Jeremiah 6:6 - Bible Ni Thothup

⁶ I SOMOL ni Gubin ma Rayag Rok e pi’ e thin rok ko fapi pilung ni ngar th’abed e gek’iy nga but’ miyad ubung e but’ ngar thabey niged yu Jerusalem nge yag nra koledyad. Me ga’ar, “Bay gu gechignag e re binaw ney ni bochan e ngongol rorad nib kireb.

Jeremiah 6:6 Referans Kwoze

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.

Luke 19:43

Ya bayi taw nga boch e rran me yib e to’ogor rom ngar cholngobiyed gur ko yoror ni but’ nge malang, mu ur bad i yib ngom u gubin yang.

Isaiah 37:33

Ba’aray e thin nike yog SOMOL ni murung’agen e emperor nu Assyria, “Ri dabi yib ngalan e re binaw ney fa pag ta’reb e gan e get’ing nge yib nga langgin, ma salthaw ni kar feked fa yungi shield e dab ra chugurgad ko re binaw ney, ma salthaw rok e dab ra ubunged e malang nge but’ ni nge longobiy e re binaw ney ni ngar mithgad nga fon ko mael.

Jeremiah 22:17

Machane gur e kemus ni tin ni bfel’ ngom e ga ma guy; um thang e fan ko girdi’ ni dariy ban’en nike bucheg mu’um gafgownag e girdi’ rom nib almirin. I SOMOL e be non.

Jeremiah 32:31

Girdi’ ko re binaw ney e ra k’aringed e damumuw ngog ni kan nap’an e ni ubung e re binaw ney. Are ku gu turguy ni nggu buthug

Jeremiah 33:4

I gag, SOMOL, ni Got rok yu Israel, e gu be yog ni pi naun nu Jerusalem nge tafen e pilung nu Judah e bay ni buthug nga but’ ni fan ko fare mael nge cham.

Ezekiel 4:2

Ma aram ma ga dum’midil ni ngam cham ko fare gi rengnga ni susun e rriyul’ nib binaw. Mag ubung e but’ nge taw nga p’ebgul mag longbiy fare gi rengnga ko pi tent rok e pi to’ogor. Gubin raba’ riy ni ngam tay yu lay i ren riy nib ga’ ni susun e aram e ngam buthug nga but’ e garog ko fare binaw.

Ezekiel 5:5

I SOMOL ni Th’abi Tolang e ga’ar, “Mu changar nga Jerusalem, ni kug tay nga lukngun e fayleng, ni bay boch e nam nib liyeg.

Daniel 11:15

Ma aram e pilung nu Syria e bayi m’ag e mael nga bbinaw ni ka ni yororiy ni fan ko mael me kol. Ma pi salthaw nu Egypt e bay ra paged e cham; ya mus ko tin th’abi falu’ u fithik’rad ni bay dabkiyag ni ngar chamgad.

Zefaniah 3:1

Gafgow e nge tay yu Jerusalem, nib binaw nike sug ko kireb nge togopluw ni be gafgownag e girdi’ riy.

Jeremiah 5:9

Ere mang ni dab gu gechig nagrad ko pin’ey nggu togopluw nga ba nam ni aray rogon’?

Jeremiah 5:29

“Machane i gag SOMOL e bay gu gechig nagrad ni bochan e pin’ey; Bay gu fulweg taban ko re nam nem.

Jeremiah 20:8

Ra gu welthin ma gu be non ni ba ga’ lamag ni gu be tolul ni gu be ga’ar, “Modyargal! Riya!” SOMOL, yibe minmin ngog ma yibe moning ngog ni gubin ngiyal’, ni bochan e gu be yog e thin rom.

Jeremiah 39:1

U lan e bin ragag e pul ko bin mereb e duw nike pilung Zedekiah u Judah, me yib Nebukadnezzar ni Pilung nu Babylon nge ga’ngin fa raba’ i salthaw rok ngar chamgad nga Jerusalem.