9:10 Referans Kwoze

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Hosea 4:3

Ere bayi m’ay e ran u daken e nam, ma urngin ban’en nib fos e bay yim’, ni urngin e pi gamanman nge pi arche’, mus ko nig ni bayi yim’.”

Ezekiel 33:28

Bay gu gagiyegnag e re nam ney nge par ni ba nam ni kann’ag, ma gelngin e nam rorad nri yad ba uf ngay e bayi m’ay. Pi burey nu Israel e bayi mak’ gerger ndariy be’ ni ku rayag ni nge milekag riy.

Ezekiel 29:11

Dariy ba girdi’ ara ba gamanman nra yan u rom. Aningeg i ragag e duw ni dakriy ban’en nra par u rom.

Ezekiel 14:15

“Ara gol’oeg e gamanman ni malboch nge thang e pogofan ko girdi’, nge par fare binaw nib kandugwen ndakriy be’ nra milekag u langgin,

Jeremiah 12:10

Ba yo’or e tayugang’ nu bang ni ka ra kireb niged e woldug rog ni grape; ka ra yotyoted nga but’ e yung i milay’ rog; yung i flang rog nib manigil e ka ra ted ni gawa bang i ted ni der tugul ban’en riy.

Jeremiah 7:29

“Gimed e girdi’ nu Jerusalem, mu yor gad mi gimed th’ab piyan lolugmed ngam n’iged. Mon’ed tangin e gum’eyag u daken p’ebgul e yochi burey, ya gag SOMOL, e ku gu damumuw ma ku gu n’ag e girdi’ rog.

Lamentations 2:11

Ke thow owcheg ko meyor; ni kari kireb lanin’ug. Kethay parwog ko meyor ni bochan e gafgow ko girdi’ rog. Bitir nge madway e yad be paraw nike ma’ gelingrad u lan e yupa’ i kanawo’ u lan fare binaw.

Lamentations 1:16

“Aramfan ni lan owcheg e kesug ko lu’ ni be map’. Dariy be’ nrayag ni fal’eg lanin’ug; fa i pi’ e athamgil ngog. An to’ogor e ke gel ngog; ma pi girdi’ rog e dakriy ban’en ni magey rorad.

Jeremiah 23:10

Re nam ney e ke sug ko girdi’ nde yul’yul’ ngak SOMOL; tin kireb e yad be rin’ ma mat’awrad ni bay e ka ra muruwliyed e tin nib kireb ngay. But’ ko nam e ke kireban’ ya ke bucheg SOMOL wa’athan, ma yungi n’en nma kay e gamanman e pan riy e ke yim’ e pan riy.

Jeremiah 14:6

Dongki ni malboch e yad ba sak’iy u pe’bugul e burey ni yibe chibiy e fan rorad ni bod e jackal; ma ka ra malmitgad ni bochan e ggan dakriy.

Jeremiah 8:18

Gafgowan’ rog e dab kiyag i golnag; ku gu m’ar nga lanin’ug.

Jeremiah 2:6

I m’ay fag u wun’rad, ni yugu aram rogon ni gu chuwegrad u tan pa’ yu Egypt nggu pow’iyrad i yan u daken e ted, u lan ba nam nib sug yungi desert riy nge bogi low, nib fengfeng ma ba sug ko maad’ad ndariy be’ nma par riy, ma der milekag be’ riy.

Isaiah 49:19

“Nam rom e ni kirebnag min n’ag, machane chiney e bay yan i aw ni kayigi achig, ya pi’in bay rabad ni ngar pired riy e yad bpire’! Ma pi’in ra kireb niged gur e ri bay ni mal’af nagrad rom.

Isaiah 41:15

Bay gu ngongliyem ngam bod bangi plang ni yima gunugunuy e wheat ngay, ni bang nib be’ech ma bay e richib riy nib m’uth. Bay mu chubu’uy ma ga kirebnag e pi burey ngay; pi burey e bayi puth nge ngal’ ni fiyath.

Jeremiah 50:3

“Ba nam ko lel’och e ke yib ni nge cham nga Babylon nge par nike bang i ted ni desert. Girdi’ nge gamanman e bay ra milgad riy, nge par ni dakriy be’ nma par u rom.”

Ezekiel 27:2

“Fak e girdi’, mu daloloy’nag yu Tyre,

Joel 1:13

Gimed e pi prist ni gimed ma pi’ fapi maligach u daken e altar e nga mon’ed nga dakenmed e mad ni tutuw ngam yorgad, marod ngalan e Tempel ngam yorgad ni polo’ e nep’! Dariy e grain ara wayin ni ngam pi’ed ngak e Got romed.

Joel 1:19

SOMOL, kug pag lamag ngalang kug yor ngom, ya yungi garger nge yuchowo’ i gek’iy e yigo’ ke mororay, ni gowa ke mo’oruf.

Amos 5:1

Mu telmed, piyu Israel, ko re tangin e gum’eyag ni ba’aray ni gu be yin’ ni fan ngomed:

Amos 5:16

SOMOL ni Th’abi Tolang ma Gubin ma Rayag Rok e be ga’ar, “Bay i dololoy’ e girdi’ ma yad be yor ko amith u lan e yu pa’ i kanawo’ u lan binaw. Girdi’ ni be woldug e bay ni piningrad ni ngarbad ngar dololoy’ niged e yam’ ni ngar cheggad ngak e pi’in ni yima pi’ puluwrad ngar dololoy’ niged e yam’.”

Mikah 2:4

Nap’an nra taw ko ngiyal’nem, ma ba’aray ba tang ni bay i yin’ e girdi’ ni murung’agen e gafgow nike yib ngomed. Bayi ga’ar e re tang nem: Ke mul urngin u pa’dad! I SOMOL e ke fek e binaw rodad u pa’dad. Ke pi’ ngak e pi’in kar koled gadad kad manged kalbus rorad.”

Jeremiah 2:15

Ka ra tolulgad ngak ni bod bogi layon; ka ra ted fare nam rok nike daken e ted ni desert, pi yochi binaw rok e ka ni kirebnag ma dakuriy be’ ni be par riy.

Jeremiah 12:11

Ka ra ted ni dakriy e wulgo’ riy; ke par u p’eowcheg ni dakriy ban’en riy. Ga’ngin fare but’ nike daken e ted ni desert, ni dakriy be’ ni be magfan’ ngay.

Lamentations 5:18

ni bochan e burey ni Zion e kann’ag ke par ni go’ ir, pilis ni malboch e be gurul u fithik’ e tin ke mogothgoth.

Ezekiel 6:6

Urngin e binaw nu Israel e bay ni gathay, ma aram e gubin e pi altar rorad nge pi liyos e bay ni bilbilig nge yoch yang u but’, pi altar rorad ni fan ko incense e bayi wearwear, ma gubin e tin nra ngongliyed ni bayi m’ay ngabang.

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.