Jeremiah 7:14 - Bible Ni Thothup

¹⁴ Ere n’en ni gu rin’ u Shiloh e bay gu rin’ ko re Tempel rog ney ni ir e ke pagan’med ngay. N’en ni gu rin’ u Shiloh e ir e bay gu rin’ ko gin’ey ni gag e gu pi’ ngomed nge ngak pi chitamangimed kakrom.

Jeremiah 7:14 Referans Kwoze

Jeremiah 7:4

Nge dabki mich u wun’med e pi thin ni ba’aray nde riyul’ nike lunguy, ‘Irera’ fare Tempel rok SOMOL, irera’ fare Tempel rok SOMOL, irera’ fare Tempel rok SOMOL! Ere dabi buch ban’en rodad!’

Jeremiah 7:10

Gimed be rin’ e tin dabug, nge mu’ mi gimed yib mu sak’iy gad nga p’eowcheg u lan, e Tempel rog, nge lungumed, ‘Dabki buch ban’en rodad! Kad thapgad!’

Psalms 78:60

Me n’ag e tent rok nu Shiloh, ni aram e gin ni tafen ni i par riy u fithik’mad.

2 Kings 25:9

Me urfiy e Tempel, nge tafen e pilung, nge naun rok urngin e pi tolang nu Jerusalem,

Deuteronomy 28:52

Bay ra chamgad ngak urngin e binaw nu lan fare nam ni bayi pi’ SOMOL ni Got romed ngomed, ma pi yoror romed nib tolang ni fan ko mael nma pagan’med ngay e go’ ra puth.

Ezekiel 24:21

ni nggu pi’ e re thin ney ngomed yu Israel: Kam ufanthin gad nga feni gel fare Tempel. Gimed ba’adag ni ngu’um yaliyed ma gimed be sul ngay, machane SOMOL e bayi m’aynag fan. Ma pi a romed nib bitir ko tabnaw, ni pi’in ni kar magach gad u Jerusalem e bay ni thang e fan rorad u tan e mael.

Lamentations 4:1

Gol rodad ni immoy nib galgael e ke yim’ ram’en; fapi malang ko fare Tempel e ke wagagey u lan e yupa’ i kanawo’.

Lamentations 2:7

I Somol e n’ag e altar nge Tempel rok nib thothup; Me pag e to’ogor nge buthug e rungrung riy. Miyad tolulnag e gel ni kar ted ko gin’en ni ud meybilgad riy u fithik’ e felfelan’.

Jeremiah 26:18

“Nap’an ni Hezekiah e pilung nu Judah, me yog Mikah ni profet ni be’ u Moresheth ngak urngin e girdi’ ni SOMOL ni Gubin ma Rayag Rok e ke ga’ar, ‘Yu Zion e bay ni gi’ e but’ riy ni bod bangi milay’; ma yu Jerusalem e bayi bod ba ulung i malang, ma fare burey ni bay e Tempel riy e bayi par nike mang bangi gerger.’

Jeremiah 7:12

Mmarod nga Shiloh, ni aram e gin som’on ni gu duwgiliy ni ngan meybil riy ngog, ngam guyed e n’en ni gu rin’ ngay ni bochan e denen rok piyu Israel, ni girdi’ rog.

Isaiah 64:11

Tempel romad nib thothup ma bfel’ ya’an ni i pining pi chitamangimad ni kakrom e magaer nge sorok ngom riy, e kan urfiy; urngin e yungi n’en nib t’uf romad e kan kirebnag.

2 Kronicles 7:21

“Fare Tempel e yibe tayfan e chiney, machane ngiyal’nem e gubin e girdi’ nra yib nge yan u to’oben e ra balyangan’rad ngay miyad fith ni lungurad, ‘Mangfan nike rin’ SOMOL e ren’ey ko re nam ney nge re Tempel ney?’

Deuteronomy 12:5

Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.

Jeremiah 23:39

e bay gu chibiyrad ngalang nggon’rad nga palog rog, nib mu’un fare binaw ngorad ni gu pi’ ngorad nge pi chitamangirad.

Ezekiel 23:31

Um lek lon ay walagem, ere bay gu pi’ ngom ere kap ko gechig ni i unum ngkum unum.”

Jeremiah 12:7

I SOMOL e be ga’ar, “Ku gu n’ag yu Israel; kug furuy fare nam ni gu mel’eg. Fapi girdi’ nib t’uf rog e ku gu pagrad nga tan gelngin e pi to’ogor rorad.

Jeremiah 26:4

Me yog SOMOL ngog ni nge lungug ko pi girdi’ nem, “I Gag SOMOL e kugog ni thingar mu folgad rog ngam rin’ed e tin kug machibnag ngomed.